Divi Vadthya: ఒంటి మీద సరుకు ఉన్నప్పుడే మార్కెట్ చేసుకోవాలా.. అలా ఒక్క వీడియో చేశాం అంటే..: దివి

రమ్య ఫ్యాన్సీ స్టోర్ కాదురా.. రమ్య ఫ్యాన్స్ స్టోర్ అని పెట్టాల్సింది.. ‘మా నీళ్ల ట్యాంక్’ (Maa Neela Tank Webseries) వెబ్ సిరీస్‌లో రమ్య.. అదేనండి మన బిగ్ బాస్ దివిని చూస్తే ఆ డైలాగ్ కరెక్ట్ యాప్ట్ అనిపిస్తుంది. నిజానికి ఈ సినిమాలో ప్రియా ఆనంద్ హీరోయిన్ అయినప్పటికీ.. ఆమెకంటే దివిని హీరోయిన్‌గా పెట్టి ఉంటే బాగుండేదేమో అనిపిస్తుంటుంది. ఎందుకంటే ఈ హైదరాబాద్ బ్యూటీ హీరోయిన్ మెటీరియల్ అనేట్టుగా ఉంది.. కొన్ని కొన్ని సీన్లలో అయితే హీరోయిన్‌ని డ్యామినేట్ చేసేసింది దివి (Divi Vadthya).

ఈ వెబ్ సిరీస్‌లో దివి క్యారెక్టర్ భలే గమ్మత్తుగా ఉంటుంది. తన రియల్ లైఫ్‌కి దగ్గరగా మ్యాచ్ అయ్యేట్టుగానే కనిపిస్తుంటుంది దివి. ఎప్పుడూ ఫోన్ చేత్తో పట్టుకుని రీల్స్ అంటూ ఫ్యాన్స్‌ని పెంచుకునే పనిలో ఉండే రమ్య పాత్రలో చక్కగా కుదిరింది దివి (Divi Vadthya).

మగాళ్లని ఎలా మాయ చేయొచ్చు.. అందాన్ని ఎలా పెట్టుబడిగా ఉపయోగించుకోవచ్చు.. మగాళ్లని కుక్కల్లా తనవెంట ఎలా తిప్పుకోవచ్చన్నదానిపై హీరోయిన్‌కి హితబోధ చేసే సన్నివేశంలో దివ నోట నుంచి చాలా ఆణిముత్యాలు వస్తాయి. సీమ యాసలో ‘ఒంటి మీద సరుకు ఉన్నప్పుడే మార్కెట్ చేసుకోవాలా’.. అంటూ జీవితసత్యాలు తన అక్క చెవిలో వేస్తుంది దివి.


‘‘ఫ్యాన్స్‌ని అట్టా అనబాబు.. ఏందక్కో కోపంగా ఉన్నావ్.. ఇంత అందం వేసుకుని ఊర్లో ఒక్కడు కూడా నచ్చలేదా. పారిపోయినాం అంటే.. నువ్ నచ్చినోడితో పోవాలా.. లేదంటే నీకునచ్చినోడితో పోవాలా.. దేవుడు మనల్ని ఇంత అందంగా ఎందుకు పుట్టించినాడో తెలుసా? ఇది వాడుకుని.. అన్నీ దక్కించుకోవాలి.. నీకు అర్ధం కావడం లేదు కానీ.. అందగత్తెలు ఏం పనిచేయాల్సిన పనిలే.. అట్లా ఒక స్టేటస్ పెడితే చాలు మొగోల్లు ఇంటి ముందు క్యూకడతారు. కొద్దిగా చర్మం కనిపిస్తే చాలు పిచ్చోళ్లపోతారు. కొద్దిగా నడుం చూపిస్తే చాలు.. దెబ్బకి పడిపోతారు.

జస్ట్ అలా నిలబడి.. తల దించి కళ్లు మాత్రమే పైకి ఎత్తి.. జుట్టు అలా అనుకుంటూ.. అమ్మో బాపుగారో బొమ్మో అనే పాటకి ఒక్క రీల్ చేశావంటే.. కుక్కలు మాదిరిగా లైక్‌లు కొడతారు. ఆ తరువాత నుంచి ఉంటుంది చూడూ.. ఫ్యాన్ పేజ్‌లు ప్రపోజ్‌లు.. రీచార్జ్‌లు.. గిఫ్ట్‌లు.. ఎంత డబ్బు సేవ్ చేస్తావో నీకేం తెలుసు.. ఒంటి మీద సరుకు ఉన్నప్పుడే మార్కెట్ చేసుకోవాలా.. సరుకు చూపించి ఒక్క వీడియో చేశావ్ అంటే.. ఊర్లోప్రతి మొగోడు నువ్ అడక్క ముందే నీ పనులు అన్నీ చేసి పెడతాడు. నన్ను చూడు నాకున్న ఫ్యాన్ ఫాలోయింగ్ చూడు.. ఎప్పటికైనా పెద్ద హీరోయిన్ అవుతా’ భారీ డైలాగ్ చెప్పి.. వామ్మో దివి అనేట్టుగా పెర్ఫామెన్స్ చేసింది. ఈ బాబుబొమ్మ డైలాగ్ బాగా వైరల్ కావడంతో.. దానికి తన ఎక్స్ ప్రెషన్స్ జోడిస్తూ.. తన ఇన్‌స్టాగ్రామ్‌లో వీడియో వదిలింది దివి. దీంతో ఆమె ఫ్యాన్స్ తెగ లైక్‌లు కొడుతూ దివి అందాన్ని ‘ఎంత పొగిడినా 🤏కొంత మిగిలిపోయేంత ✨️అందం నీది’ అంటూ పొగడ్తల వర్ష కురిపిస్తున్నారు.

ఈ పొడుగుకాళ్ల సుందరి.. మోడలింగ్ నుంచి సినిమాల్లోకి ‘మహర్షి’ ద్వారా అడుగుపెట్టింది. అనంతరం బిగ్ బాస్ షోతో మోస్ట్ బ్యూటిఫుల్ కంటెస్టెంట్‌గా మెరిసింది. తన సొట్ట బుగ్గలతో కుర్రకారు మనసుల్ని గుల్ల చేసింది.. మత్తెక్కించే కళ్లతో నాజూకు నడుముతో దివి నిజంగానే అందాల దివి అనిపించింది. కవ్వించే నీలి కళ్లు.. కైపెక్కించే చూపులు.. నాజూకు అందాలు.. వొంపు సొంపుల వయ్యారాలు.. హస్కీ వాయిస్‌తో అదరహో అనిపించి.. ఏడోవారంలో అనూహ్యంగా ఎలిమినేట్ అయ్యింది. ఆ తరువాత నుంచి ఇన్ స్టాగ్రామ్‌లో యాక్టివ్‌గా ఉంటూ హాట్ వీడియోలతో హీటెక్కిస్తోంది. అయితే ఇప్పటివరకూ దివికి ఫుల్ లెంగ్త్ హీరోయిన్ రోల్ దొరకలేదు. బిగ్ బాస్ ఫినాలే వేదిక మీద నుండి చిరంజీవి వేదాళం రీమేక్‌లో దివికి అవకాశం ఇచ్చిన విషయం తెలిసిందే.