‘ఆమెకథ’ జనవరి 20 ఎపిసోడ్‌: జానకి గురించి తెలుసుకున్న రాణీ! ‘చంపెయ్యమని ఆదేశం’

బుల్లితెర ప్రేక్షకుల్ని ఎంతగానో ఆకట్టుకుంటున్న ‘ఆమె కథ’ సీరియల్‌ 55 ఎపిసోడ్‌లను పూర్తి చేసుకుని.. నేటికి 56 ఎపిసోడ్‌కి ఎంటర్‌ అయ్యింది. తెలుగు ప్రేక్షకులని ఎంతగానో ఆకట్టుకుంటున్న ఆమె కథ ఎపిసోడ్‌ హైలైట్స్‌ ఇప్పుడు చూద్దాం. జనవరి 20 రాత్రి టీవీలో రాబోతున్న ఈ కథ ఏం జరిగిందో మీ ‘సమయం’లో మీకోసం.

బుల్లితెర ప్రేక్షకుల్ని ఎంతగానో ఆకట్టుకుంటున్న ‘ఆమె కథ’ సీరియల్‌ 55 ఎపిసోడ్‌లను పూర్తి చేసుకుని.. నేటికి 56 ఎపిసోడ్‌కి ఎంటర్‌ అయ్యింది. తెలుగు ప్రేక్షకులని ఎంతగానో ఆకట్టుకుంటున్న ఆమె కథ ఎపిసోడ్‌ హైలైట్స్‌ ఇప్పుడు చూద్దాం. జనవరి 20 రాత్రి టీవీలో రాబోతున్న ఈ కథ ఏం జరిగిందో మీ ‘సమయం’లో మీకోసం.

Samayam Telugu

గత ఎపిసోడ్‌లో ఏం జరిగిందంటే...

రాణీ ఓ రౌడీని కలుస్తుంది. (ఆ రౌడీ గతంలో వెంకట్ మీద రెండు సార్లు ఎటాక్ చేస్తాడు.). ‘ఆ వెంకట్ గాడు కోటలోకి వచ్చింది కేవలం రహస్యాలను బయటపెట్టడానికే.. కథ, సినిమా అంటూ డ్రామాలు ఆడుతున్నాడు. వాడు ఏ విషయాలు తెలుసుకున్నా.. కోట దాటి బయటికి రాగానే.. చంపెయ్యాలి’ అంటూ ఎలా చంపాలో సలహా కూడా ఇస్తుంది. ‘ఇప్పటికే రెండు సార్లు తప్పించుకున్నాడు మేడమ్.. ఈ సారి తప్పించుకోలేదు’ అని చెబుతాడు ఆ రౌడీ.
photo courtesy star maa and hotstar
Read also: ‘కార్తీకదీపం’ జనవరి 20 ఎపిసోడ్ : ‘నిజం బయటపడి..’ ఉత్కంఠగా సాగుతున్న కథ!

మధురమే ఈ క్షణమే..

సీన్ కట్ చేస్తే.. పనులు చూసుకోవడానికి కలిసి వెళ్లిన గౌతమ్, రాణీలు.. డైనింగ్ టేబుల్ దగ్గరే రొమాన్స్ మొదలుపెట్టేస్తారు. ఒకరి కళ్లల్లో ఒకరు చూసుకోవడంతో పాటూ.. ప్రేమగా హగ్గులు.. ముద్దులతో రెచ్చిపోతారు. మధురమే ఈ క్షణమే సాంగ్‌తో అచ్చం హీరో హీరోయిన్స్‌లా డాన్స్‌ చేస్తూనే ఒకరి మీద ఒకరు ప్రేమలు కురిపించుకుంటారు. అదంతా చాటుగా జానకీ చూసి షాక్ అవుతుంది. రాణీ, గౌతమ్‌లు లోకాన్ని మరిచిపోయి రొమాన్స్ చేసుకుంటారు.
photo courtesy star maa and hotstar

జానకీ హైరానా...

గౌతమ్‌ రాణీల రొమాన్స్‌ చూడలేక తనలో తనే బాధపడుతుంది జానకి. బ్రహ్మంగారికి కాలజ్ఞానం ముందే తెలిసినట్లు..నా కర్మ కొద్ది.. ఈ కోటలోని రహస్యాల, ఈ కుల్లు మనుషుల మనస్తత్వాలు నాకే ముందు తెలిసి చస్తాయి. ఇవి ఎవరికీ చెప్పలేను. కక్కలేను’ అంటూ తలకొట్టుకుని అక్కడ నుంచి వెళ్లిపోతుంది. రాణీ, గౌతమ్‌లు మాత్రం రొమాన్స్‌ కంటిన్యూ చేస్తారు. మేడ మీదకు వెళ్లిన జానకీ అన్నీ ఆలోచిస్తూ టెన్షన్‌ పడుతుంది.
photo courtesy star maa and hotstar

ఆ వెంకట్‌కి ఎంత చెప్పినా వినిపించుకోవట్లేదు..

‘అటు చూస్తే పద్మినీ అమ్మతో బంధం బలపడుతుంది. కానీ ఏ నిజాన్ని తనకి చెప్పలేను. తనని బాధపెట్టలేను. ఇక ఆ వెంకట్‌ చూస్తే అసలు భయం పాడూ లేకుండా ప్రవర్తిస్తున్నాడు. రహస్యాలు తెలుసుకుంటే చంపేస్తారని చెప్పినా వినిపించుకోవట్లేదు. ఇప్పుడు ఏం చెయ్యాలో అర్థం కావట్లేదు’ అంటూ మనసులో చాలా సంగర్షణ పడుతూ ఉంటుంది జానకి.
photo courtesy star maa and hotstar

చాటుగా గమనించిన రాణీ..

