Aame Katha Telugu Serial Written Updates 12 March 2020; Rani Gets Aggressive
‘ఆమెకథ’ మార్చి 12 ఎపిసోడ్ : కథలో ఫుల్ క్లారిటీ! గౌతమ్ మంచోడే! నిజాలేవీ అతడికి తెలియక..
బుల్లి తెరను ఎంతగానో ఆకట్టుకుంటున్న ‘ఆమెకథ’ రోజు రోజుకీ ఆసక్తిగా మారుతోంది. ముందు ఎపిసోడ్లో ఏం జరిగిందో రఫ్గా చూసి.. స్టోరీలోకి వెళ్దాం.(గత ఎపిసోడ్ని ఆల్ రెడీ ఫాలో అయిన వాళ్లు ఈ పేరా వదిలి తరువాత పేరా నుంచి ఫాలో కావచ్చు) రాజమాత రాజుని చంపి వచ్చి.. అదే చేత్తో మహేశ్వరి పెట్టిన ప్రసాదం తింటూ ఉంటుంది. అయితే ఆ చేతికి ఉన్న రక్తం చూసి.. ఏదో అయ్యిందనుకుని కంగారు పడుతుంది మహేశ్వరి. అయితే రాజమాత.. ‘మంచికోసం కోటలో నల్లకోడిని బలి ఇచ్చాం’ అని అబద్దం చెబుతుంది. మరోవైపు కోట మొత్తం సీసీ కెమెరాలు.. పెట్టిస్తుంది రాణీ. మహేశ్వరి బాధగా కళ్లనిండా నీళ్లతో.. బాబుని ఎత్తుకుని.. లాలించి, ప్రేమగా పాలు పట్టించి ఊయాలతో వేసి ఆడిస్తూ ఉంటుంది. అయితే అందంతా తన చీర కొంగుని ముఖానికి వేసుకుని.. చేస్తూ ఉంటుంది. మహేశ్వరి ఏం చేస్తుందో అంతా.. హాల్లోనే సోపాలో ధర్జాగా కూర్చుని.. చూస్తారు రాణీ, రాజమాతలు. photo courtesy star maa and hotstar
Samayam Telugu13 Mar 2020, 10:04 pm
బుల్లి తెరను ఎంతగానో ఆకట్టుకుంటున్న ‘ఆమెకథ’ రోజు రోజుకీ ఆసక్తిగా మారుతోంది. ముందు ఎపిసోడ్లో ఏం జరిగిందో రఫ్గా చూసి.. స్టోరీలోకి వెళ్దాం.(గత ఎపిసోడ్ని ఆల్ రెడీ ఫాలో అయిన వాళ్లు ఈ పేరా వదిలి తరువాత పేరా నుంచి ఫాలో కావచ్చు) రాజమాత రాజుని చంపి వచ్చి.. అదే చేత్తో మహేశ్వరి పెట్టిన ప్రసాదం తింటూ ఉంటుంది. అయితే ఆ చేతికి ఉన్న రక్తం చూసి.. ఏదో అయ్యిందనుకుని కంగారు పడుతుంది మహేశ్వరి. అయితే రాజమాత.. ‘మంచికోసం కోటలో నల్లకోడిని బలి ఇచ్చాం’ అని అబద్దం చెబుతుంది. మరోవైపు కోట మొత్తం సీసీ కెమెరాలు.. పెట్టిస్తుంది రాణీ. మహేశ్వరి బాధగా కళ్లనిండా నీళ్లతో.. బాబుని ఎత్తుకుని.. లాలించి, ప్రేమగా పాలు పట్టించి ఊయాలతో వేసి ఆడిస్తూ ఉంటుంది. అయితే అందంతా తన చీర కొంగుని ముఖానికి వేసుకుని.. చేస్తూ ఉంటుంది. మహేశ్వరి ఏం చేస్తుందో అంతా.. హాల్లోనే సోపాలో ధర్జాగా కూర్చుని.. చూస్తారు రాణీ, రాజమాతలు.
photo courtesy star maa and hotstar
ఏంటీ శ్రీవారు కోపంగా ఉన్నారు?
గౌతమ్ బాధగా కూర్చుంటాడు. ‘ఇతడు మన అకౌంటెంట్ కదా.. ఇతడినెందుకు చంపాలనుకుంటున్నారు? ఇప్పటికున్న సమస్యలు చాలు.. ఇంకా పెంచొద్దు.. అతడ్ని బందించి పని పూర్తికాగానే వదిలేద్దాం!’ అన్నా తన మాటలని రాజమాత, రాణీ బేకాతరు చెయ్యకపోవడంతో.. ఆ గదిలోంచి తనని బయటికి పంపించేయడం గుర్తు చేసుకుంటూ ఆలోచిస్తూ ఉంటాడు.
