Aame Katha Telugu Serial Written Updates 21 January 2020; Maheswari Gets Emotional
‘ఆమెకథ’ జనవరి 21 ఎపిసోడ్: ఆ కుట్రలో రాజమాతకు కూడా భాగముందా? తీవ్ర ఆవేదనలో పద్మినీ
బుల్లితెర ప్రేక్షకుల్ని ఎంతగానో ఆకట్టుకుంటున్న ‘ఆమె కథ’ సీరియల్ 56 ఎపిసోడ్లను పూర్తి చేసుకుని.. నేటికి 57 ఎపిసోడ్కి ఎంటర్ అయ్యింది. తెలుగు ప్రేక్షకులని ఎంతగానో ఆకట్టుకుంటున్న ఆమె కథ ఎపిసోడ్ హైలైట్స్ ఇప్పుడు చూద్దాం. జనవరి 21 రాత్రి టీవీలో రాబోతున్న ఈ కథ ఏం జరిగిందో మీ ‘సమయం’లో మీకోసం.
Samayam Telugu22 Jan 2020, 6:33 pm
బుల్లితెర ప్రేక్షకుల్ని ఎంతగానో ఆకట్టుకుంటున్న ‘ఆమె కథ’ సీరియల్ 56 ఎపిసోడ్లను పూర్తి చేసుకుని.. నేటికి 57 ఎపిసోడ్కి ఎంటర్ అయ్యింది. తెలుగు ప్రేక్షకులని ఎంతగానో ఆకట్టుకుంటున్న ఆమె కథ ఎపిసోడ్ హైలైట్స్ ఇప్పుడు చూద్దాం. జనవరి 21 రాత్రి టీవీలో రాబోతున్న ఈ కథ ఏం జరిగిందో మీ ‘సమయం’లో మీకోసం.
గత ఎపిసోడ్లో ఏం జరిగిందంటే...
రాణీ చాటుగా వెంకట్, జానకీల మాటలు వినేస్తుంది. అనుమానం బలపడ్డంతో.. ‘మంచిదానిలా నటించే ఈ జానకీ కథకు ముగింపు చెప్పాల్సిందే’ అని నిర్ణయించుకుంటుంది. ఓ సరకుల లిస్ట్ ఒకటి పట్టుకుని వెళ్లి.. ‘జానకీ ఇవన్నీ తీసుకునిరా’ అంటూ ఓ కారు డ్రైవర్ని పిలిచి ‘ఇదిగో ఈ జానకీని సూపర్ మార్కెట్కి తీసుకెళ్లు’ అంటూ ఆదేశిస్తుంది. జానకీ భయం భయంగా చుట్టూ తిరిగి వచ్చేలోపు.. రాణీ ఆ డ్రైవర్ని చప్పట్లు కొట్టి పిలిచి.. చంపెయ్ అంటూ సైగ చేస్తుంది. అందుకు ఆ డ్రైవర్ సరేనంటాడు. మొత్తానికి జానకీ భయపడుతూనే కారు ఎక్కి వెళ్తుంది. photo courtesy star maa and hotstar
రాణీ.. వాళ్లని రమ్మను..
పండుగ కారణంగా.. రైతులు ధాన్యం ఇవ్వడానికి రాజకోటకు వస్తారు. రాణీ వాళ్లని చూసి.. ‘గౌతమ్ బాబు పనిలో ఉన్నారు, మీరు ధాన్యం అక్కడ పెట్టి వెళ్లండి’ అంటుంది. అదంతా దూరం నుంచి చూసిన గౌతమ్.. ‘రాణీ వాళ్లని రమ్మను’ అంటూ పిలుస్తాడు. గౌతమ్, వీరేంద్రలతో పాటూ వెంకట్, ట్రిగ్గర్ బాబులు అక్కడే ఉంటారు. గౌతమ్ ఆ రైతులతో చాలా ఆప్యాయంగా మాట్లాడతాడు. ‘వీళ్లంతా మన దగ్గర ఏదో ఆశించి రారు రాణీ.. వాళ్లకు ఉన్న అభిమానాన్ని చూపించుకోవడానికి వస్తారు’ అంటూ రాణీని తిడతాడు కూడా. photo courtesy star maa and hotstar
ఇప్పుడు ఎలా?
