నేను కన్నింగ్, బిగ్‌బాస్‌లో వాళ్లిద్దరిపై కోపం: కౌశల్

బిగ్‌బాస్-2 విజేత కౌశల్ ఆసక్తికర విశేషాలను బయటపెట్టారు. నాని తనను ప్లేబాయ్ అనడంతో హర్ట్ అయ్యానని చెప్పాడు. ఫస్ట్ ఎపిసోడ్‌లో సంజన చేయి పట్టుకున్నందుకే ప్లే బాయ్ అంటే.. కౌగిలింతలు, కిస్సులు, ఒకరి మీద మరొకరు కూర్చోవడం చూస్తే.. బయట ఏమనుకుంటారో అనిపించింది. నాకు ఇదివరకే పెళ్లయ్యింది, భార్యతో హ్యాపీగా ఉన్నాను. నేను ప్లే బాయ్‌ను కాదు. అందుకే నాని ఆ మాట అన్నప్పటి నుంచి మరెవర్నీ కనీసం టచ్ కూడా చేయలేదని కౌశల్ తెలిపాడు.

బిగ్‌బాస్ తొలి సీజన్లో పాల్గొనే అవకాశం నాకొచ్చింది. కానీ సూర్యవంశం సీరియల్ కోసం ఏడాదిపాటు కమిట్‌మెంట్ ఉండటంతో పార్టిసిపేట్ చేయడం కుదరలేదని కౌశల్ తెలిపాడు. రెండో సీజన్ కోసం రాత్రి పగలు కష్టపడి కమిట్‌మెంట్స్ పూర్తి చేయాల్సి వచ్చిందని టైటిల్ విజేత చెప్పాడు. బిగ్‌బాస్ గేమ్ కోసం, టైటిల్ గెలవడం కోసం నేను కన్నింగే అని కౌశల్ చెప్పుకొచ్చాడు.

బిగ్‌బాస్ టైటిల్ గెలవడం బిగ్గెస్ట్ అచీవ్‌మెంట్ అని కౌశల్ తెలిపాడు. ఆయనకు 43 కోట్లు ఓట్లు వచ్చాయి. దీంతో గిన్నిస్ బుక్ వాళ్లు వెరిఫికేషన్ కోసం రమ్మన్నారని కౌశల్ చెప్పాడు.

బిగ్‌బాస్ హౌస్‌మేట్స్‌లో తేజస్వి, బాబు గోగొనేనిపై తనకు చాలా కోపంగా ఉందని కౌశల్ చెప్పాడు. ఓ బ్రదర్‌లా షేర్ చేసుకున్న విషయాలను బాబు బయటపెట్టడం బాధించిందని చెప్పాడు. కౌశల్ లెవల్ ఏంటని బాబు మాట్లాడారు. ఆయన చేసే ప్రత టాస్క్ చీటింగే. నాలుగో వారం వరకు నేను తనతో చాలా క్లోజ్‌గా ఉన్నానని కౌశల్ తెలిపాడు. ఓసారి నేను భోజనం చేస్తుంటే.. సిగ్గులేకుండా తింటున్నావని తేజస్వి అనేసింది. చాలాసార్లు తప్పుడు మాటలు మాట్లాడింది. ఆమె మాట్లాడిన మాటలు టెలికాస్ట్ అయ్యాయో లేదో తెలీదని కౌశల్ చెప్పాడు.