Bigg Boss Winner Rahul Sipligunj Strong Counter To Trollers Over His New Benz Car
‘సొంత ఇళ్లు లేదు కాని.. బెంజ్ కారు’.. దిమ్మతిరిగే ఆన్సర్ ఇచ్చిన రాహుల్ సిప్లిగంజ్
సోషల్ మీడియా యాక్టివ్ అయిన తరువాత సెలబ్రిటీలతో డైరెక్ట్ కనెక్టవిటీ ఏర్పడింది. తమ అభిమాన నటీనటులు, ఇతర సెలబ్రిటీలతో అభిప్రాయాలను పంచుకోవడానికి అవకాశం ఏర్పడింది. ఫేస్ బుక్, ట్విట్టర్, ఇన్ స్టాగ్రామ్ తదితర సామాజిక మాధ్యమాల ద్వారా వాళ్లతో ఇంట్రాక్ట్ కాగలుగుతున్నారు.
Samayam Telugu7 Jan 2020, 6:11 pm
సోషల్ మీడియా యాక్టివ్ అయిన తరువాత సెలబ్రిటీలతో డైరెక్ట్ కనెక్టవిటీ ఏర్పడింది. తమ అభిమాన నటీనటులు, ఇతర సెలబ్రిటీలతో అభిప్రాయాలను పంచుకోవడానికి అవకాశం ఏర్పడింది. ఫేస్ బుక్, ట్విట్టర్, ఇన్ స్టాగ్రామ్ తదితర సామాజిక మాధ్యమాల ద్వారా వాళ్లతో ఇంట్రాక్ట్ కాగలుగుతున్నారు.
ట్రోలర్స్ అత్యుత్సాహం..
కొందరు సెలబ్రిటీలు తమ కెరియర్, పర్శనల్ విషయాలను షేర్ చేసుకుంటూ నిరంతరం ఫ్యాన్స్కి టచ్లో ఉంటున్నారు. అయితే సెలబ్రిటీలను అభిమానించేవాళ్లు ఏ స్థాయిలో ఉంటారో.. వాళ్లను విమర్శించే వాళ్లు అదే రేంజ్లో ఉంటారు. సోషల్ మీడియాలో అందుబాటులోకి వచ్చారు కదా అని కొంతమంది అత్యుత్సాహం ప్రదర్శిస్తుంటారు. నోటికొచ్చినట్టు మాట్లాడుతూ వాళ్లని కించపరచేందుకు ప్రయత్నిస్తుంటారు. అయితే సెలబ్రిటీలు కౌంటర్స్ కూడా అదే రేంజ్లో ఉంటాయి. నోటికొచ్చినట్టు మాట్లాడేవాళ్ల నోళ్లు మూయిస్తుంటారు. తాజాగా బిగ్ బాస్ సీజన్ 3 విజేత, మాస్ సింగర్ రాహుల్ సిప్లిగంజ్ నెటిజన్లు ట్రోల్స్కి గట్టి కౌంటర్ ఇచ్చి నోళ్లు మూయించారు. Read Also: అల్లు అర్జున్ది విగ్గా.. ఆ మాట అనడానికి సిగ్గుందా నీకు?
ప్రైజ్ మనీతో పేరెంట్స్కి ఇళ్లు కొంటానని..
ఈ వివరాళ్లోకి వెళ్తే.. కింగ్ నాగార్జున హోస్ట్ చేసిన బిగ్ బాస్ సీజన్ 3 విజేతగా అవతరించిన రాహుల్ సిప్లిగంజ్కి రూ. 50 లక్షల ప్రైజ్ మనీ వచ్చిన విషయం తెలిసిందే. అయితే ఈ ప్రైజ్ మనీతో ఏం చేస్తావని అడిగినప్పుడు ‘‘ప్రస్తుతం మేం అద్దె ఇంటిలో ఉంటున్నామని.. ఈ ప్రైజ్ మనీతో తమ పేరెంట్స్కి సొంత ఇళ్లు కొనిస్తానని.. అలాగే తన తండ్రికోసం బార్బర్ షాప్ పెడతా’’ అని చెప్పుకొచ్చారు రాహుల్ సిప్లిగంజ్.
బిగ్ బాస్తో పెరిగిన క్రేజ్.. ఆదాయం
అయితే అందరూ ఊహించనట్టుగానే రాహుల్ సిప్లిగంజ్ బిగ్ బాస్ విజేత కావడం అతనికి రూ. 50 లక్షల ప్రైజ్ మనీ వచ్చింది. ఇక బిగ్ బాస్ తరువాత రాహుల్ సిప్లిగంజ్ బిజీ సింగర్గా మారి రెండు చేతులా సంపాదిస్తున్నారు. ఒకవైపు సినిమాల్లో పాటలు పాడుతూనే లైవ్ కన్సర్ట్స్ నిర్వహిస్తూ ఉన్నారు.