ఇంతలో రాణీ లోపలికి వచ్చి.. ‘ఏంటీ గౌతమ్ బాబు మూడీగా ఉన్నాడు? ఏదోటి చేసి మూడ్ మార్చాలి. డార్క్ రూమ్లో జరిగిన విషయం గురించి ఆలోచిస్తున్నట్లున్నాడు’ అనుకుంటూ ‘గౌతమ్ బాబు.. నా చీర ఎలా ఉందో చూడండీ?’ అంటూ వయ్యారాలు పోతూ అటూ ఇటూ తిరుగుతూ ఎప్పటిలానే రెచ్చగొట్టాలని ప్రయత్నిస్తుంది. అయితే గౌతమ్ మాత్రం మూడీగానే ఉంటాడు. ‘ఏంటీ శ్రీవారు కోపంగానే ఉన్నారు? ఏం జరిగింది? ఈ శ్రీమతి అందం బోర్ కొట్టేసిందా?’ అంటుంది గారాలు పోతూ.. photo courtesy star maa and hotstar
అందుకు నేను ఉన్నానుగా..
అయితే గౌతమ్ కోపంగా.. ‘అసలు నాకు ఏ విషయం ఎందుకు చెప్పారు? ఆ అకౌంటెంట్ రాజుని ఏం చేశారు అని అడిగినా చెప్పరు. నువ్వు అమ్మా కలిసి నన్ను ఏం చేతకాని వాడ్ని చేస్తారు. పద్మినీ(మహేశ్వరి)కి బిడ్డని ఎందుకు దూరంగా ఉంచుతున్నారు? అంటే చెప్పరు. అసలు పద్మినీ తింటుందో లేదో తెలియదు. ఓ యంత్రాలా బిడ్డకి పాలు ఇస్తుంటే.. ఏం చేస్తున్నారు..’ అంటాడు గౌతమ్ కోపంగా..
‘అది శాంతి పూజ జరగాలని.. రాజగురువుగారు చెప్పారు కదా.. అందుకే అలా చేస్తున్నాం.. అయినా కొన్ని నమ్మకాలు ఉంటాయి కదా గౌతమ్ బాబు.. తప్పదుగా..’ అంటూ కవర్ చేస్తుంది రాణీ. అయితే గౌతమ్ ఆవేశంగా.. ‘అసలు నేను ఎందుకు పద్మినీ రూమ్లో పడుకోకూడదో చెప్పరు?’ అంటూ రగిలిపోతాడు. ‘ఓ అదా మీ ఆలోచనా.. అందుకు.. నేను ఉన్నానుగా’ అంటుంది రాణీ రొమాంటిక్గా తిప్పుకుంటూ.. అయితే గౌతమ్ కోపంగా అక్కడ నుంచి వెళ్లిపోతాడు. ‘అంటే ఏంటీ ఈ గౌతమ్ ఉద్దేశం.. నా మీద మోజు తగ్గిందనా? లేక పద్మినీ మీద మోజు పెరిగిందనా?’ అంటూ రగిలిపోతుంది రాణీ కోపంతో.. photo courtesy star maa and hotstar
ఎమోషనల్గా ఫీల్ అయిన ట్రిగ్గర్ బాబు..
వెంకట్, ట్రిగ్గర్ బాబు ఇద్దరూ.. కలిసి కోట దగ్గరకు మారువేషాల్లో వచ్చి.. రాజు ఏం అయ్యాడో తెలుసుకునే ప్రయత్నం చేస్తారు. అయితే.. వెంకట్ కూల్గా కూర్చుని చూస్తుంటే.. ట్రిగ్గర్ బాబు ఆవేశంగా వచ్చి.. ‘ఎంతసేపు చూడాలి ఇక్కడా.. భయంతో చచ్చిపోతున్నాను’ అంటూ ఫైర్ అవుతాడు. దాంతో వెంకట్ ఫీల్ అయ్యి.. ‘నువ్వు వెళ్లిపో బాబు.. నేను చూసుకుంటాను.. అయినా.. ఇప్పటికే జానకీని పోగొట్టుకున్నాను. ఆ రాజుకి ఏం అయ్యిందో తెలియట్లేదు.. మళ్లీ నీకు ఏదైనా అయినా నేను ఫీల్ కావాల్సి ఉంటుంది. నువ్వు వెళ్లిపో’ అంటాడు బాధగా.. దాంతో ట్రిగ్గర్ బాబు.. సారీ చెప్పి.. ‘చావైనా బతుకైనా ఇద్దరం కలిసే ఈ కథని పూర్తి చేద్దాం:’ అంటూ బతిమలాడతాడు. దాంతో చివరికి వెంకట్ సరేనంటాడు. photo courtesy star maa and hotstar
ప్రశ్నించే కలలు..
