BiggBoss Shannu: 'అరేయ్ ఏంట్రా ఇది'.. దీపూ మీద రివెంజా?.. షన్నుపై ఫ్యాన్స్ ఫైర్!

బిగ్‌బాస్-5తో యూట్యూబర్ షణ్ముఖ్‌ జశ్వంత్‌ జీవితమే తలకిందులైపోయింది. ఈ సీజన్‌లో మరో హౌస్‌మెట్ సిరి హనుమంతుతో షన్ను చేసిన రచ్చ అంతాఇంతా కాదు. ఓవైపు కిస్సులు, హగ్‌లు ఇలా ఈ జంట హౌస్‌లోనే రెచ్చిపోయింది. దీంతో అటు బిగ్‌బాస్ టైటిల్‌తో పాటు ఇటు తన లవర్ దీప్తి సునయన కూడా షన్ను నుంచి దూరమైపోయింది. హౌస్‌ నుంచి షన్ను బయటకు వచ్చిన వెంటనే బ్రేకప్ చెప్పేసింది. వీళ్లిద్దరూ విడిపోయి దాదాపు ఒక సంవత్సరం దాటిపోయింది. అయితే తాజాగా షన్నుపై ఫ్యాన్స్ ఫైర్ అవుతున్నారు. "దీప్తి మీద ఎందుకింత పగబట్టావ్" అంటూ పెద్ద పెద్ద డైలాగులు కొడుతున్నారు. అసలేం జరిగిందంటే?

రొమాన్స్

బ్రేకప్ అయిన తర్వాత దీపు, షన్ను ఎవరి కెరీర్‌లో వాళ్లు బిజీగా ఉన్నారు. అయితే తాజాగా షన్ను 'అయ్యోయ్యో' అంటూ ఓ మ్యూజిక్ వీడియోను తన ఇన్‌స్టాగ్రామ్‌లో పోస్ట్ చేస్తాడు. ఇందులో ఓ అమ్మాయితో షన్ను చాలా క్లోజ్‌గా ఉంటూ, కిస్ చేస్తూ హగ్ చేసుకున్నాడు. వీడియో అంతా బాగానే ఉంది. కానీ కింద కామెంట్లు మాత్రం పేలిపోయాయి. ఫ్యాన్స్ చాలా మంది షన్నుకి నెగిటివ్‌గా కామెంట్లు పెడుతున్నారు.

ఏంటి రివెంజా?

"దీప్తి బాధ పడుతుంది బ్రో, దీపూ మీద రివెంజ్ ఆ, కానీ కానీ షన్ను, ఎందుకిలా చేస్తున్నావ్ షన్ను, నువ్వు ఎంత చేసినా మాకు దీపు-షన్నునే కావాలి, దీపూ ఇలా చేస్తే నీకెలా ఉంటుంది" అంటూ కామెంట్లతో హోరెత్తిస్తున్నారు. నిజానికి షన్నుతో బ్రేకప్ అయిన తర్వాత దీపు కూడా కొన్ని మ్యూజిక్ వీడియోలు చేసింది. అందులో కూడా ఒక రొమాంటిక్ సాంగ్ ఉంది. అయితే దీపూ.. మరీ ఇంతలా హద్దులు దాటలేదంటూ దీప్తి ఫ్యాన్స్ అంటున్నారు. షన్ను మాత్రం కావాలనే దీప్తిని బాధపెట్టడానికి ఇలా చేస్తున్నాడని తెగ ఫీలవుతున్నారు.

మరి దీప్తి

నిజానికి వీళ్లిద్దరికీ సోషల్ మీడియాలో విపరీతమైన ఫ్యాన్ ఫాలోయింగ్ ఉంది. ఎప్పుడు సోషల్ మీడియాలో చిన్న పోస్ట్ పెట్టినా, లైవ్ చాట్ చేసినా ఫ్యాన్స్ వీళ్ల బ్రేకప్ గురించి అడుగుతూనే ఉంటారు. బిగ్‌బాస్ హౌస్ నుంచి షణ్ముఖ్ బయటకు వచ్చిన తర్వాత (2022 జనవరి 1)న దీపు బ్రేకప్ చెప్పేసింది. ఇందుకోసం ఇన్‌‍స్టాగ్రామ్‌లో ఓ పెద్ద పోస్టే పెట్టింది.

తమ రిలేషన్‌షిప్‌లో ఎన్నో కఠిన పరిస్థితులు ఎదురయ్యాయని దీప్తి చెప్పింది. ఆ తర్వాత షణ్ముఖ్ కూడా దీప్తితో విడిపోయినట్లు క్లారిటీ ఇచ్చాడు. తర్వాతి నుంచి ఇద్దరూ వాళ్ల కెరీర్‌పై దృష్టి పెట్టారు.
Sreemukhi: 'అది చింపేస్తారంట.. మీరూ మీరూ చింపుకోండి'.. ఇదేం అరాచకం అయ్యా!

• Read latest TV News and Movie Updates