Harsha Sai: హీరోగా.. దర్శకుడిగా హర్షసాయి.. మిత్రా శర్మ కాంబోలో గ్రాండ్ ఎంట్రీ!

బిగ్ బాస్ ఫేమ్ మిత్రా శర్మ.. కొత్త సినిమాతో కనువిందు చేయడానికి రెడీ అయ్యింది. బిగ్ బాస్ ఓటీటీ సీజన్ 1లో ఫైనలిస్ట్‌గా నిలిచిన మిత్రా శర్మ తన నెక్స్ట్ ప్రాజెక్ట్‌ను లైన్‌లో పెట్టింది. శ్రీ పిక్చర్స్ ద్వారా నిర్మాతగా మారిన మిత్రా శర్మ.. లాంగ్ గ్యాప్ తరువాత మళ్లీ నిర్మాణ బాధ్యతల్ని చేపట్టబోతున్నారు. అయితే ఈ క్రేజీ ప్రాజెక్ట్‌లో ఓ పాపులర్ సెలబ్రిటీ భాగస్వామ్యం కాబోతున్నారు. అతను ఎవరో కాదు.. ది మోస్ట్ పాపులర్ యూట్యూబర్ హర్షసాయి.

మిత్రా శర్మ నిర్మించబోయే ఈ చిత్రం ద్వారా యూట్యూబర్ హర్షసాయి హీరోగా ఎంట్రీ ఇవ్వబోతున్నారు. కేవలం హీరోగానే కాకుండా దర్శకత్వ బాధ్యతల్ని కూడా నిర్వహించబోతున్నాడు హర్షసాయి. అటు మిత్రా శర్మా.. ఇటు హర్షసాయి ఈ ఇద్దరి కాంబోలో సినిమా అంటే మంచి అంచనాలే ఉంటాయి.

హర్షసాయి (Harsha Sai) ఈ పేరు చెప్తే సోషల్ మీడియాలో పెద్ద ప్రభంజనం. యూట్యూబ్‌లో 8.64 మిలియన్ల మంది.. ఇన్‌స్టాగ్రామ్‌లో 4 మిలియన్ల మంది.. ఇక ఫేస్ బుక్‌లో ఇతర సోషల్ మీడియాలో ప్లాట్ ఫామ్స్‌లో హర్షసాయిని ఫాలో అయ్యే ఫాలోవర్స్ 10 మిలియన్ల మందికి పైగానే.. తెలుగు, తమిళ, మలయాళం, కన్నడ, హిందీ, ఇంగ్లీష్ ఇలా చాలా భాషల్లో హర్షసాయికి ఫ్యాన్ పేజ్‌లు ఉన్నాయంటే మనోడు క్రేజ్ ఏ రేంజ్‌లో ఉందో అర్ధం చేసుకోవచ్చు.

ఇతనికి ఇంత పాపులారిటీ వచ్చిందంటే అతను చేసే వీడియోలలో ఉండే కంటెంట్ వల్లే. ఏదో ఇతర యూట్యూబర్స్‌లా వీడియోలు చేసి తోసేయడం కాదు. హర్షసాయి వీడియో చేశాడంటే.. లక్షల్లో, కొన్నిసార్లు కోట్లలో కూడా ఖర్చు అవుతుంది. క్వాలిటీకి దగ్గట్టే కంటెంట్ ఉంటుంది. అన్నింటికి మించి.. ఎదుటి వాళ్లకి సాయం చేయాలనే గుణం తన ప్రతి వీడియోలోనూ కనిపిస్తూ ఉంటుంది.


ఒక్క వీడియో చేయాలంటే హర్షసాయి చాలా గ్రౌండ్ వర్క్ చేస్తాడు. కొన్ని నెలలు.. సంవత్సరాలు కూడా తాను చేయాలనుకున్న వీడియోకోసం వెచ్చిస్తుంటాడు హర్షసాయి. ఖర్చు కూడా దానికి తగ్గట్టుగానే ఉంటుంది. అయితే గత కొంతకాలంగా హర్షసాయి వీడియోలకు బ్రేక్ ఇచ్చాడు. అయితే ఈ బ్రేక్ వచ్చింది కాదు.. కావాలని ఇచ్చిందే అన్నట్టుగా క్రేజీ అప్డేట్‌తో ప్రేక్షకుల ముందుకు వస్తున్నాడు. మరో ఆసక్తికరమైన విషయం ఏంటంటే.. ఆదిపురుష్ సినిమాటోగ్రాఫర్ కార్తీక్ పళని ఈ చిత్రానికి తన కెమెరా పనితనం చూపించబోతున్నారు.

సిక్స్ ప్యాక్‌తో హర్షసాయి హీరో మెటీరియల్‌‌నే. కాబట్టి.. త్వరలో హర్షసాయి సినిమాల్లోకి ఎంట్రీ ఉంటుందనే వార్తలు వచ్చాయి. అయితే ఆ వార్తల్ని నిజం చేస్తూ హీరోగా ఎంట్రీ ఇవ్వబోతున్నాడు హర్షసాయి. మిత్రా శర్మ.. నిర్మాణంలో హర్షసాయి చేయబోతున్న ఈ క్రేజీ ప్రాజెక్ట్‌ గురించి అఫీషియల్ అనౌన్స్‌మెంట్ త్వరలో బయటకు రానుంది.