Bigg Boss 5 Telugu: నాలుగో వారం నామినేషన్స్‌‌లో 8 మంది.. లోబో అసభ్యప్రవర్తన.. ప్రియ ఏడుపు

బిగ్ బాస్ సీజన్ 5 నేటితో నాలుగోవారానికి చేరుకుంది.. మిగతారోజులు పక్కనపెడితే.. సోమవారం వచ్చిందంటే.. బిగ్ బాస్ హౌస్‌లో హీట్ ఓ రేంజ్‌లో ఉంటుంది.. నామినేషన్ హీట్‌తో ఇంటి సభ్యులు వింత వింతగా ప్రవర్తిస్తూ ఒకరి తప్పుల్ని ఒకరు ఎత్తుచూపుకుని మాటలు తూటాలు పేల్చుకుంటారు.. పచ్చి బూతులతో తిట్టుకునేది కొట్టుకునేది కూడా ఈ నామినేషన్స్‌లోనే. ఇప్పవరకూ జరిగిన మూడు నామినేషన్స్‌లో ముగ్గురు సరయు, ఉమాదేవి, లహరిలు ఎలిమినేట్ కాగా.. నాలుగోవారం నామినేషన్స్ ఆసక్తిగా మారాయి. మరి ఈ నామినేషన్స్‌లో ఎవరెవరు ఉన్నారు? ఎవరు ఎవర్ని నామినేట్ చేశారు? ఈ రచ్చ ఏంటో నేటి (సెప్టెంబర్ 27) 23వ ఎపిసోడ్‌లో చూసేద్దాం.

నాలుగో వారం నామినేషన్స్ ప్రక్రియ ఎలా సాగింది? ఎవరు ఎవర్ని నామినేట్ చేశారంటే..

ప్రతివారం లాగే ఒక్కో సభ్యుడు ఇద్దరిద్దరి చొప్పున నామినేట్ చేయాల్సి ఉంటుంది. ఎవర్నైతే నామినేట్ చేయాలని అనుకుంటున్నారో వాళ్ల ఫొటోలోని ఒక భాగాన్ని తీసి దాన్ని స్విమ్మింగ్ పూల్‌లో వేయాలని చెప్పారు బిగ్ బాస్. మొదటిగా ప్రియతో ఈ నామినేషన్ ప్రక్రియను ప్రారంభించాలని కోరారు. ఇక ఎవరు ఎవర్ని నామినేట్ చేశారంటే..

1. ప్రియ.. లోబో, సన్నీ
2. విశ్వ.. రవి, నటరాజ్ మాస్టర్
3. లోబో.. ప్రియ, సిరి
4. శ్రీరామ్.. శ్వేత, ఆనీ మాస్టర్
5. షణ్ముఖ్ జస్వంత్.. యాంకర్ రవి, లోబో
6. నటరాజ్ మాస్టర్.. ఆర్జే కాజల్, సన్నీ
7. సిరి.. ఆనీ మాస్టర్, లోబో
8. మానస్.. లోబో, నటరాజ్ మాస్టర్
9. శ్వేతా.. లబో, యాంకర్ రవి
10. హమీదా.. నటరాజ్ మాస్టర్, లోబో
11. నటరాజ్ మాస్టర్.. విశ్వ, యాంకర్ రవి
12. ప్రియాంక.. లోబో, కాజల్
13. యాంకర్ రవి.. కాజల్, నటరాజ్ మాస్టర్
14. ఆనీ మాస్టర్... సిరి, రామ్
15. సన్నీ.. ప్రియ, కాజల్
16. జెస్సీ.. ప్రియాంక, యాంకర్ రవి

మొత్తంగా ఈ నామినేషన్ ప్రక్రియలో ఇంటి నుంచి బయటకు వెళ్లడానికి ఎవరెవరు నామినేట్ అయ్యారంటే.. నటరాజ్, లోబో, రవి, ప్రియ, కాజల్, సిరి, సన్నీ, ఆనీ.. ఈ ఎనిమిది మంది ఎలిమినేషన్‌కి నామినేట్ అయ్యారు.

లోబో వర్సెస్ ప్రియ.. పిచ్చెక్కినట్టు ప్రవర్తించిన లోబో
లోబో, సన్నీలు తనకి దూరంగా ఉంటున్నారని.. ఎన్నిసార్లు వాళ్ల దగ్గరకు వెళ్లి మాట్లాడే ప్రయత్నం చేసినా తనతో మాట్లాడటానికి ఇష్టపడటం లేదని అందుకే నామినేట్ చేస్తున్నట్టు చెప్పింది ప్రియ. అనంతరం ప్రియను తిరిగి నామినేట్ చేస్తూ లోబో విశ్వరూపం చూపించాడు. అందరు లవ్ స్టోరీలు చెప్తుంటే.. నేను 14 ఏళ్లు ఓ అమ్మాయిని లవ్ చేశా అని చెప్తే.. సినిమా స్టోరీలా ఉందని చెప్పావ్.. ఆ నిమిషం నా ఖలేజా పగిలిపోయింది. అంటూ పిచ్చెక్కినట్టుగా ప్రవర్తించాడు లోబో. పెద్ద పెద్దగా అరుస్తూ ప్రియ మీదికి దూసుకుని వెళ్లాడు. మిగిలిన ఇంటి సభ్యులు కంట్రోల్ చేయడానికి ప్రయత్నించినా తన నటనా చాతుర్యాన్ని ప్రదర్శిస్తూ.. ఆ తరువాత ఏడుస్తూ ఏదేదో చేశాడు లోబో. మధ్యలో మరో నటుడు రవి వచ్చి లోబోని ఓదార్చుతూ కనిపించాడు. నా లవ్ మ్యాటర్ నీకు తెలుసు కదరా అంటూ ఏడ్చేశాడు లోబో. అయితే ప్రియ మాత్రం అతని పిచ్చి ప్రవర్తనకు ఏం చేయాలో తెలియక.. మౌనంగానే ఉండిపోయింది. చివర్లో మనసులో ఒకటి పెట్టుకుని పైకి ఒకటి మాట్లాడకు లోబో అంటూ రవితో గొడవ అయిన కారణంగానే లోబో తనని నామినేట్ చేశాడని ఇన్ డైరెక్ట్‌గా చెప్పింది. ఆ గొడవ అయినప్పటి నుంచి లోబో తనతో మాట్లాడటం మానేశాడని అంతుకు ముందు చెప్పింది ప్రియ. అనంతరం లోబో అంత దారుణంగా అరవడంతో ప్రియ భావోద్వేగానికి గురై ఏడ్చేసింది.