బుల్లి తెరను ఎంతగానో ఆకట్టుకుంటున్న ‘ఆమెకథ’ రోజు రోజుకీ ఆసక్తిగా మారుతోంది. కొత్త కొత్త ట్విస్ట్లతో 104వ ఎపిసోడ్కి చేరుకుంది.. గత ఎపిసోడ్లో ఏం జరిగిందో రఫ్గా చూసి.. స్టోరీలోకి వెళ్దాం. మహేశ్వరిని గుడిలో వదిలేసిన(10 నిమిషాల్లో వస్తాను ఇక్కడే ఉండు పద్దూ..) గౌతమ్కి వెళ్లిపోవడంతో.. రౌడీలు ఎటాక్ చెయ్యడం, వెంకట్ వాళ్లని తన్ని తరిమేయడం, తర్వాత మహేశ్వరికి తన స్నేహితురాలు ఉషా కనిపించడంతో.. ఆమెతోనే తన ఇంటికి వెళ్లడం జరుగుతుంది. అయితే.. రాత్రి నుంచి అడగగా అడగగా.. మరునాడు ఉదయాన్నే జరిగిందంతా తన స్నేహితురాలు ఉషాకి చెబుతుంది మహేశ్వరి. దాంతో.. ‘పిచ్చిదావా మహీ? నిన్నువాళ్లు మోసం చేస్తున్నారు.. కావాలనే నువ్వు ఎవరివో చెప్పొద్దని ప్రపంచానికి తెలియకుండా జాగ్రత్త పడ్డారు.. ఇప్పటికైనా ఆలోచించుకో..’ అంటుంది. దాంతో మహేశ్వరి ఆలోచించడం మొదలుపెడుతుంది. ఏడుస్తూ.. ‘నువ్వు అన్నది నిజమే అయ్యి ఉంటుంది ఉషా.. ఇప్పుడే కోటకు వెళ్లి.. అందరినీ నిలదీస్తాను’ అంటుంది మహేశ్వరి. ఒక్కదానివి వెళ్లడం మంచిది కాదు.. అని మహేశ్వరిని ఉషా ఆపే ప్రయత్నం చేస్తుంది కానీ.. మహేశ్వరి ఆగదు. దాంతో ఉషా ఒక ఫోన్ ఇచ్చి.. జాగ్రత్తలు చెప్పి పంపిస్తుంది. photo courtesy star maa and hotstar
Samayam Telugu31 May 2020, 4:47 pm
బుల్లి తెరను ఎంతగానో ఆకట్టుకుంటున్న ‘ఆమెకథ’ రోజు రోజుకీ ఆసక్తిగా మారుతోంది. కొత్త కొత్త ట్విస్ట్లతో 104వ ఎపిసోడ్కి చేరుకుంది.. గత ఎపిసోడ్లో ఏం జరిగిందో రఫ్గా చూసి.. స్టోరీలోకి వెళ్దాం. మహేశ్వరిని గుడిలో వదిలేసిన(10 నిమిషాల్లో వస్తాను ఇక్కడే ఉండు పద్దూ..) గౌతమ్కి వెళ్లిపోవడంతో.. రౌడీలు ఎటాక్ చెయ్యడం, వెంకట్ వాళ్లని తన్ని తరిమేయడం, తర్వాత మహేశ్వరికి తన స్నేహితురాలు ఉషా కనిపించడంతో.. ఆమెతోనే తన ఇంటికి వెళ్లడం జరుగుతుంది. అయితే.. రాత్రి నుంచి అడగగా అడగగా.. మరునాడు ఉదయాన్నే జరిగిందంతా తన స్నేహితురాలు ఉషాకి చెబుతుంది మహేశ్వరి. దాంతో.. ‘పిచ్చిదావా మహీ? నిన్నువాళ్లు మోసం చేస్తున్నారు.. కావాలనే నువ్వు ఎవరివో చెప్పొద్దని ప్రపంచానికి తెలియకుండా జాగ్రత్త పడ్డారు.. ఇప్పటికైనా ఆలోచించుకో..’ అంటుంది. దాంతో మహేశ్వరి ఆలోచించడం మొదలుపెడుతుంది. ఏడుస్తూ.. ‘నువ్వు అన్నది నిజమే అయ్యి ఉంటుంది ఉషా.. ఇప్పుడే కోటకు వెళ్లి.. అందరినీ నిలదీస్తాను’ అంటుంది మహేశ్వరి. ఒక్కదానివి వెళ్లడం మంచిది కాదు.. అని మహేశ్వరిని ఉషా ఆపే ప్రయత్నం చేస్తుంది కానీ.. మహేశ్వరి ఆగదు. దాంతో ఉషా ఒక ఫోన్ ఇచ్చి.. జాగ్రత్తలు చెప్పి పంపిస్తుంది.
photo courtesy star maa and hotstar
మహేశ్వరిని చూసిన వెంకట్, బాబులు..