రాత్రి గౌతమ్, రాణీలు గాఢనిద్రలో ఉంటారు. ఇంతలో గౌతమ్కి చాలా విషయాలు గుర్తుకొస్తూ ఉంటాయి. పద్మిని (మహేశ్వరి)తో ప్రేమగా గడిపిన సంగటనలు, రాణీతో ప్రేమగా గడిపిన విషయాలు ఇలా చాలానే గుర్తొస్తుంటాయి. ‘నువ్వు నా జీవితంలోకి రావడం నాకు చాలా సంతోషంగా ఉంది’ అంటూ మహేశ్వరితో అన్న మాటలు, మహేశ్వరి పెళ్లి చేసుకోవడం, తనకి దెబ్బ తగిలితే తను కంగారుపడటం, ప్రేమగా దగ్గరకు తీసుకోవడం, ఏడిస్తే ఓదార్చడం.. ఇలా చాలా విషయాలను గుర్తు చేసుకుంటూ నిద్రలోని డిస్ట్రబ్ అవుతున్నట్లుగా ఫీల్ అవుతాడు. చాలా ఇబ్బందిగా ఫీల్ అవుతుంటాాడు. photo courtesy star maa and hotstar
మహేశ్వరిని చూడటానికి వెళ్లి..
గతంలో రాణీని వడిలో కూర్చోబెట్టుకుని.. ‘నేను అమ్మకోసమే పద్మినీ(మహేశ్వరి)ని పెళ్లి చేసుకున్నానని నీకు తెలుసుగా’ అని ముద్దు చెయ్యడం, మహేశ్వరిని వడిలో కూర్చోబెట్టుకుని.. ‘నిన్ను ఇంకెప్పుడు ఏడిపించను సరేనా’ అంటూ ప్రేమగా కబుర్లు చెప్పడం అంతా తలుచుకుని ఒక్కసారిగా ఉలిక్కిపడినట్లుగా కళ్లు తెరుస్తాడు. పక్కనే రాణీ గాఢనిద్రలో ఉంటుంది. గౌతమ్ లేచి పద్మినీ(మహేశ్వరి) రూమ్ దగ్గరకు వెళ్లి.. పద్మినీని జాలిగా చూస్తాడు. మహేశ్వరి జ్వరంతో వణుకుతూ నిద్రపోతూ ఉంటుంది. అనుమానం వచ్చిన గౌతమ్... మహేశ్వరి నుదుట మీద చెయ్యి వేసి చూస్తాడు. ఒళ్లు బాగా కాలిపోతుంది. photo courtesy star maa and hotstar
రాత్రంతా సేవలు.. రగిలిపోయిన రాణీ..
వెంటనే ‘పద్దూ.. పద్దూ.. ఏమైనా తిన్నావా? టాబ్లెట్ అయినా అడగొచ్చుగా..’ అంటాడు. కానీ మహేశ్వరికి అదంతా వినే ఓపిక కూడా ఉండదు. దాంతో గౌతమ్ వెళ్లి పాలు కాచుకుని వచ్చి.. మహేశ్వరికి తాగించి.. టాబ్లెట్ వేసి.. రాత్రంతా తడి గుడ్డు వేసి.. జ్యూస్ తీసి ఇస్తూ.. చాలా సేవలు చేస్తూ ఉంటాడు. ఉదయాన్నే రాణీ లేచి చూసే సరికి గౌతమ్ పక్కనే లేకపోయేసరికి.. అనుమానంతో మహేశ్వరి రూమ్కి వెళ్లి.. చూస్తుంది. అక్కడ గౌతమ్ గుండెల మీద నిద్రపోతున్న మహేశ్వరిని చూసి రాణీ బాగా రగిలిపోతుంది. photo courtesy star maa and hotstar
గౌతమ్ మహేశ్వరిపై చూపించే ప్రేమని చూసి..
