Bigg Boss Elimination: నేహా చౌదరి ఔట్ ఇనయ సేఫ్.! చివరి నిమిషంలో మారిన ఎలిమినేషన్ ట్విస్ట్!

ఇనయ సుల్తానా ఎలిమినేట్ కావడం ఏంట్రా బాబూ.. ఇనయ సుల్తానా ఎలిమినేషన్ అనే వార్త ఉదయం నుంచి చక్కర్లు కొడుతోంది. ఎపిసోడ్‌కి ముందే బిగ్ బాస్ వాళ్లు లీక్స్ బయటకు వదులుతుంటారు. అయితే ఈవారం ఇనయ ఎలిమినేట్ అయ్యిందనే లీక్ బయటకు వచ్చింది. ఇనయ ఎలిమినేట్ కావడం ఏంటీ.. ఈవారం మొత్తం ఫుల్ ఫుటేజ్ ఇచ్చింది ఎవరైనా ఉన్నారా అంటే అది ఇనయానే. కెప్టెన్సీ టాస్క్‌లో ఒంటరిపోరాటం చేసింది.. మిగిలిన అమ్మాయిలతో పోల్చుకుంటే ఒళ్లు హూనం చేసుకుని గేమ్ ఆడింది. ఇక శ్రీహాన్, గీతులతో జరిగిన గొడవలో అయితే తన వాయిస్ రేజ్ చేసిందనే మాటే కానీ.. ఆమె కరెక్ట్ పాయింట్ కోసమే పోరాడింది.

వాడు అంటే ఒప్పుకోనేడు.. తనని పిట్ట అని ఎలా అంటాడంటూ నిలదీసింది. వెంటాడి వెంటాడి.. శ్రీహాన్ తాట తీసింది. హౌస్‌లో ఉన్న అమ్మాయిలు.. మేకప్‌లు పౌడర్ బ్యాచ్‌లే ఎక్కువ ఉన్నాయి. ఆరోహి అయితే తాను ఆడటం పక్కన పెడితే.. ఆ సూర్యని కూడా చెడగొడుతుంది. నేహా, వాసంతి, సుదీప పొడిచింది ఏమీ లేదు. వీళ్లందర్నీ వదిలేసి ఒంటరి పోరాటం చేస్తున్న ఇనయను ఎలిమినేట్ చేయడం ఏంటని.. ఇది అన్ ఫెయిర్ ఎలిమినేషన్ అనే కామెంట్లు వచ్చాయి.

ఈ నేపథ్యంలో అసలు ఎలిమినేట్ అయ్యింది ఇనయ కాదు.. నేహా అంటూ మరో లీక్ బయటకు వచ్చింది. తన నసతో చెప్పిందే చెప్పి.. పాయింట్ తిప్పి తిప్పి చెప్తూ చిరాకు తెప్పిస్తున్న నేహా ఈవారం ఎలిమినేట్ అయ్యిందనేది తాజా సమాచారం. మొత్తానికి అయితే నేహా ఎలిమినేట్ అనడంతో చాలా మంది బిగ్ బాస్ లవర్స్ రిలీఫ్ అయ్యింది. మంచిగా ఆడుతున్న ఇనయని ఎలిమినేట్ చేయడం కంటే.. నేహాని పంపించడమే కరెక్ట్ అంటున్నారు.