Karthika Deepam కీలక మలుపు: కార్తీక్‌పై పగబట్టిన మోనిత, ఆ మర్డర్ కేసు ఆమె నాటకమే..

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 ఆగస్ట్ 9)న 1113 ఎపిసోడ్‌కి ఎంటర్ అయ్యింది. అయితే నేటి కథనం మొత్తం గత 1113 ఎపిసోడ్స్‌ని సైతం శాసించేలా ఉండటం తెలిసిందే. అభిమానులకు ఊహించని షాకిచ్చారు సీరియల్ డైరెక్టర్ కాపుగంటి రాజేంద్ర. మోనిత ప్రెగ్నెంట్ అనే ట్విస్ట్‌తో కథను మొత్తం ఒక్కసారిగా రివర్స్ చేసిన రాజేంద్ర ఇప్పుడు మరో ట్విస్ట్‌తో కార్తీకదీపం రేంజ్‌ని మరింతగా పెంచేశారు.
Karthika Deepam ఆగష్టు 9 ఎపిసోడ్: వామ్మో మోనిత, కార్తీక్‌కి తనే స్వయంగా తన కుట్రలు వివరించి..
మోనితే తను ప్రేమించిన హిమని చంపించింది అని తెలుసుకుని.. మోనితని చంపడానికి వెళ్లిన కార్తీక్‌కి.. మరిన్ని కుట్రలు వివరించింది మోనిత. దీపని చంపాలని ప్లాన్ చేశాను మిస్ అయ్యింది.. విహారీతో సంబంధం గట్టాను.. కానీ మళ్లీ పదేళ్లకు ఆమెని నమ్మి చేరదీయబోయావ్.. అందుకే నేను ఈ కడుపుని అడ్డం పెట్టుకున్నాను అంటూ.. తన కడుపుకి కార్తీక్ ఎలా కారణం అయ్యాడో ఆ నిజాన్ని కూడా బయటపెట్టింది మోనిత. నేటి కథనంలో మొత్తం మోనిత చేసిన నేరాలన్నీ మోనిత నోటే కార్తీక్ విన్నాడు. విని రగిలిపోయాడు. పైగా ఇది కల కాదు. ఎందుకంటే.. మోనిత కిడ్నాప్ చేసిన భాగ్యం కూడా ఈ సీన్ మొత్తం వింటూ ఉండటం ప్రేక్షకులకు కనిపిస్తుంది.

ఈ క్రమంలో ‘నేను చేసిన నేరాలన్నీ నేరాలు కాదు నీపై నాకున్న ప్రేమా’ అంటూ అచ్చం సైకోలా మాట్లాడుతుంది మోనిత. అదంతా చూసి కార్తీక్‌కి పిచ్చెక్కిపోతుంది. చంపేస్తాను అని తన వెంట తెచ్చుకున్న సౌందర్య గన్‌ని మోనితకి గురిపెడతాడు. నేటి కథనం అక్కడితో ఆగింది. karthika deepam serial latest promo (కమింగ్ అప్‌)లో మోనితని చంపి శవాన్ని ఎక్కడ దాచిపెట్టావ్ అంటూ ఏసీపీ రోషిణి కార్తీక్‌ని అరెస్ట్ చేస్తుంది. ఆ సమయంలో కార్తీక్ ఎక్స్ ప్రెషన్స్ చూస్తే మోనితని కార్తీక్ చంపలేదని అర్థమవుతుంది.

నిజానికి కార్తీక్ మనసు అంత కృరమైంది కాదు. చంపలేడు. చంపకుండా తిరిగి వచ్చి ఉండొచ్చు. అదే అదునుగా మోనిత ప్రియమణితో కలిసి మరో డ్రామా మొదలుపెట్టి ఉండొచ్చు. ఎలాగో కార్తీక్ ‘నీకు పెళ్లి కాదు చావే’ అంటూ చంపడానికి కూడా సిద్ధపడ్డాడు కాబట్టి.. ‘కార్తీక్‌ నాకు ఎదురు తిరిగితే కార్తీక్‌ని కూడా చంపేస్తాను’ అని మోనిత గతంలో చాలా సార్లు అనుకున్నది కాబట్టి.. కావాలనే కనిపించకుండా దాక్కుని.. కార్తీక్ జీవితాన్ని నాశనం చెయ్యడాానికి ఈ నాటకం ఆడిస్తున్నట్లుంది. ఎలాగో ఏసీపీ రోషిణికి తప్పు అనిపిస్తే వదిలిపెట్టదు కాబట్టి.. ఈ రకంగా ఉచ్చుపన్ని ఉండొచ్చు. మరి బతికే ఉండి నాటకం ఆడుతున్న మోనితని.. వంటలక్క ఎలా బయటికి లాగుతుంది? తన భర్తని ఎలా కాపాడుకుంటుంది? అనేది కథను ఉత్కంఠగా మార్చే అవకాశం ఉంది.
గుప్పెడంత మనసు