కాసేపటికి నిద్రలేచిన మహేశ్వరిని చూసి.. గౌతమ్ ప్రేమగా.. ‘పద్దూ ఎలా ఉంది?’ అంటాడు వేడిని చూస్తూ.. ‘బాగానే ఉందండీ.. రాత్రంతా ఇక్కడే ఉన్నారా.. టాబ్లెట్ ఇచ్చాక పడుకోచ్చు కదండీ’ అంటుంది మహేశ్వరి నీరసంగా.. ‘అలా ఎలా వదిలేస్తాను మహేశ్వరీ? నాకే ఇలా ఉంటే నువ్వు వదిలేస్తావా?’ అంటాడు గౌతమ్ ప్రేమగా.. అందంతా వింటుంది రాణీ. అదే తలుచుకుంటూ రగిలిపోతుంది. కోపంతో ఊగిపోతుంది. సీన్ కట్ చేస్తే.. చీర మార్చుకుని.. రెడీ అయ్యి.. హాల్లో కూర్చుని.. జరిగిందంతా తలుచుకుని ఊగిపోతుంది. ఇంతలో దాని ఆవేశాన్ని గమనిస్తూన్న విమలా దేవి.. ‘ఏం అయ్యిందో దీనికి?’ అనుకుంటూ ఉంటుంది. photo courtesy star maa and hotstar
విమలా దేవి కోరిక సూపర్..
ఇంతలో పని మనిషి కాఫీ తిచ్చి.. ‘అమ్మా కాఫీ’ అంటుంది. అయితే ఆవేశంగా పైకి లేచిన క్రమంలో రాణీ చీర తగిలి ఫ్లవర్వాజ్ కింద పడిపోతుంది. వెంటనే పని మనిషిని చూస్తూ.. ‘ఏంటే ఫ్లవర్వాజ్ పాడేశావ్?’ అంటుంది కోపంగా.. దాంతో పని మనిషి ‘మీరే పాడేశారమ్మా’ అంటుంది. ‘నాకే ఎదురు సమాధానం చెబుతావా?’ అంటూ ఒక్కటి పీకుతుంది. వెంటనే పని మనిషి సమాధానం మార్చి.. ‘చూసుకోలేదమ్మా..’ అని అనడంతో.. అంతా గమనిస్తున్న విమలా దేవికి ఫూజ్లు ఎగిరిపోతాయి. ‘దీని పిచ్చి తగలయ్యా.. ఆ కరోనా వ్యాధి ఏదో దీనికి వస్తే పోయేది’ అని తిట్టుకుంటుంది మనసులో.. photo courtesy star maa and hotstar
కమింగ్అప్లో...
బాబుని తీసుకుని.. మహేశ్వరిని కోటలోనే బందించి.. అంతా కలిసి ఎక్కడికో బయలుదేరతారు. బహుశా బర్త్ సర్టిఫికెట్ కోసం అయ్యి ఉండొచ్చు. రాణీ బాబుని ఎత్తుకుని ఉండగా, రాజమాత, లాయర్, గౌతమ్ అంతా బయట ఉంటారు. సరిగ్గా అప్పుడే బాబు ఏడుస్తుంటాడు. ఆ ఏడుపు మహేశ్వరికి వినిపించి.. బాబు బాబూ.. అంటూ తలుపు దగ్గరకు పరుగు తీస్తుంది. అది ఓపెన్ కాక షాక్ అవుతుంది. బాబు ఏడుపు ఆపించమని రాణీని తిడుతుంది రాజమాత.
తలుపు రాకపోవడంతో.. మహేశ్వరి మాత్రం బాగా ఏడుస్తుంది. (అయితే ఈ రోజు కథలో ఓ క్లారిటీ వచ్చింది. మహేశ్వరి జీవితాన్ని నాశనం చెయ్యాలనే ఉద్దేశం గౌతమ్కి లేదు. పైగా చాలా విషయాలు గౌతమ్కి తెలియకుండా రాణీ, రాజమాతలు మ్యానేజ్ చేస్తున్నారు. అంటే.. భవిష్యత్లో వీళ్ల కుట్రలు బయటపడితే.. చాలా మంది ప్రేక్షకుల కోరిక ప్రకారం.. గౌతమ్ మహేశ్వరికి సపోర్ట్గా మారే అవకాశాలు ఎక్కువనే చెప్పుకోవాలి. రాణీ చెప్పిన అబద్దాలు వింటే అర్థమయ్యే మరో విషయం ఏంటంటే.. రాజగురువు వీళ్లతో కలిసి కుట్ర చేస్తున్న విషయం కూడా గౌతమ్కి తెలియదు.) మరిన్ని వివరాలు తరువాయి భాగంలో చూద్దాం! ఆమెకథ కొనసాగుతోంది.!!
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.