రైతులు ఇచ్చిన ధాన్యాలను తన కండువాలో పట్టుకుని వాళ్లతో మంచి చెడూ పలకరిస్తాడు. తర్వాత గౌతమ్.. ‘రాణీ అందరికీ బట్టలు తీసుకునిరా’ అనడంతో రాణీ లోపలకి వెళ్తుంది. తిరిగి వచ్చేటప్పుడు పద్మినీ కూడా అక్కడకి వస్తుంది. పద్మినీ కూడా పండుగ కావడంతో.. మంచి చీర కట్టుకుంటుంది. పద్మినీని చూసిన గౌతమ్ కాస్త ఇబ్బందిగా ఫీల్ అవుతాడు. ఇప్పుడు ఎలా? అన్నట్లుగా టెన్షన్ పడుతుంటాడు. మొత్తానికి రైతులకు బట్టలు ఇప్పించడం ఇష్టం లేనట్లుగా గౌతమ్మే రైతులకు ఇవ్వబోతుంటాడు. photo courtesy star maa and hotstar
ఇంటి కోడలు చేత..
అయితే అందులో ఓ రైతు.. ‘గౌతమ్ బాబు మీకు తెలియనిది కాదు. రాజమాత లేదు కాబట్టి ఇంటి కోడలు చేత ఇప్పించండి’ అనగానే రాణీ గౌతమ్లు షాక్ అవుతారు. పద్మినీ తననే పిలుస్తాడనే ఆశతో నవ్వుతూ ఉంటుంది. వెంకట్ కూడా సంబరంగా ‘ఇప్పుడు మనం ఇంటి కోడల్ని చూడొచ్చు’ అంటాడు పక్కనే ఉన్న ట్రిగ్గర్ బాబుతో.. గౌతమ్ కాసేపు ఆలోచించి.. ‘రాణీ వచ్చి వీళ్లందరికీ నీ చేతులతో బట్టలు ఇవ్వు’ అంటాడు గౌతమ్ కఠినంగా.. ఆ మాటకు పద్మినీ షాక్ అవుతుంది. photo courtesy star maa and hotstar
రాణీకి పట్టపురాణీ హోదా..
రాణీ వెళ్లడానికి సంకోచిస్తూ ఉంటుంది. ‘రా రాణీ.. రైతులకు బట్టలు ఇవ్వు’ అని మరోసారి గౌతమ్ పిలవడంతో వెంకట్, బాబులు కూడా షాక్ అవుతారు. రాణీ తన చేతుల మీదుగా అందరికీ బట్టలు పంచిపెడుతుంటే.. పద్మినీ కళ్లల్లోంచి నీళ్లు వస్తాయి. బాధతో అక్కడ నుంచి తన రూమ్లోకి వెళ్లిపోయి బాగా ఏడుస్తుంది. తన బాబుతో చెప్పుకుని బాధపడుతుంది. ఇంతలో రాజమాత శ్యామలా దేవి నుంచి పద్మినీకి ఫోన్ కాల్ వస్తుంది. photo courtesy star maa and hotstar
శ్యామలా దేవి ఫోన్..
‘ఎందుకు అలా ఉన్నావ్ పద్మినీ రాణీ రైతులకు బట్టలు పంచినందుకా?’ అని శ్యామాలా దేవి అడగటంతో పద్మినీ షాక్ అవుతుంది. ‘ఈ విషయం మీకు ఎలా తెలుసు అత్తయ్యా?’ అన్న పద్మినీ ప్రశ్నకు.. ‘గౌతమ్, రాణీలకు నేను చెప్పాను. నీ చేత కానుకలు, దానాలు చెయ్యించొద్దని రాజగురువు గారు చెప్పారు. అందుకే నేను ఇలా చెయ్యించాను. నీ చిన్న చిన్న ఆనందాలను దూరం చేస్తున్నందుకు నన్ను క్షమించు అమ్మా’ అంటుంది శ్యామలా దేవి. photo courtesy star maa and hotstar
పద్మినీ సంతోషం..