శాంతి పూజల పేరుతో.. శాంతి పూజ జరిగే వరకూ నువ్వు ఇంట్లో ఉండటానికి వీళ్లేదని అబద్దం చెప్పి.. మహేశ్వరి బయటికి పంపించి.. ఆస్తి బాబు పేరు మీద వచ్చే ఏర్పాట్లు జరుగుతుంటాయి రాజకోటలో.. లాయర్ల సమక్షంలో... బాబుని, పద్మినీ దేవిని చూసి.. ఆస్తిని బాబు, పద్మినీ దేవి(రాణీ)ల పేరు మీద ఆస్తి రాస్తూ.. ఒక లాయర్.. ‘గౌతమ్ బాబు.. మీరు పద్మినీగారు ఒక ఫోటో.. రాజమాత గారితో మరోఫోటో కావాలి..’ అంటూ ఉంటాడు. ఇంతలో మహేశ్వరి రాజకోటకు వస్తూ ఉంటుంది. చాటుగా ఉన్న వెంకట్, ట్రిగ్గర్ బాబులు చాటుగా ఉండి.. చూస్తూ.. ‘ఈ అమ్మాయి మళ్లీ కోటకి వస్తుందేంటో.. మనకి కోట విషయాలు చెప్పడానికి ఏమైనా హెల్ప్ చేస్తుందేమో అడుగుదామా?’ అనుకుంటారు. అయితే అప్పటికే మహేశ్వరి లోపలికి వెళ్లిపోవడంతో.. చాటుగానే కోటకు పక్కనే తుప్పల్లో ఎదురు చూస్తూ ఉంటారు.
photo courtesy star maa and hotstar
రాజమాత అంతరంగం..
లాయర్.. ఆస్తి డాక్యుమెంట్స్పైన స్టాంప్లు వేస్తుంటే.. రాజమాత చాలా హ్యాపీగా ఫీల్ అవుతుంది. ‘ఇది నా పాతికేళ్ల కల.. పాతికేళ్ల క్రితం కొడుకునైతే కన్నాను కానీ.. కోటను, కోట మీద అధికారాన్ని.. ఆస్తుల్ని పొందలేకపోయాను.. ఈ రోజు నా కొడుకు కోడలు సాధించారు. ఒక వైపు నేను చేసిన ఎన్నో పుణ్యాలు, మరో చేతికి కూడా తెలియకుండా నేను చేసిన ఎన్నో పాపాలు.. మనసు చంపుకుని బతికిన రోజు అన్నీ కళ్లకు కనిపిస్తున్నాయి.. ఇక నా చేతికి అంటిన మరకలన్నీ నాకు వచ్చిన కోట్ల ముందు ఎవరికీ కనిపిచవు..’ అంటూ మనసారా మనసులోనే నవ్వుకుంటుంది. మహేశ్వరి అప్పుడే లోపలికి ఎంట్రీ ఇస్తుంది. photo courtesy star maa and hotstar
ఆస్తి పత్రాలు ఇస్తుంటే మహేశ్వరి ఎంట్రీ..
