Adi Reddy: బిగ్ బాస్ కొత్త కెప్టెన్‌గా ఉడాల్ మామ.. జెండా ఎత్తేసిన శ్రీహాన్, శ్రీసత్య

బిగ్ బాస్ షో (Big Boss Show) లేటెస్ట్ ప్రోమో వచ్చింది. బిగ్ బాస్ కొత్త కెప్టెన్సీ ఎంపిక కోసం బిగ్ బాస్ కొత్త గేమ్ పెట్టాడు. ఫైనల్ గేమ్‌లో మిగిలిన ఆదిరెడ్డి, శ్రీహాన్, శ్రీసత్యకు ఎత్తర జెండా అంటూ బిగ్ బాస్ టాస్క్ ఇచ్చాడు. ఇసుక కుప్పలో నుంచి ఇసుకను ఓ చిన్న బకెట్‌లో తీసుకెళ్లి.. మరొక చోట ఏర్పాటు చేసిన డబ్బాలో వేయాలి. ఇలా ముగ్గురికి మూడు డబ్బాలు ఏర్పాటు చేయగా.. ఎవరు ముందుగా డబ్బాను ఇసుకతో నింపితే.. వాళ్లే బిగ్ బాస్ హౌస్‌కు కొత్త కెప్టెన్ అవుతారు.

ఎత్తర జెండా టాస్క్‌లో గెలిచి కెప్టెన్ అయ్యేందుకు ఆదిరెడ్డి, శ్రీహాన్, శ్రీసత్య ముగ్గురు బాగానే కష్టపడినట్లు ప్రోమోలో చూపించారు. ముగ్గురిలో ముందుగా ఆదిరెడ్డి (Adi Reddy) ఇసుకతో డబ్బాను నింపేసి.. కొత్త కెప్టెన్‌గా ఎన్నికైనట్లు తెలుస్తోంది. ఆది రెడ్డి అలసిపోయి కూర్చీలో కూర్చొగా.. అక్కడితో ప్రోమో కట్ చేశారు.

నిన్నటి ఎపిసోడ్‌లో ఏం జరిగిందంటే..

ఈవారం కెప్టెన్సీ ఎంపికకు పెద్ద రచ్చే జరిగింది. శ్రీహాన్, గీతు, ఆదిరెడ్డి, ఫైమా, శ్రీసత్యలు కెప్టెన్సీ పోటీదారులుగా ఎంపిక అయ్యారు. అయితే వీరికి బ్రిగ్స్ టాస్క్ ఇవ్వగా.. ఇందులో గలటా గీతూ ముందే చేతులెత్తేసింది. ఆ తరువాత ఫైమా బ్రిగ్స్‌ని కాపాడుకునే ప్రయత్నంలో ఆమె చేతులు బ్రిగ్స్‌కి తగలడంతో.. డిస్ క్వాలిఫై చేశాడు సంచాలక్‌గా ఉన్న రేవంత్. అయితే ఫైమా కెప్టెన్ కావాలని తొలి నుంచి గట్టిగా పోరాడిన ఇనయ.. దీన్ని వ్యతిరేకించింది. శ్రీహాన్ కూడా బ్రిగ్స్‌కి టచ్ అయ్యాడు. మరి అతన్ని ఎందుకు డిస్ క్వాలిఫై చేయట్లేదంటూ వాగ్వాదానికి దిగింది. చివరికి కెప్టెన్సీ పోటీలో ఆదిరెడ్డి, శ్రీహాన్, శ్రీసత్య ముగ్గురే మిగిలారు. నేటి ఎపిసోడ్‌లో కొత్త కెప్టెన్ ఎవరో తేలిపోనుంది.