Galatta Geetu: నాగార్జునని కలిసిన గలాటా గీతు.. బిగ్ బాస్ హోస్ట్ నుంచే పిలుపు.. ఎందుకంటే

బిగ్ బాస్ హౌస్ నుంచి అనూహ్యంగా ఎలిమినేట్ అయిన గలాటా గీతు.. ఆ బాధలో నుంచి బయటకు రాలేకపోతుంది. టైటిల్ విన్నర్ తానేనని.. నాగార్జున చేతుల మీదుగా టైటిల్ తీసుకునేది నేనే అని బిగ్ బాస్ హౌస్‌లో ఉండి కలలు కన్న గీతుని బిగ్ బాస్ హౌస్‌ నుంచి బయటకు గెంటేయడంతో కళ్లు తేలేసింది. బిగ్ బాస్ ఇచ్చిన ఈ షాక్ నుంచి ఇప్పుడిప్పుడే బయటపడుతుంది గీతు. తాజాగా తన యూట్యూబ్ ఛానల్‌లో తనకి సంబంధించిన అప్డేట్స్ ఇస్తూ.. బిగ్ బాస్ హోస్ట్ నాగార్జున నుంచి తనకు పిలుపు వచ్చిందనే విషయాన్ని తెలియజేసింది.

తాజా వీడియోలో గీతు మాట్లాడుతూ.. ‘నేను ఎలిమినేట్ అవుతానని ఊహించలేదు. అందుకే స్టేజ్ మీద బాధలో ఏడ్చేశాను. కానీ.. ఆ ఎపిసోడ్ తరువాత చూసుకున్నప్పుడు నాకే బాధ అనిపించింది. ఏమిరా ఇలా ఏడ్చేశాను.. నాగార్జునగారు అలా పట్టుకుని ఓదార్చడం చూసి చాలా బాధపడ్డాను. అందుకే ఆ తరువాత వెళ్లి మళ్లీ నాగార్జున సార్‌ని కలిశాను. మొన్న ఆదిరెడ్డిని తిట్టిన ఎపిసోడ్‌కి ముందే నాగార్జున గారిని సెట్‌లో కలిశాను. ఆ అమ్మాయిని పిలిపించండి అని నాగార్జున గారు చెప్పారట.. నేను బాగా డిప్రెషన్‌లోకి వెళ్లానని ఆయనకి తెలిసింది. నాకు కూడా నాగార్జున గారితో మాట్లాడాలని అనిపించి సెట్‌కివెళ్లాను. అప్పుడు కూడా నాకు ఏడుపు వచ్చేసింది. అప్పుడు కూడా నన్ను ఓదార్చారు. ప్రేమ వచ్చినా.. బాధ వచ్చినా పైకి చెప్పుకోవాలని నాకు తెలిసి వచ్చింది.

బిగ్ బాస్ ఫ్యామిలీ ఎపిసోడ్‌ చూసినప్పుడు కూడా చాలా ఏడుపు వచ్చింది. ఎందుకంటే.. ఫ్యామిలీ వీక్‌ వరకూ నేను ఉంటాననే కాన్ఫిడెన్స్‌తో.. మా అమ్మకి కొత్త చీర కూడా కొని ఇచ్చాను. అందుకే చాలా బాధవేసింది.

బిగ్ బాస్ అయిన తరువాత ఇప్పటికి బయటకు రాలేదు.. 20 రోజుల తరువాత బయటకు వచ్చాను. ఓ పని మీద బయటకు వచ్చాను.. అది ఎక్కడికి అంటే.. హెయిర్ కలర్ కోసం.. కాలిపై టాటూ కోసం. నా లైఫ్‌లో చేయని పనులు చేస్తున్నా.. నా కాలికి సైలెన్సర్ కాలిన మచ్చ ఉంది.. ఆ మచ్చని.. చిరుత మచ్చలతో కవర్ చేద్దాం అని ఈ చిరుత చారలు టాటూగా వేయించుకున్నాను’ అంటూ వీడియో వదిలింది గలాటా గీతు.

Read more Cinema News and Telugu News, TV News