అన్ని పేపర్స్ మీద ఆమెద ముద్ర గుద్దడంతో.. ఆ పేపర్స్ అందుకున్న మరో లాయర్ నవ్వుతూ.. ‘శ్యామలాదేవి ఏకైక కుమారుడు గౌతమ్ బాబు.. అతడి భార్య పద్మినీ దేవులకు వారుసుడు పుట్టిన కారణంగా.. యావదాస్తీ.. రాజా ఆదిత్య వర్మ(బాబు) పేరు మీదకు, రాణీ పద్మినీ దేవి గారి పేరు మీదకు మారిపోయింది’ అని చెబుతుంటే.. మహేశ్వరి అంతా వింటుంది. ఒక్కసారి షాక్ అవుతుంది. ‘గౌతమ్ గారు.. పద్మినీ గారు.. ఈ డాక్యుమెంట్స్ తీసుకోండి’ అని లాయర్ అందిస్తుంటే.. రాణీ, గౌతమ్లు నవ్వుకుంటూ అందుకుంటూ ఉంటారు. షాక్లో ఉన్న మహేశ్వరి.. ‘ఆపండి’ అని అరుస్తుంది. photo courtesy star maa and hotstar
బాధగా తల వంచిన గౌతమ్
‘అబ్బ సూపర్ ఎంట్రీ ఇచ్చింది మహేశ్వరి’ అంటూ వీరేంద్ర, విమలా దేవి అనుకుంటారు. ‘శాంతి పూజ అన్నారు నేను ఉండకూడదు అన్నారు.. తాళి కట్టిన భర్త చేతే బయటికి పంపించారు.. బిడ్డ పేరు చెప్పి నన్ను మోసం చేశారు.. నా స్థానంలో ఒక పని మనిషిని పెట్టి దాన్ని పద్మినీదేవి అంటున్నారు. నా బిడ్డని దాని ఒడిలో పెట్టి.. నా బాబుని గౌతమ్కి, ఆ పనిదానికి పుట్టిన బిడ్డగా ప్రకటిస్తున్నారు.. నా మీద అమ్మలా ప్రేమని కురిపించిన మీరు(రాజమాత).. ఈ పనిదానికి అత్తలా ఎలా మారారు అత్తయ్యా? ప్రేమించానని చెబితే గుడ్డిగా నమ్మాను.. నాకు ఎవరు లేరు అంటే అందరి మీద చూపించాల్సిన ప్రేమ నా ఒక్క దాని మీద చూపిస్తాడేమోని పొంగిపోయి తాళి కట్టమని తల వంచాను..’ అంటూ మహేశ్వరి ఏడుస్తూనే నిలదీస్తుంది. రాజమాత పట్టనట్లుగా చూస్తుంటే.. గౌతమ్ బాధగా తల దించుకుంటాడు. photo courtesy star maa and hotstar
నా అనుమానేమే నిజమైంది...
మహేశ్వరి మాట్లాడుతూనే ఉంటుంది. ‘తాళి కట్టించుకోవడానికి దించిన తల.. ఎత్తి చూసే లోపు కోట ముందు ఉంచి.. నా పేరు పద్మినీ అని మార్చి ఆ పేరు.. మీకు ఇష్టమంటే.. నాకు అమ్మా వాళ్ల ప్రేమగా పెట్టిన పేరుని కాదనుకుని.. పద్మినీగా మార్చుకున్నాను.. మీరే సర్వస్వం అని బతుకుతున్నాను. మీరు చూపించిన ప్రేమని చూసి చనిపోయిన మా నాన్న ప్రేమని కూడా మరిచిపోయాను. ఆయనకి గండం ఉందంటే అల్లాడిపోయాను. నేను పద్మినీ దేవి అని ప్రపంచానికి తెలియకూడదు అంటే.. జాగ్రత్త చెబుతున్నారేమో అనుకున్నాను.. సొంత చెల్లిని, పిన్నిని కలవకూడదు మాట్లాడకూడదు అన్నారు. అయినా అన్నింటికి మీ కోసం ఒప్పుకున్నాను.. ఈ మాయలాడి మీద ఇక్కడికి వచ్చినప్పుడే అనుమానం వచ్చింది. కానీ నా అనుమానేమే నిజమైంది. ఇలా ఒకరి మొగుడ్ని కొంగుకు కట్టుకునే దాన్ని ఏం అంటారో తెలుసా?’ అంటుంది మహేశ్వరి ఆవేశంగా.. photo courtesy star maa and hotstar
మహేశ్వరికి ఊహించని షాక్..
