Inaya Sultana Likely To Be Eliminated In 14th Week Bigg Boss House
Inaya Eliminated: ఇనయ ఎలిమినేట్ ఏంట్రా బాబూ.. బిగ్ బాస్‌ని దుమ్మెత్తిపోస్తున్న నెటిజన్లు
Inaya Sultana Elimination: బిగ్ బాస్ హౌస్‌లో మరో షాకింగ్ ఎలిమినేషన్ ఉండబోతుందా? విన్నర్ అవుతుంది.. తప్పితే రన్నర్ అవుతుంది అనుకున్న ఇనయని బిగ్ బాస్ మేనేజ్‌మెంట్ కోటాకి బలికాబోతుందా? ఓటింగ్‌ని పక్కన పెట్టి ఈవారం ఇనయని ఎలిమినేట్ చేయబోతున్నారా అంటే.. బయటకు వచ్చిన లీక్ ప్రకారం ఇనయని ఈవారం ఎలిమినేట్ చేయబోతున్నట్టు తెలుస్తోంది. హౌస్‌లో మొత్తం ఏడుగురు ఉన్నారు. వీళ్లలో టాప్ 5కి వెళ్లేది ఐదుగురు మాత్రమే. ఆల్రెడీ శ్రీహాన్ టికెట్ టు ఫినాలే ద్వారా టాప్ 5కి వెళ్లిపోయాడు.
Authored byశేఖర్ కుసుమ | Samayam Telugu12 Dec 2022, 10:37 am
ఏంటేంటీ.. ఇనయ సుల్తానా ఎలిమినేట్ అయ్యిందా? ఇంతకంటే దరిద్రం మరొకటి ఉండదు. ఇదే నిజమైతే బిగ్ బాస్ టీం ఇప్పటి వరకూ తీసుకున్న చెత్త నిర్ణయాలు ఒక ఎత్తైతే ఇది అంతకు మించిన వరస్ట్ అండ్ అన్ ఫెయిర్ ఎలిమినేషన్ ఇదే అవుతుంది అనడంలో ఎలాంటి సందేహం లేదు.
Samayam Teluguఇనయ సుల్తానా ఎలిమినేట్
ఈ వారం నామినేషన్స్‌లో రేవంత్, కీర్తి, శ్రీసత్య, ఆదిరెడ్డి, ఇనయ, రోహిత్ ఈ ఆరుగురు ఉన్నారు. శ్రీహాన్‌కి టికెట్ టు ఫినాలే రావడం ద్వారా అతనికి నామినేషన్స్‌ నుంచి మినహాయింపు లభించింది. అయితే ఈవారం మొత్తం జరిగిన ఓటింగ్‌లో ఏ పోల్ చేసుకున్నా కూడా.. ఇనయ అటు ఇటుగా మొదటి మూడు స్థానాల్లోనే ఉంటుంది.
అయితే ఈవారం ఇనయ సుల్తానాని బిగ్ బాస్ నిర్వాహకులు ఎలిమినేట్ చేశారన్నది తాజా సమాచారం. నిజానికి శుక్రవారం వరకూ కూడా.. అన్ అఫీషియల్ పోల్ లెక్కల ప్రకారం.. ఇనయ సుల్తానా దాదాపు 17 శాతం ఓట్లతో మూడో స్థానంలో ఉంది. రేవంత్‌కి 21 శాతం ఓట్లు పడితే.. రోహిత్‌కి 18 శాతం ఓట్లు.. ఆదిరెడ్డికి 15 శాతం ఓట్లు.. శ్రీసత్య-కీర్తిలకు 14 శాతం ఓట్లు పడ్డాయి. అయితే చివరి వారంలో శ్రీసత్య.. కీర్తి కంటే బెటర్‌గా పెర్ఫామెన్స్ ఇవ్వడంతో ఆమెను సేవ్ చేసి కీర్తిని ఎలిమినేట్ చేయడం ఖాయంగా కనిపించింది.
అయితే ఈ ఓటింగ్ లెక్కలన్నింటినీ పక్కనపెట్టేసి.. బిగ్ బాస్ తన మేనేజ్‌మెంట్ కోటాని మరోసారి బయటపెట్టి.. ఇనయని ఎలిమినేట్ చేసి బిగ్ బాస్ షాక్ ఇవ్వబోతున్నట్టు తెలుస్తోంది. అసలు హౌస్‌లో ఉన్న అమ్మాయిల్లో ఫిజికల్ టాస్క్‌లలో తోపు అంటే ఇనయానే.. ఇక బిగ్ బాస్ ఈ మాత్రం అయినా రేటింగ్ వచ్చిందంటే.. కంటెంట్ ఇచ్చిందంటే అది ఇనయానే. తొలి రెండు మూడు వారాలు ఇనయ పెద్దగా ప్రభావం చూపకపోయినా.. మూడో వారం నుంచి పుంజుకుంది. ఒకానొక సందర్భంలో.. రేవంత్‌ని వెనక్కి నెట్టి ఓటింగ్‌ని కొల్లగొట్టి సేవ్ అవుతూ వస్తుంది. చివరి వారంలో హౌస్‌కి కెప్టెన్ కూడా అయ్యింది. విన్నర్ ఎవరైనా ఇనయ మాత్రం ఖచ్చితంగా రన్నర్ అవుతుందని ప్రచారం కూడా నడిచింది. ఎందుకంటే రేవంత్‌కి ఇప్పుడంటే రోహిత్ ప్రత్యామ్నాయంగా ఉన్నాడు కానీ.. గత రెండు మూడు వారాల వరకూ.. రేవంత్‌కి గట్టి పోటీ అంటే ఇనయ మాత్రమే. అలాంటి స్ట్రాంగ్ కంటెస్టెంట్ ఎలిమినేట్ చేయడం అనేది ఈ సీజన్‌లో పెద్ద షాకింగ్. బిగ్ బాస్ లవర్స్ మాత్రం ఇనయ ఫినాలే వరకూ ఉండాలనే కోరుకుంటున్నారు.. అంతేకాదు.. ఇనయ ఎలిమినేట్ అనే లీక్ బయటకు రావడంతో.. ఈ బిగ్ బాస్‌కి మైండ్ దొబ్బింది. టాప్ 2లో ఉన్న కంటెస్టెంట్‌ని ఎలిమినేట్ చేయండం ఏంట్రా బాబూ.. ఇక బిగ్ బాస్ చూడ్డమే అనవసరం అంటూ దుమ్మెత్తిపోస్తున్నారు నెటిజన్లు.
అయితే షోకి హైప్ తీసుకుని రావడం కోసం.. బిగ్ బాస్ టీం వాళ్లు కొన్ని సందర్భాల్లో ఫేక్ లీక్స్ బయటకు వదలుతుంటారు. ఇంతకు ముందు కూడా అలాగే అయ్యింది. అయితే ఈసారి కూడా అలా అయ్యి ఇనయ సేవ్ అవ్వాలని.. ఇది కూడా ఫేక్ లీక్ అయ్యి ఉండాలని కోరుకుంటున్నారు ఇనయ ఫ్యాన్స్.
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్‌టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