‘అయ్యో ఫర్వాలేదు అత్తయ్యా మీరు నా మంచి కోసమే చేస్తారుగా’ అంటూ తన బాధను మరిచిపోయి సంతోషంగా మాట్లాడుతుంది పద్మినీ. అప్పటిదాకా రాణీ గౌతమ్ల మీద అనుమానపడిన పద్మినీ తన అత్తగారి మాటలతో కరిగిపోయి సంతోషంగా ఉంటుంది. (అయితే గౌతమ్, రాణీ, శ్యామలా దేవీ వీళ్లు ముగ్గురూ కూడా పద్మినీనే ఇంటి కోడలు అనే విషయం ప్రపంచానికి తెలియకుండా జాగ్రత్తలు తీసుకుంటే పద్మినీని మాయమాటలతో కుట్ర చేస్తున్నారు అనేది అర్థం అవుతుంది). photo courtesy star maa and hotstar
జానకీ గురించి అబద్దం..
పద్మినీ చీర మార్చుకుని కూర్చుంటే.. మరో పని మనిషి వచ్చి ‘ఏమైనా నావాలా అమ్మా’ అని అడుగుతుంది. ‘జానకీ ఏమైంది కనిపించడంలేదు?’ అని పద్మినీ అడగడంతో.. ‘జానకీ ఏదో పని ఉందని తన పుట్టింటికి వెళ్లింది’ అని చెబుతుంది ఆ పని మనిషి. (దాని బట్టి చూస్తే.. రాజకోటలో పని మనుషులు కూడా గౌతమ్, రాణీ, రాజమాతలు చెప్పినట్లే చేస్తుంటారని అర్థం అవుతుంది.) photo courtesy star maa and hotstar
గౌతమ్, రాణీల మోసం..
పద్మినీకి అన్నం తినిపించడానికి వచ్చిన గౌతమ్.. ‘నేను ఓ గంట బయటికి వెళ్లి వస్తాను. చిన్న పని ఉంది’ అని చెప్పడంతో సరేనంటుంది పద్మినీ. అయితే కాసేపటికి రాణీ కూడా వచ్చి.. ‘నేను సరకులు తేవడానికి బయటికి వెళ్లి వస్తాను’ అని చెప్పడంతో పద్మినీకి అనుమానం మొదలవుతుంది. గౌతమ్, రాణీలు కలిసి వెళ్తున్నారని. అదే అనుమానంతో వాళ్లని గమనిస్తూ ఉంటుంది. photo courtesy star maa and hotstar
పద వెళ్లి తీసుకొద్దాం!
రాణీ, గౌతమ్లు బయటికి వెళ్లేందుకు.. ఒకరినొకరు చూసుకోవడం చూసి వాళ్లనే అనుమానంగా చూస్తుంది పద్మినీ. కానీ గౌతమ్ కవర్ చేస్తూ.. ‘మీరంతా ఇంట్లో సరుకులు అయ్యేదాకా ఏం చేస్తున్నారు? అసలు ఎందుకు ఇప్పటిదాకా సరకులు తీసుకుని రాలేదు’ అంటూ లేని కోపాన్ని నటిస్తూ.. రాణీ మీద అరుస్తూ.. ‘పద వెళ్లి తీసుకొద్దాం’ అంటూ రాణీని తీసుకుని పద్మినీ ముందే బయటికి వెళ్తాడు. పద్మినీ బాధగా చూస్తూ ఉంటుంది. రాణీ వెళ్తూ వెళ్తూ వెనక్కి తిరిగి చూసి నవ్వుకుంటుంది. photo courtesy star maa and hotstar
కమింగ్ అప్లో..
రాణీ, గౌతమ్లు ఓ రెస్టారెంట్లో భోజనం చేస్తూ ఉంటారు. ‘మీ పట్టపురాణీ పద్మినీ మన గురించే ఆలోచిస్తూ ఉంటుంది. మన మీద అనుమానం బలపడిపోతూ ఉంటుంది’ అంటుంది రాణీ నవ్వుతూ.. దాంతో గౌతమ్ చిన్నగా నవ్వుతూ.. ‘ఏముంది నన్నే అనుమానిస్తావా? నా మీద నమ్మకం లేదా?’ అంటూ రెండు డైలాగ్స్ కొట్టి ఓ ముద్దు పెడితే చాలు. దెబ్బకు అన్నీ మరిచిపోయి నా మాటే నమ్ముతుంది’ అంటాడు గౌతమ్. ‘అంటే మీరు రోజు పద్మినీకి ముద్దులు పెడుతున్నారని మాటా’ అంటుంది రాణీ కోపంగా. గౌతమ్ షాక్ అవుతాడు. మరిన్ని వివరాలు తరువాయి భాగంలో చూద్దాం. ఆమె కథ కొనసాగుతోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.