‘కోయిలమ్మ’ సీరియల్ : సమీర్‌కి నిజం చెప్పిన లక్ష్మీ! ‘చిన్నీ గుట్టు బయటపడనుందా?’

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కోయిలమ్మ’ సీరియల్‌ 734 ఎపిసోడ్‌లను పూర్తి చేసుకుని.. 735 ఎపిసోడ్‌కి ఎంటర్‌ అయ్యింది. ఈ ఎపిసోడ్‌ హైలైట్స్‌ మీకోసం. తెలుగు ప్రేక్షకుల్ని ఎంతగానో ఆకట్టుకుంటూ.. సరికొత్త రాగాలను పలిగిస్తున్న కోయిలమ్మ కథ ఏం జరిగిందో చూద్దాం!

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కోయిలమ్మ’ సీరియల్‌ 734 ఎపిసోడ్‌లను పూర్తి చేసుకుని.. 735 ఎపిసోడ్‌కి ఎంటర్‌ అయ్యింది. ఈ ఎపిసోడ్‌ హైలైట్స్‌ మీకోసం. తెలుగు ప్రేక్షకుల్ని ఎంతగానో ఆకట్టుకుంటూ.. సరికొత్త రాగాలను పలిగిస్తున్న కోయిలమ్మ కథ ఏం జరిగిందో చూద్దాం!

Samayam Telugu

గత ఎపిసోడ్‌లో ఏం జరిగిందంటే...

ఇంద్రజ చేసిన మోసాన్ని మనోజ్‌ కుమార్‌ తెలుసుకుంటాడు. ఆస్తి మొత్తం తన అదుపు ఆజ్ఞల్లోకి తీసుకున్న విషయం తెలిసి భార్యను నిలదీస్తాడు మనోజ్‌ కుమార్‌. అయితే.. ఇంద్రజా ఏమాత్రం భయపడకుండా.. ‘అవును ఇప్పుడేంటీ? ఎక్కువ మాట్లాడితే ఈ ఇల్లు కూడా నాదే లెక్క అవుతుంది. మీరంతా నా దయాదాక్షన్యాలతో బతకాలి’ అంటూ అరుస్తుంది. సరిగ్గా అదే టైమ్‌కి సమీర్‌ రావడంతో సమీర్‌ మీద కూడా అరుస్తుంది ఇంద్రజా. దాంతో సింధూ అదే అదునుగా భావించి.. ‘ఇంటి అల్లుడ్ని గౌరవించని చోట నేనూ ఉండను’ అంటూ సమీర్‌ మ్యూజిక్‌ థెరపీ గురించి మనోజ్‌ కుమార్‌తో మాట్లాడకుండా లాక్కునిపోతుంది.
photo courtesy star maa and hotstar

Read Also: ‘కార్తీకదీపం’ డిసెంబర్ 18 ఎపిసోడ్ : సరోజక్క ప్లాన్ కార్తీక్‌ని మారుస్తుందా? ‘3 రోజుల్లో విడాకులు!’

తన కోర్టు కేసు తన చేతికే..

చిన్నీకి తన కేసుకు సంబంధించిన ఫైల్‌ కనిపిస్తుంది. దాంతో అదంతా చాలా ఆతృతగా చదువుతూ ఉంటుంది. అయితే అప్పుడే వచ్చిన లాయర్‌ శివానంద్‌.. ‘ఏం చేస్తున్నావ్‌ బుజ్జమ్మా?’ అని అడగడంతో.. కాస్త కంగారు పడుతుంది. వెంటనే ఆ ఫైల్‌ గమనించిన శివానంద్‌.. తన కథను తనకే చెబుతాడు. ‘బుజ్జమ్మా.. ఈ కేసు కోసం, ఆ అమ్మాయి(చిన్నీ) కోసం తాపత్రయపడుతున్న వ్యక్తి ఎవరో కాదు నా స్నేహితుడు సమీరే.. అందుకే ఈ కేసుని నాకు అప్పగించాడు’ ఈ ఫైల్‌ని జాగ్రత్తగా దాచిపెట్టు అంటాడు శివానంద్‌. దాంతో చిన్నీ బాధగా ఆ ఫైల్‌ని దాచిపెడుతుంది.
photo courtesy star maa and hotstar

Read Also: ‘మౌనరాగం’ సీరియల్: కష్టాల కడలిలో అమ్ములు జీవితం! ఓ వైపు భరత్! మరోవైపు బావ!!

