కౌశల్ పొడుపు కథ: ముందు 64, వెనుక ఒకటి.. ఇంతకీ ఏమిటదీ?

బిగ్‌బాస్ తెలుగు సీజన్ 2.. ఎపిసోడ్ 109లో ఐదుగురు హౌస్‌మేట్స్ సరదాగా గడిపారు. దీప్తీ, కౌశల్, తనీష్, గీత, సామ్రాట్‌లు జోకులు వేసుకుంటూ.. పొడుపు కథలు చెప్పుకుంటూ సందడి చేశారు. కౌశల్.. బిగ్‌బాస్ హౌస్‌లోని బొమ్మలను చూస్తూ.. పొడుపు కథలు అడిగాడు. ఈ సందర్భంగా దీప్తీకి వచ్చిన అనుమానాలు నవ్వుతెప్పించాయి.

ఇవీ కౌశల్ పొడుపు కథలు..: ముందు 64, వెనుక ఒకటే.. ఏమిటో చెప్పుకోండని కౌశల్ అడిగాడు. అయితే, ఎవరూ సమాధానం చెప్పలేకపోయారు. దీంతో సామ్రాట్ ‘షార్క్’ అని చెప్పాడు. అదెలా అని దీప్తి అడిగిన ప్రశ్నకు.. ‘‘ముందు షార్క్‌కు ముందు 64 పళ్లు ఉంటాయి. వెనుక తోక ఉంటుంది’’ అని కౌశల్ సమాధానం చెప్పాడు.

‘చూపుకు తెల్ల తలకి బహుబల్ల’ అని అడిగిన పొడుపు కథకు కూడా సామ్రాట్ తెలిగ్గానే సమాధానం చెప్పాడు. తెల్లగా ఉండేవి ఏనుగు దంతాలని, బహుబల్ల అంటే పెద్ద తలగదని తెలిపాడు. ఆ తర్వాత దీప్తి ఏదో పొడుపు కథను అడిగింది. దానిపై కాసేపు సరదా చర్చ జరిగింది. ‘‘బర్రె నడుచుకుంటూ వచ్చి పాలు ఇవ్వదు’’ అంటూ దీప్తి అనడంతో హౌస్‌లో మరోసారి నవ్వులు విరిశాయి.