సీన్ కట్ చేస్తే.. వెంకట్‌ మెట్లు దిగి రావడం చూసిన రాణీ పక్కకు తప్పుకుని చాటుగా చూస్తూ ఉంటుంది. వెంకట్‌ చుట్టూ చూస్తూ వంటగది వైపు వెళ్తాడు. ఇంతలో జానకీ అటుగా రావడం చూసి రాణీ గమనిస్తూ ఉంటుంది. వంటగది వైపు వెళ్లబోయిన జానకి.. మనసులో.. ‘అమ్మో ఎందుకొచ్చిన చెండాలం. అటు వెళ్తే ఆ రాణీ, గౌతమ్‌ బాబులు బాగోతం చూడలేక చావాలి’ అనుకుంటూ వెనుదిరుగుతుంది. వెంటనే వెంకట్‌ జానకీ చెయ్యి పట్టుకుంటాడు. రాణీ షాక్‌ అవుతుంది.
photo courtesy star maa and hotstar

రాణీ మదిలో అనుమానం..

ఉల్లిక్కిపడిన జానకీ వెంకట్‌ని చూసి.. చెయ్యి విదిలించుకుంటూ.. ‘వెంకట్‌ బాబూ.. మీరు ఇలా పట్టుకోవడం ఎవరైనా చూస్తే ప్రమాదం. నేను ఇప్పుడు ఏం చెప్పలేను’ అంటూ అక్కడ నుంచి వెళ్లిపోతుంది. దాంతో వెంకట్‌ ‘అరే జానకీ ఆగు’ అంటాడు కానీ జానకీ ఆగకుండా వెళ్లిపోతుంది. అదంతా చూసిన రాణీ.. ‘అదేంటీ వెంకట్‌ వచ్చి రెండు రోజులు కూడా కాలేదు. అప్పుడే జానకీ అంత దగ్గరైపోయిందా? లేదంటే వీళ్లకి ముందు నుంచే పరిచయం ఉందా?’ అంటూ తనలో తనే ఆలోచించుకుంటుంది.
photo courtesy star maa and hotstar

అంటే జానకీ వెంకట్‌లు ఒక్కటే..

‘గతంలో తను.. (గౌతమ్ పద్మినీ శోభనం ఏర్పాట్ల సమయంలో) గుడికి వెళ్లినప్పుడు వెంకట్‌ వాళ్లు అక్కడికి రావడం, ఇప్పుడు రాజమాత లేని సమయంలోనే కోటకు రావడం అంతా బేరేజు వేసుకుని.. అంటే కోటలోని జానకీనే ఆ వెంకట్‌కి సమాచారం అందిస్తుందన్నమాట’ అనుకుంటూ మనసులో నిర్ణయించుకుని.. ‘మంచిదానిలా నటించే ఈ జానకీ కథకు ముగింపు చెప్పాల్సిందే’ అని నిర్ణయించుకుంటుంది.
photo courtesy star maa and hotstar

జానకీని లేపెయ్..

ఓ సరకుల లిస్ట్‌ ఒకటి పట్టుకుని వెళ్లి.. ‘జానకీ ఇవన్నీ తీసుకునిరా’ అంటూ ఓ కారు డ్రైవర్‌ని పిలిచి ‘ఇదిగో ఈ జానకీని సూపర్‌ మార్కెట్‌కి తీసుకెళ్లు’ అంటూ ఆదేశిస్తుంది. జానకీ భయం భయంగా చుట్టూ తిరిగి వచ్చేలోపు.. రాణీ ఆ డ్రైవర్‌ని చప్పట్లు కొట్టి పిలిచి.. చంపెయ్‌ అంటూ సైగ చేస్తుంది. అందుకు ఆ డ్రైవర్‌ సరేనంటాడు. మొత్తానికి జానకీ భయపడుతూనే కారు ఎక్కి వెళ్తుంది.
photo courtesy star maa and hotstar

పండుగ విశిష్టత వివరించిన పద్మినీ..

తెల్లారే భోగి పండుగ. అంతా సంబరాలతో మారుమోగిపోతుంది. వెంకట్, ట్రిగ్గర్‌ బాబులు కూడా పండుగకు రెడీ అయ్యి బయటికి వస్తారు. రాణీ.. మహారాణీలా రెడీ అవుతుంది. ముగ్గులు, వంటలతో చాలా హడావుడిగా ఉంటుంది రాజకోట. భోగి మంటల విశిష్టత, హరిదాసుల సంప్రదాయం ఇలా అన్నింటి గురించి పద్మినీ అందరికి వివరిస్తూ ఉంటుంది. గౌతమ్, రాణీలతో పాటూ వీరేంద్ర, దేవీ అంతా కలిసి వింటూ ఉంటారు.
photo courtesy star maa and hotstar

కమింగ్ అప్‌లో..

పేదలకు వస్తాలు పంచిపెట్టే కార్యక్రమంలో గౌతమ్.. ‘రాణీ వచ్చి అందరికీ నీ చేతులతో పంచిపెట్టు’ అని పిలవడంతో అక్కడున్న పద్మినీ, వెంకట్ అంతా షాక్ అవుతారు. (అయితే రాణీ నిజంగా పని మనిషి కాకపోయి ఉంటుంది. శాపం పోగొట్టుకోవడానికి పద్మినీ, సుహాసినీ వంటి అరుదైన జాతకం ఉన్న అమ్మాయిల్ని ఇలా రాజకోటకు పెళ్లి పేరుతో తీసుకొస్తున్నారేమో? అనిపిస్తోంది) మరిన్ని వివరాలు తరువాయి భాగంలో చూద్దాం! ఆమె కథ కొనసాగుతోంది.