Telugu Bigg Boss: బిగ్ బాస్ ఫైనల్ రేపే.. టైటిల్ అనౌన్స్ చేసేదెవరు?

17 కంటెస్టెంట్స్.. 105 రోజులు.. హోరా హోరీగా సాగిన బిగ్ బాస్ సీజన్ 3కి రేపటితో ముగియనుంది. విన్నర్ ఎవరన్నది ఉత్కంఠకు మరో కొన్ని గంటల్లో తెరపడనుంది. కింగ్ నాగార్జున హోస్ట్‌గా జూలై 21 ప్రారంభమైన బుల్లితెర బిగ్గెస్ట్ రియాలిటీ షో బిగ్ బాస్ ఆదివారం (నవంబర్ 03)తో ముగియనుంది.

Read Also: బిగ్ బాస్ పచ్చబొట్టే.. శ్రీముఖికి టైటిల్ దూరం చేస్తుందా?

ప్రస్తుతం బిగ్ బాస్ హౌస్‌లో ఉన్న ఐదుగురు కంటెస్టెంట్స్ శ్రీముఖి, రాహుల్, వరుణ్ సందేశ్, బాబా భాస్కర్, అలీలు టైటిల్ కోసం నువ్వా నేనా అంటూ పోటీ పడుతున్నారు. అయితే ప్రధాన పోటీ శ్రీముఖి-రాహుల్‌ల మధ్యనే ఉంది. ఇక ఫైనల్ ఎపిసోడ్ రంజుగా ఉండేందుకు మమ్ముర ఏర్పాట్లను చేశారు స్టార్ మా. ఇప్పటికే ఫైనల్ ఎపిసోడ్ షూట్ పూర్తికాగా.. విన్నర్ ఎవరు? రన్నర్ ఎవరు? గెస్ట్ ఎవరు? బిగ్ బాస్ సీజన్ 3 విజేతను ఎవరు ప్రకటించబోతున్నారు? అనేవి సీక్రెట్‌గానే ఉంచారు.

Read Also: బిగ్ బాస్ ఫైనల్ ఓటింగ్ రిజల్ట్: లీస్ట్‌లో అలీ.. ఫస్ట్?

ఆదివారం సాయత్రం 6 గంటలకు స్టార్ మాలో బిగ్ బాస్ ఫైనల్ ఎపిసోడ్ ప్రారంభం కానుండగా.. మెగాస్టార్ చిరంజీవి ముఖ్య అతిథిగా హాజరుకానున్నారు. హోస్ట్ నాగార్జునతో కలిసి గ్రాండ్ ఫినాలేలో గెస్ట్ అప్పీరియన్స్ ఇవ్వబోతున్నట్టు వార్తలు వస్తుండగా.. దీనిపై అధికారిక ప్రకటన రావాల్సి ఉంది.

Read Also: పున్నూ నాదే.. బిగ్ బాస్ టైటిల్ నాదే ! ‘రాహులో రాహులా.. ఆగం సేత్తివిరో’

అయితే సీజన్ 1లో హోస్ట్‌గా ఉన్న ఎన్టీఆర్ విజేతను ప్రకటించారు. అయితే సీజన్ 2లో నాని హోస్ట్‌గా ఉన్నప్పటికీ విక్టరీ వెంకటేష్ చేతుల మీదుగా విజేతను ప్రకటించారు. అయితే సీజన్ 3లో విజేతను నాగార్జునే ప్రకటిస్తారా? మెగాస్టార్ చేతుల మీదుగా విజేతను ప్రకటిస్తారా? అన్నది తెలియాల్సి ఉంది. ఇక గ్రాండ్ ఫినాలేలో హీరోయిన్లు అంజలి, నిధి అగర్వాల్ స్టేజ్ పెర్ఫార్మెన్సులు ఫైనల్‌ ఎపిసోడ్‌లో ప్రత్యేక ఆకర్షణగా నిలవనున్నట్లు సమాచారం.