Ismart Anjali: బిగ్ బాస్ 6లో TV9 యాంకర్.. సంబరాలు చేసుకుంటూ ఫొటో లీక్

బిగ్ బాస్ సీజన్ 6 సంబంధించిన ప్రోమో విడుదల కావడంతో కంటెస్టెంట్ ఎంపికపై చర్చ నడుస్తోంది. ఇప్పటికే సోషల్ మీడియాలో చాలామంది పేర్లు చక్కర్లు కొడుతున్నాయి. అయితే మొత్తం 25 మంది కంటెస్టెంట్లు ఫైనల్ కాగా.. వీరిలో హౌస్‌లోకి వెళ్లే కంటెస్టెంట్స్ ఎవరన్నది మాత్రం చివరి వరకూ సస్పెన్సే. అయితే హౌస్‌లోకి వెళ్లబోయే కంటెస్టెంట్లు ముందే లీక్స్ ఇస్తూ ఉంటారు. అలా లీకైన కంటెస్టెంట్ పేరే.. టీవీ 9 యాంకర్ ఇస్మార్ట్ అంజలి అలియాస్ ఆరోహి రావ్.

బిగ్ బాస్ సీజన్ 6లో ఈ యాంకర్ కంటెస్టెంట్‌గా కన్ఫామ్ అయ్యింది. ఈ విషయాన్ని డైరెక్ట్‌గా చెప్పకపోయినా.. తన తోటి యాంకర్లు ఇన్ స్టాగ్రామ్ ఫొటోలతో చెప్పకనే చెప్పేసింది. ఇస్మార్ట్ అంజలి బిగ్ బాస్‌ కంటెస్టెంట్‌గా ఫైనల్ కావడంతో.. తోటి టీవీ 9 యాంకర్లు సంధ్య (tv9 anchor sandhya), యాంకర్ నేత్ర(Anchor Netra)లు సంబరాలు చేసుకున్నారు. ఈ ఫొటోలను బిగ్ న్యూస్ అంటూ ఆమెను ఎత్తుకున్న ఫొటో‌ని షేర్ చేసింది టీవీ 9 యాంకర్ సంధ్య. ఈ ఫొటోను తన కెమెరాలో బంధించించి మరో యాంకర్ నేత్ర. అయితే యాంకర్ సంధ్య తన ఇన్ స్టాగ్రామ్ స్టోరీలో ఈ ఫొటోని షేర్ చేస్తూ.. BIG News @ArohiRao అని క్యాప్షన్ ఇచ్చింది. ఈ BIGలోనే బిగ్ బాస్ ఉండటంతో.. ఇస్మార్ట్ అంజలి బిగ్ బాస్‌కి వెళ్తున్న విషయం ముందే బయటకు వచ్చేసింది.

నిజానికి టీవీ 9 యాంకర్లు బిగ్ బాస్ కంటెస్టెంట్లుగా వెళ్లడం ఇది తొలిసారి కాదు.. గత ఐదోసీజన్, ఫస్ట్ సీజన్ మినహా ఇస్తే మిగిలిన మూడు సీజన్లకు టీవీ 9 యాంకర్లు కంటెస్టెంట్లుగా వెళ్లారు. తొలి సీజన్‌లో కత్తి మహేష్ కంటెస్టెంట్‌గా వెళ్లారు. నిజానికి ఆయన యాంకర్లకంటే ఎక్కువగా టీవీ9 స్క్రీన్‌పై కనిపించేవారు. ఎలాగూ ఆయన వెళ్తున్నాడు వేరే యాంకర్ ఎందుకులే అనుకున్నారో ఏమో కానీ.. ఫస్ట్ సీజన్‌కి ప్రత్యేకంగా టీవీ 9 యాంకర్ పోలేదు.

ఆ తరువాత రెండో సీజన్‌లో యాంకర్ కమ్ రిపోర్టర్ దీప్తి నల్లమోతు బిగ్ బాస్ కంటెస్టెంట్‌గా అడుగుపెట్టి ఫైనల్ వరకూ గట్టి పోటీ ఇచ్చింది. టీవీ 9 నుంచి బిగ్ బాస్ హౌస్‌కి వెళ్లిన వాళ్లలో ఎక్కువ రోజులు ఉన్నది దీప్తి నల్లమోతు కావడం విశేషం. మూడో సీజన్‌కి టీవీ 9 యాంకర్ జాఫర్ బిగ్ బాస్ కంటెస్టెంట్‌గా అడుగుపెట్టి రెండో వారంలోనే ఇంటి ముఖం పట్టాడు. ఆ తరువాత నాలుగో సీజన్‌లో దేవి నాగవల్లి బిగ్ బాస్ కంటెస్టెంట్‌గా వెళ్లి ఆకట్టుకుంది. టీవీ 9 స్క్రీన్‌పై దేవి వేరు.. బిగ్ బాస్ హౌస్‌లో దేవి వేరు అన్నట్టుగా ఆట ఆడి.. తనపై ఉన్న నెగిటివిటీని చాలావరకూ చెరిపేసుకుంది. అయితే ఆట బాగా ఆడింది కానీ.. బిగ్ బాస్‌కి కావాల్సిన కంటెంట్ అందించలేకపోవడంతో ఆమెను అర్ధాంతరంగా ఎలిమినేషన్ పేరుతో హౌస్‌ నుంచి బయటకు పంపేశారు.

దేవి చాలా బాగా గేమ్ ఆడినప్పటికీ ఆమెను కావాలనే తొలగించారనే విమర్శలు గట్టిగానే వినిపించాయి. షో చూసిన చాలామంది దేవి ఎలిమినేషన్‌ను వ్యతిరేకించిన విషయం తెలిసిందే. ఇక ఐదో సీజన్‌లో మహా టీవీ యాంకర్ లహరి, యూట్యూబ్ యాంకర్ సరయు, మరో యాంకర్ కాజల్ ఉండటంతో.. టీవీ 9 నుంచి యాంకర్ల కోటాలో ఎవరూ వెళ్లలేకపోయారు. అయితే ఆరో సీజన్‌కి మాత్రం టీవీ 9 యాంకర్ల కోటాలో ఆరోహి రావ్‌ (Arohi Rao)ని అదృష్టం వరించింది. మరి ఆమె ఎంతవరకూ రాణిస్తుందో చూడాలి.