మొదటి భార్య జ్ఞాపకాల్లో మనోజ్ కుమార్!

మనోజ్‌ చాలా బాధపడతాడు. ఇంద్ర అన్న మాటలను తలుచుకుంటూ తన జీవితంలో అత్యంత ముఖ్యమైన తన మొదటి భార్య కళ్యాణీ(చిన్నీ తల్లి)ని తలుచుకుని ఏడుస్తాడు. ఇంతలో అశోక్‌ కుమార్, లక్ష్మీలు.. మనోజ్‌ దగ్గరకు వచ్చి.. ‘బాధపడొద్దని.. ఎలాగైనా మాతృవందనం ప్రాజెక్ట్‌ పూర్తి చేద్దామని.. ఇంద్రజ అలా చేయడంతో కూడా తప్పేంలేదని, ముందు జాగ్రత్తగా అలా చేసి ఉంటుందంతేనంటూ’ నచ్చజెబుతారు. దాంతో మనోజ్‌ కాస్త కూల్‌ అవుతాడు.
photo courtesy star maa and hotstar

సమీర్‌కి నిజం చెప్పిన లక్ష్మీ!

సమీర్‌ లక్ష్మీకి కాల్‌ చేసి.. ‘నేను వచ్చేటైమ్‌కి.. మనోజ్‌ కుమార్‌ గారు, ఇంద్రజ ఆంటీ ఎందుకు గొడవ పడుతున్నారు? సింధూని ఎంత అడిగినా నిజం చెప్పట్లేదు. అసలు ఏం జరిగింది ఆంటీ? ఎందుకు అంతగా గొడవ పడ్డారు?’ అని అడగుతాడు. దాంతో లక్ష్మీ చుట్టూ గమనించుకుంటూ.. జరిగిందంతా సమీర్‌కి చెబుతుంది. దాంతో సమీర్‌ కూడా ‘ఏం అధైర్య పడొద్దని.. మనోజ్‌ కుమార్‌ అనుకున్నది జరుగుతుందని’ నమ్మకం ఇచ్చి ఫోన్‌ పెట్టేస్తాడు.
photo courtesy star maa and hotstar

మెడికల్ క్యాప్‌కి సమీర్..

చిన్నీ పిల్లలతో కలిసి.. గ్రౌండ్‌ మొత్తం ఖాళీ చేయిస్తుంది. మెడికల్‌ క్యాంప్‌ పెట్టడానికి అంతా సిద్ధం చేస్తుంది. లాయర్‌ శివానంద్, ఆటో డ్రైవర్‌(చిన్నీ వాళ్ల మేనత్త కొడుకు) ధనా.. ఇద్దరూ క్యాంప్‌కి సంబంధించిన ఏర్పాటు చేస్తుంటారు. అంతా సిద్ధం కావడంతో శివానంద్‌ శంకర్‌ బాబు(అగ్నిసాక్షి హీరో)కి ఫోన్‌ చేసి.. ‘క్యాంప్‌కి అంతా సిద్దం మీరు ఎప్పుడు వస్తారు?’ అని అడుగుతాడు. ‘రేపే ఏర్పాటు చేస్తాం’ అని శంకర్‌ బాబు చెప్పడంతో.. శివానంద్‌ ఓకే అంటాడు. అయితే క్యాంప్‌కి నా దోస్త్‌ సమీర్‌(చిన్నీ మరిది) వస్తున్నాడని కూడా చెప్పడంతో చిన్నీ షాక్‌ అవుతుంది. మరిన్ని వివరాలు తరువాయి భాగంలో చూద్దాం! కోయిలమ్మ కొనసాగుతోంది.