Karthika Deepam Maanas: కీర్తి తన కూతురు గురించి ఎక్కడా చెప్పదు.. కారణం ఇదే! ఆసక్తికర విషయాలు బయటపెట్టిన మానస్

బిగ్ బాస్ హౌస్‌ ప్రస్తుతం కెప్టెన్ కీర్తి భట్. తొలి మూడువారాలు తన ఆటతో పెద్దగా ప్రభావం చూపించలేకపోయిన కీర్తి.. నాలుగోవారం అనూహ్యంగా హౌస్‌కి కెప్టెన్ అయ్యింది. మనసిచ్చి చూడు, కార్తీకదీపం సీరియల్స్‌తో పాపులారిటీ దక్కించుకున్న కీర్తి.. బిగ్ బాస్ షోతో పెద్దగా ప్రభావం చూపించలేకపోతుంది. మన భాష కాకపోవడంతో పాటు.. తాను చెప్పాల్సిన విషయాన్ని సరిగా కన్వే చేయలేకపోతుంది. దీనికి తోడు ఆమె వ్యక్తిగత జీవితంలో ఎదుర్కొన్న ఇబ్బందులు ఫ్యామిలీ స్ట్రగుల్స్‌తో ఎమోషనల్‌గా కీర్తి చాలా వీక్‌గా కనిపిస్తూ.. బిగ్ బాస్ హౌస్‌లో రాణించలేకపోతుంది. కొంతమంది అయితే ఆమె సింపథీ గేమ్ ఆడుతుందంటూ ఆమె హౌస్‌లో మరో రెండు మూడు వారాలకంటే ఎక్కువ ఉండటం కష్టం అని అంటున్నారు.

ఇదిలా ఉంటే.. కార్తీకదీపం సీరియల్‌ నెక్స్ట్ జనరేషన్ కథలో నిరుపమ్‌గా మానస్.. హిమగా కీర్తి నటించారు. ప్రస్తుతానికి వీళ్ల కథకి బ్రేక్ వేసి.. మళ్లీ పాత కథని ట్రాక్ ఎక్కించారు. ఈ గ్యాప్‌లో కీర్తిని బిగ్ బాస్ హౌస్‌కి పంపించారు నిర్వాహకులు. ఈ నేపథ్యంలో కీర్తి చాలామందికి ఇన్స్పిరేషన్ అని ఆమె బిగ్ బాస్ టైటిల్ గెలవాలంటూ మద్దతు ప్రకటించిన మానస్.. ఆమెకు సంబంధించిన కొన్ని విషయాలను పంచుకున్నారు.

‘కీర్తి నా కోస్టార్.. ఆమె టైటిల్ విన్నర్ కావాలని కోరుకుంటున్నా. ఆమె ఫేస్ చేసిన స్ట్రగుల్స్ నాకు తెలుసు కాబట్టి.. ఆమె గురించి నాకు బాగా తెలుసు. తను చాలామంది వ్యక్తిత్వం ఉన్న అమ్మాయి. తల్లిదండ్రుల్ని.. ఫ్యామిలీ మొత్తాన్ని పోగుట్టుకున్నా కూడా తనలాంటి జీవితం మరొకరికి రాకూడదని.. ఓ అనాధ పాపని పెంచుకుంది. దత్తత తీసుకున్నాను అని చెప్పడం కూడా ఆమెకు నచ్చదు. ఎందుకంటే ఆ బాధ ఎలా ఉంటుందో ఆమెకు తెలుసు.. ఇంటర్వ్యూలలో కూడా ఎక్కడా చెప్పదు. ఫ్యూచర్‌లో అవి ఆ అమ్మాయి చూస్తే ఫీల్ అవుతుందేమో అని. కీర్తి చాలాసార్లో నాతో.. నాకు ఆ బిడ్డ ఫ్యూచర్ ముఖ్యం అనే చెప్పేది.. కీర్తి పాపను నేను ఎప్పుడూ చూడలేదు.. ఎప్పుడూ తీసుకుని రాలేదు.. ఆ పాప కండిషన్ కూడా బాలేదని తెలిసింది.

ఆమెకు నా వంతు సాయం చేయాలని అనుకున్నాను. గెలవడం ఓడిపోవడం అనేది ఆడియన్స్ చేతుల్లోనే ఉంటుంది. కీర్తి లాంటి మంచి మనసు ఉన్న వాళ్లకి సపోర్ట్‌గా ఉండాలి.. అలాంటి వ్యక్తిత్వం ఉన్న అమ్మాయికి మనం సపోర్ట్‌గా నిలవాలి. వర్కింగ్ ఉమెన్స్ చాలామందికి ఈమె ఇన్స్పిరేషన్. మా అమ్మని చూసిన తరువాత ప్రతి ఒక్క వర్కింగ్ ఉమెన్‌ని నేను ఇన్స్పిరేషన్‌గా తీసుకున్నాను’ అంటూ చెప్పుకొచ్చాడు మానస్.