Bigg Boss Telugu: ‘రేయ్ పప్పూ.. నువ్ మగాడివేనరా’.. తమన్నా మళ్లీ నీచంగా!

బిగ్ బాస్ ఆడిస్తున్నాడో లేక ఆమే ఆడుతుండో కాని బిగ్ బాస్ హౌస్‌లో తమన్నా వ్యవహారశైలికి నీచం అనే మాట చాలా చిన్నదే అవుతుంది. ఇప్పటి వరకూ బిగ్ బాస్ షోని అభిమానించిన ప్రేక్షకులు ఆమె వ్యవహార శైలితో ఇదేం చెత్త షో అని టీవీలను కట్టేస్తున్నారంటే ఆమె బూతు పురాణం ఏం రేంజ్‌లో ఉందో అర్ధం చేసుకోవచ్చు.

ఓ ట్రాన్స్ జెండర్‌ను హౌస్‌లోకి పంపి సాహసోపేత నిర్ణయం తీసుకున్నందుకు బిగ్ బాస్‌ను అభినందించాల్సిందే అనేలోపే.. ఆమెను హౌస్‌కి ఎందుకు పంపార్రా బాబూ ఇదేం అరాచకం.. ఆమెను వెంటనే నామినేట్ చేయాలంటూ సోషల్ మీడియాలో పెద్ద ఎత్తున వ్యతిరేకత వ్యక్తం అవుతుందంటే ఆమె వ్యక్తిగత దూషణ, వ్యవహార శైలి ఏం రేంజ్‌లో ఉందో అర్ధం చేసుకోవచ్చు.

హౌస్‌లోకి అడుగుపెట్టిన తొలిరోజే.. వరుణ్ సందేశ్‌కు చుక్కలు చూపిస్తానన్న తమన్నా.. ఆ తరువాత అలీ రజాను ‘నీకసలు సిగ్గు ఉందా రా? నువ్ తినేది అన్నమేనా? అంటూ దిగజారుడు వ్యాఖ్యలు చేసింది. ఇక నిన్నటి రాత్రి.. తనను ఎలిమినేట్ చేశారనే కోపంతో ఉద్రేకం ఆపుకోలేక.. రవిక్రిష్ణపై వ్యక్తిగత ఆరోపణలు చేసింది.

రేయ్ పప్పూ.. నీకు చుక్కలు చూపిస్తారా అంటూ తీవ్ర స్థాయిలో మండిపడింది. అంతటితో ఆగకుండా మగాడిలా ఉన్న ట్రాన్స్ జెండర్‌వి నువ్ అంటూ అసహ్యకరమైన వ్యాఖ్యలు చేసి అందరితో ఛీ అనిపించుకుంది.

అయితే ఈరోజు కూడా తన ప్రవర్తనను మార్చుకోలేదు తమన్నా. నేటి ఎపిసోడ్ ప్రోమోలో రవిక్రిష్ణను టార్గెట్ చేస్తూ.. ‘నాతో శత్రుత్వం ఎంత భారీగా ఉంటుందో సూడు’.. ద.. ద.. ద నీకు చుక్కలు చూపిస్తా.. అసలు నువ్ మగాడివేనరా పప్పూ.. నాకు ఈరోజు పప్పు కావాలి.. ఈ పప్పులో ఎలాంటి పవర్ ఉండదు కాబట్టి నాకు పెసరపప్పు కావాలని రవిక్రిష్ణను గిచ్చుతూ రెచ్చగొడుతోంది తమన్నా. తన కోపాన్నంతా అణుచుకుని వేదన పడుతున్నాడు రవిక్రిష్ణ. హౌస్ మొత్తం ఆమె చర్యలకు ఏమీ చేయలేక షాక్‌లో ఉండిపోయారు.

ఇదిలా ఉంటే.. తమన్నా ఇంతిలా రెచ్చిపోతుంటే కనీసం హెచ్చరించకుండా బిగ్ బాస్ ఏం చేస్తున్నట్టు? మైక్ మరిపోతేనే ఏదో చేయరాని నేరం చేసినట్టు.. బిగ్ బాస్ నియమాలను ఉల్లఘించారని పెద్ద గొంతుతో బిల్డప్ కొట్టే బిగ్ బాస్ తమన్నాను కనీసం హెచ్చరించకుండా ఎందుకు ఉంటున్నాడు? సరే సైలెంట్‌గా ఉన్నాడు సరే.. తమన్నా రవిక్రిష్ణను టార్చర్ చేస్తుంటే దాని ప్రోమో కట్ చేసి మరీ ఇలా ప్రమోట్ చేసుకోవడం వెనుక టీఆర్పీ రేటింగ్ కక్కుర్తిగానే కనిపిస్తుంది. బిగ్ బాస్ ఇదే ఆలోచనతో ఉంటే.. ప్రస్తుతం ఎలిమినేషన్‌లో ఉన్న తమన్నా వచ్చే వారం సేవ్ అయినా పెద్దగా ఆశ్చర్యపడాల్సిన అవసరం లేదు.