Bigg Boss Episode 61 Highlights: బిగ్ బాస్ కెప్టెన్‌గా మహేష్ విట్టా.. గురువుపై శిష్యుడు విజయం

క్రేజీ కాలేజ్ టాస్క్‌లో బెస్ట్ టీజర్‌, బెస్ట్ స్టూడెంట్‌ను ఏకాభిప్రాయంతో చెప్పాలనగా.. స్టూడెంట్స్ అందరూ ఏకాభిప్రాయంతో బాబా భాస్కర్ ను బెస్ట్ టీచర్ ఎన్నుకున్నారు. టీచర్స్ ముగ్గురూ వితికా, వరుణ్ బాబా భాస్కర్‌ను బెస్ట్ స్టూడెంట్‌గా మహేష్‌ని ఎన్నుకున్నారు.

బెస్ట్ స్టూడెంట్, బెస్ట్ టీచర్‌లుగా ఎన్నికైన బాబా భాస్కర్, మహేష్‌ విట్టా ఇద్దర్నీ కెప్టెన్సీ పోటీదారులుగా ప్రకటించారు బిగ్ బాస్.

Read Also: శ్రీముఖివి పచ్చి అబద్ధాలు.. ఆమె ఎవరో నాకు తెలియదు: షాకింగ్ విషయాలు బయటపెట్టిన శిల్పా చక్రవర్తి

అయితే వరుణ్‌ని బెస్ట్ టీచర్‌గా వరుణ్‌ని మేం అనుకున్నాం అని బాబా భాస్కర్ పెర్ఫామెన్స్ చేయకుండానే అతన్ని బెస్ట్ టీచర్‌గా ప్రకటించడంపై హర్ట్ అయ్యింది పునర్నవి. రవి ముందు వరుణ్ పేరు చెప్పి.. తరువాత బాబా భాస్కర్ అన్నారని అతి వినయం ధూర్త లక్షణం అన్నట్టుగా రవి వ్యవహరిస్తున్నాడని సీరియస్ అయ్యింది పునర్నవి.

Read Also: బిగ్ బాస్ అన్ని ఎపిసోడ్‌లు.. ఇంట్రస్టింగ్ కథనాలు ఒక్క క్లిక్‌తో..

ఇక కెప్టెన్ పోరులో భాగంగా.. ‘ప్రచారమే ఆయుధం’ అనే ఇంట్రస్టింగ్ టాస్క్ ఇచ్చారు బిగ్ బాస్. ఈ టాస్క్ ప్రకారం మహేష్ విట్టా, బాబా భాస్కర్‌లు మిగిలిన ఇంటి సభ్యుల దగ్గరకు వెళ్లి తమని కెప్టెన్‌గా గెలిపించాలని ప్రచారం నిర్వహించారు. వీళ్ల ప్రచారం నచ్చతే తమ వద్ద ఉన్న దండను తీసి కంటెస్టెంట్స్ మెడలో వేయాల్సి ఉంటుంది.

ఈ టాస్క్‌లో పునర్నవి, హిమజలు.. బాబా భాస్కర్ మెడలో దండ వేయగా.. మహేష్ విట్టా మెడలో వరుణ్ సందేశ్, హిమజ, శివజ్యోతి, రాహుల్, రవి, శ్రీముఖిలు దండలు వేశారు. ఎనిమిది మందిలో ఎక్కువ ఓట్లు మహేష్ విట్టాకే రావడంతో గురువు బాబా భాస్కర్‌పై విజయకేతనం ఎగురవేసి బిగ్ బాస్ హౌస్‌కి కెప్టెన్ అయ్యాడు శిష్యుడు మహేష్ విట్టా.