Rahul Sipligunj: ‘మాటలు జాగ్రత్త’ ఆగ్రహంతో ఊగిపోతున్న శ్రీముఖి

రాములమ్మ ఆగ్రహించింది. రాహుల్‌పై విశ్వరూపం దాల్చింది. నువ్ ఎవడివి నా గురించి మాట్లాడటానికి నన్ను డిసైడ్ చేయడానికి అంటూ ఉగ్రరూపం దాల్చింది. బిగ్ బాస్‌ షోలో భాగంగా రాహుల్, శ్రీముఖిల మధ్య వివాదం రేగింది.

నేటి రాత్రి ప్రసారం కాబోయే ఎపిసోడ్‌కి సంబంధించిన ప్రోమోను విడుదల చేయగా.. రాహుల్, శ్రీముఖిలు దూషించుకుంటున్నారు. బిగ్ బాస్ ముగింపు దశకు చేరుకోవడంతో హౌస్‌లో ఏడుగురు సభ్యులు మిగిలారు. వీరిలో ఎవరి స్థానం ఏంటో మీరే తేల్చుకోవాలని ‘టాపర్ ఆఫ్ ది హౌస్‌’ టాస్క్ ఇచ్చారు బిగ్ బాస్. దీంతో నేను గొప్ప అంటే నేను గొప్ప, నేను బెస్ట్ అంటే నేను బెస్ట్ అంటూ రచ్చ రచ్చ చేస్తున్నారు.

Read Also: బిగ్ బాస్‌లో బిగ్ ట్విస్ట్.. ఏడుగురికి మూడింది

నేను నంబర్ 2 అంటూ రాహుల్ వెళ్లి ఆ స్థానం ముందు నిలబడటంతో శ్రీముఖి నిలదీస్తుంది. నువ్ ఇప్పటి వరకూ బెస్ట్‌గా పెర్ఫామ్ చేసిన ఒక్క టాస్క్ చెప్పు అనిఅనడంతో రాహుల్‌కి కోపం వచ్చింది. అసలు నువ్ ఏ టాస్క్ బాగా ఆడావో ముందు చెప్పు అంటూ కౌంటర్ ఇచ్చాడు.

దీంతో శ్రీముఖి ఉగ్రరూపం దాల్చింది. ‘మాటలు.. మాటలు జాగ్రత్త అంటూ వేలు చూపిస్తూ.. రాహుల్ మీదికి దూసుకువస్తోంది. నా టోన్‌ని డిసైడ్ చేయడానికి నీకు ఏ అర్హత ఉంది’ అంటూ ఆగ్రహం వ్యక్తం చేస్తుంది. మొత్తానికి ఈ ‘టాపర్ ఆఫ్ ది హౌస్‌’ టాస్క్ మంచి హీట్ హీట్‌గా సాగుతోంది. ఎవరు ఏ స్థానంలో నిలిచారు? ఆ రచ్చ ఏంటో నేటి ఎపిసోడ్‌లో చూడాల్సిందే.