​Bigg Boss Telugu 3: బిగ్ బాస్ హౌస్‌కి షకీలా.. ఆ పని చేయనని చెప్పిందట!

తెలుగు బిగ్ బాస్ సీజన్ 3లో పెర్ఫామెన్స్ కొరత ఏర్పడింది. ఉన్న 10 మంది కంటెస్టెంట్స్ బ్యాలెన్సింగ్ ఆట ఆడుతుండంతో పాటు జంటలుగా గ్రూప్‌లుగా ఆట ఆడుతుండటంతో అసలు సిసలు మాజా రావడం లేదు. అత్యంత ఆర్భాటంగా నాగార్జున హోస్ట్‌గా ప్రారంభమైన ఈ షో 60వ ఎపిసోడ్‌కి చేరువైంది. 17 మంది కంటెస్టెంట్స్‌లో ఏడుగురు బ్యాగ్ సర్దేయగా.. హౌస్‌లో ఇంకా పదిమంది మాత్రమే మిగిలారు. ఉన్న ఈ పది మందిలో టైటిల్ వార్‌ శ్రీమఖి వర్సెస్ వరుణ్ సందేశ్‌గా మారింది. పరిస్థితులు చూస్తుంటే ఈ ఇద్దర్లో ఎవరో ఒకరికి బిగ్ బాస్ టైటిల్ కట్టబెట్టేట్టు కనిపిస్తున్నారు.

Read Also: కళాతపస్వికి క్యాస్ట్ ఫీలింగ్.. భుజంపై చేయేసి జంధ్యం వెతికేవారా?

అయితే ఇది బిగ్ బాస్ హౌస్ కాబట్టి ఏదైనా జరగొచ్చు.. చివర్లో బిగ్ బాస్ ఎలాంటి ట్విస్ట్ అయినా ఇవ్వవచ్చు. వైల్డ్ కార్డ్ ఎంట్రీలను ప్రవేశ పెట్టి టైటిల్ వార్‌ను రంజుగా మార్చే అవకాశాలు లేకపోలేదు. అయితే ఇప్పటికే బిగ్ బాస్ హౌస్‌లో వైల్డ్ కార్డ్స్ ప్రయోగం బెడిసికొట్టింది. ఫస్ట్ వైల్డ్ కార్డ్ ఎంట్రీ తమన్నా వయొలెంట్‌గా మారి వారంలోనే బ్యాగ్ సర్దేయగా.. ఆమె తరువాత సీనియర్ యాంకర్ శిల్పా చక్రవర్తి ఆట మొదలు పెట్టకుండానే హౌస్ నుండి బయటకు వచ్చేసింది.

ఈ సందర్భంలో ఆటను మరింత రక్తికట్టించేందుకు ఈసారి వైల్డ్ కార్డ్ ఎంట్రీ ద్వారా బలమైన కంటెస్టెంట్స్‌ను పంపేందుకు వ్యూహాలను సిద్ధం చేస్తున్నారట బిగ్ బాస్ నిర్వాహకులు. వైల్డ్ కార్డ్ ద్వారా శ్రద్ధాదాస్‌, హెబ్బా పటేల్, ఇషా రెబ్బాలలో ఎవరో ఒకర్ని పంపేందుకు ప్రయత్నాలు చేస్తుండగా.. హెబ్బా, ఇషాలు షూటింగ్ బిజీతో మరికొన్ని రోజుల సమయం కోరారట.

ఇక మిగిలిన శ్రద్ధాదాస్ బిగ్ బాస్ హౌస్‌లోకి వెళ్లాలంటే వరుణ్ సందేశ్ బయటకు రావాలని కండిషన్ పెట్టిందట. గతంలో ఈ ఇద్దరి మధ్య నడిచిన ప్రేమ వ్యవహారం బెడిసి కొట్టడంతో శ్రద్ధా దాస్ ఈ ఫిటింగ్ పెట్టిందట. దీంతో టైటిల్ విన్నర్ రేస్‌లో ఉన్న వరుణ్‌ను బయటకు పంపడం సాధ్యం కాదుకాబట్టి శ్రద్ధాదాస్‌ని హోల్డ్‌లో పెట్టినట్టు తెలుస్తుంది.

Read Also: 22 ఏళ్లకే భార్యను కోల్పోయా.. ఆడవాళ్లను ఎంతో గౌరవిస్తా: చలపతిరావు

ఈ సందర్భంలో వైల్డ్ కార్డ్ లిస్ట్‌లో ప్రముఖ శృంగార తార షకీలా పేరు తెరపైకి వచ్చింది. తెలుగులో మంచి ఫాలోయింగ్ ఉన్న షకీలా బిగ్ బాస్ హౌస్‌‌కి వస్తే షోకి మరింత హైప్ వచ్చే అవకాశం లేకపోలేదు. పైగా ఇటీవల విడుదలైన ‘కొబ్బరిమట్ట’ చిత్రంతో బౌన్స్ బ్యాక్ అయిన షకీలా బిగ్ బాస్ హౌస్‌కి రాబోతుందంటూ ప్రచారం మొదలైంది.

అయితే షకీలా బిగ్ బాస్ నిబంధనల ప్రకారం ఆమె హౌస్‌కి రావడం సాధ్యపడదు. ఎందుకంటే షకీలా ఇంతకు ముందు కన్నడ సీజన్ 2లో కంటెస్టెంట్‌గా పాల్గొంది. హౌస్‌లో మూడు వారాలు ఉండి ఆ తరువాత ఎలిమినేట్ అయ్యింది. ఒకసారి బిగ్ బాస్‌లో కంటెస్ట్ చేసిన వారికి రెండోసారి పాల్గొనే అవకాశం లేకపోవడంతో నిబంధనల్ని సడలిస్తే తప్ప షకీలా తెలుగు బిగ్ బాస్‌ వచ్చే అవకాశం లేదు.

కాగా తాను తెలుగు బిగ్ బాస్ హౌస్‌కి వస్తున్న విషయంపై షకీలా స్పందిస్తూ.. ఆసక్తికరమైన వ్యాఖ్యలు చేశారు. మళ్లీ బిగ్ బాసా నా వల్ల కాదు బాబోయ్ అంటోంది. ఎందుకు అంటే.. వాళ్లు ఇచ్చే టాస్క్‌లను ఏదోలా చేసిన వాళ్లు పెట్టిన తిండి తినడం నా వల్ల కాదు అంటోంది. కన్నడ సీజన్ 2లో తనను బాత్రూం లు కడగమంటే ఆ పని నా వల్ల కాదని చెప్పాశానంటోంది షకీలా.