ఖరీదైన బెంజ్ కారు కొన్న రాహుల్ సిప్లిగంజ్
కాగా ఇటీవల రాహుల్ సిప్లిగంజ్ ఓ ఖరీదైన బెంజ్ కారుని కొన్నారు. తన పేరెంట్స్తో కలిసి కారుని తీసుకుంటూ ఉన్న ఫొటోలు, వీడియోలను సోషల్ మీడియాలో పోస్ట్ చేశారు. రాహుల్ సిప్లిగంజ్ బెంజ్ కారు సోషల్ మీడియాలో బాగా చక్కర్లు కొడుతున్న విషయం తెలిసిందే.
ఇళ్లు లేదుకాని.. బెంజ్ కారు.. అవసరమా?
అయితే చాలా మంది చిచ్చా ఫ్యాన్స్.. బెంజ్ కారు కొన్నందుకు విషెష్ అందిస్తుంటే.. మరికొంత మంది రాహుల్ని ట్రోల్ చేయడం మొదలు పెట్టారు. ‘కొత్త కారు కొన్నావా? రాహుల్.. పేరేంట్స్కి ఇళ్లు కొంటానని గేమ్ గెలిచి.. ఇప్పుడు నీ సరదాలు తీర్చుకుంటున్నావా? షేమ్’ అంటూ ట్రోల్ చేయడం మొదలు పెట్టారు. ఉండటానికి ఇళ్లు లేదు.. నీకు బెంజ్ కారు ఎందుకు అంటూ రాహుల్ని సోషల్ మీడియాలో ప్రశ్నించడంతో రాహుల్ సిప్లిగంజ్ దిమ్మతిరిగే ఆన్సర్ ఇచ్చారు.
టెన్షన్ పడకండి.. ఇళ్లు కొనేశా: రాహుల్
హలో.. మీరు అనవసరంగా టెన్షన్ పడకండి.. నేను ముందే ఫ్లాట్ కొన్నా.. అది రెడీ కావడానికి 7 నెలలు టైం పడుతుంది. టేస్ట్ ద థండర్... జస్ట్ చిల్’ అంటూ తన బెంజ్ కారు ముందు కూల్గా థమ్స్ అప్ తాగుతూ.. తనను ట్రోల్ చేసేవారికి గట్టి కౌంటర్ ఇచ్చాడు రాహుల్.
ఇళ్లు లేకకపోతే బెంజ్ కార్ స్టార్ట్ కాదా?
అయితే బెంజ్లో తిరగాలంటే సొంత ఇళ్లు ఉండాలా? ఏ.. సొంత ఇళ్లు ఉండకపోతే.. బెంజ్ కారు స్టార్ట్ కాదా? ఓరి ఎర్రి నా డాష్.. కావాల్సింది బెంజ్ కీ, బండిలో ఆయిల్ కాని కాని సొంత ఇళ్లు కాదు. ముందు వెనకా తెలియకుండా మా చిచ్చాని నోటికొచ్చినట్టు మాట్లాడితే ఊరుకునేది లేదంటూ ట్రోలర్స్కి చిచ్చా ఫ్యాన్స్ ఏ రేంజ్లో కౌంటర్లు ఇస్తున్నారు.
బిగ్ బాస్కి రాకముందు రాహుల్ సిప్లిగంజ్ రంగస్థలం వంటి బ్లాక్ బస్టర్ హిట్ చిత్రాల్లో సూపర్ హిట్స్ సాంగ్స్ పాడారు. జోష్ సినిమాతో మొదలైన రాహుల్ ప్రస్థానం వరుసగా కంటిన్యూ అవుతూనే ఉంది. అయితే పాతబస్తీలో చిన్న అద్దె ఇంటిలో ఉంటున్న రాహుల్ సిప్లిగంజ్ బాగానే సంపాదించినా.. ఆ డబ్బు మొత్తాన్ని ప్రైవేట్ ఆల్బమ్స్కి ఇన్వెస్ట్ చేసేవాడు. వాటి ద్వారా ఇన్కమ్ పెద్దగా లేకపోవడంతో రాహుల్ చాలా డబ్బుని వేస్ట్ చేశాడనే కంప్లైంట్ తన సన్నిహితుల దగ్గర నుండి కూడా ఉంది. అయితే అతడి బిగ్ బాస్ విజయంలో అతను చేసిన ప్రైవేట్ ఆల్బమ్స్ చాలా వరకూ ఉపయోగపడ్డాయి.
నటుడిగా మారిన రాహుల్..
ఇదిలాఉంటే రాహుల్ సిప్లిగంజ్ ప్రస్తుతం సింగర్గానే కాకుండా నటుడిగా తన మల్టీటాలెంట్ను నిరూపించుకునేందుకు రెడీ అయ్యారు. క్రియేటివ్ దర్శకుడు క్రిష్ణవంశీ దర్శకత్వంలో వస్తున్న ‘రంగమార్తాండ’ చిత్రంలో కీలకపాత్రలో నటిస్తున్నాడు రాహుల్. ఈ చిత్రంలో రాహుల్కి జోడీగా రాజశేఖర్ కూతురు శివాత్మిక నటిస్తున్నట్టు తెలుస్తోంది. రమ్యక్రిష్ణ లీడ్రోల్ చేస్తుంది. ఇదే చిత్రంలో మరో బిగ్ బాస్ కంటిస్టెంట్ అలీ రెజా కూడా నటించడం విశేషం.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.