అప్పటి దాకా రగిలిపోతున్న రాణీ.. మహేశ్వరి దగ్గరకు ఆవేశంగా వెళ్లి.. ‘నోరుముయ్యి.. ఇంకొక్క మాట మాట్లాడితే నిలుచున్న చోటే సమాధి కట్టేస్తాను.. ఎవరు పని మనిషి? ఏ ఇంటికి నువ్వు కోడలు? ఎవరు నీ అత్తగారు? అసలు నువ్వు ఎవరు? ఎవరు పంపించారు నిన్ను? సూర్యవంశానికి ఏకైక వారసుడు గౌతమ్ బాబు. తాళి కట్టిన భార్యను నేను.. రాణీ పద్మినీదేవిని నేను. అలాంటి నన్ను పని మనిషి అంటావా? చంపేస్తాను.. నీ నోటి నుంచి నేను పని మనిషి.. గౌతమ్ నా భర్త అన్నప్పుడే నీ చెంప పగిలి ఉండేది.. కానీ నా బిడ్డ పుట్టిన వేళా విశేషం చాలా సంతోషంగా ఉన్నాను.. ఇలాంటి సమయంలో...’ అంటూ నోటికి వచ్చినట్లుగా అదిరిస్తుంది రాణీ.. అంతా లాయర్లు చూస్తూ ఉంటారు. మహేశ్వరి బిత్తరపోయి చూస్తుంది. photo courtesy star maa and hotstar
నవమాసాలు మోసావా?
రాణీ మాటలకు బిత్తరపోయిన మహేశ్వరి.. బాధతో కూడిన కోపంతో.. ‘నీ కన్న బిడ్డా? ఆ మాట అంటే నిన్ను నేనే చంపేస్తాను.. కన్నయ్య నా బిడ్డ. నవమాసాలు మోసి, పురిటి నొప్పులు పడింది నేను..’ అంటుంది ఆవేశంగా.. ‘నవమాసాలు మోసావా? కన్నయ్య నీ బిడ్డా? ఎవరితో కన్నావ్?’ అంటుంది రాణీ అంతే ఆవేశంగా.. ‘నా భర్త గౌతమ్తో..’ అంటుంది మహేశ్వరి.. ‘అవునా? నీ భర్త అయితే నా పక్కనెందుకు ఉన్నాడు? నేను ఈ ఇంటి కోడల్ని కాకపోతే మహల్లో నేను ఎందుకు ఉన్నాను? వీధిలోంచి నువ్వు ఎందుకు వస్తున్నావ్? ఈ మధ్య నీలాంటి వాళ్లు బాగా ఎక్కువైపోయారు.. డబ్బు పరువు ఉన్న పెద్ద పెద్ద ఇళ్లు చూసుకోవడం.. కోర్టుల్లో నా భర్త అని వాధించడం, పరువు పోతుందనే భయంతో వాళ్లు ఇచ్చే డబ్బుతో పబ్బం గడుపుకుంటున్నారు’ అంటూ అవమానిస్తుంది. photo courtesy star maa and hotstar
నిన్నే బయటికి పంపిస్తాను..
దాంతో మహేశ్వరి చెయ్యి లేపి.. ‘ఏం కూసావే? నిన్నూ..’ అంటూ లాగిపెట్టి కొట్టబోతుంది. అయితే రాణీ చెయ్యి అడ్డు పెట్టి ఆపేస్తుంది. ఊ.. అంటూ ఘదమాయిస్తుంది. ‘నా గురించి నీకు తెలియక నాతో పెట్టుకుంటున్నావ్.. మర్యాధగా ఇక్కడ నుంచి వెళ్లిపో’ అంటుంది రాణీ కోపంగా.. ‘నేనెందుకు వెళ్తాను? ఇది నా అత్తారిల్లు.. నిన్నే బయటికి పంపిస్తాను..’ అంటుంది మహేశ్వరి కళ్లతోనే అదిరిస్తూ.. ‘సరే ఇక్కడున్న ఎవరితోనైనా సరే నువ్వే ఈ ఇంటి కోడల్ని అని చెప్పించు... ఎవరితోనో ఎందుకు? తాళికట్టాడంటున్నావ్గా నీ భర్తనే అడుగు..’ అంటూ గర్వంగా, హేళనగా చూస్తూ వెనక్కి అడుగులు వేస్తూ.. గౌతమ్ దగ్గరకు వెళ్లి నిలబడుతుంది. మహేశ్వరి నిస్సహాయంగా చూస్తుంది. photo courtesy star maa and hotstar
గౌతమ్ ‘ఎవరమ్మా నువ్వు?’ అనడంతో..
రాణీ మళ్లీ గౌతమ్ వైపు చూస్తూ.. ‘ఏమండీ.. ఈవిడ మీ ఆవిడంట.. విన్నారా? ఎవరికీ తెలియకుండా మీరు ఎప్పుడు పెళ్లి చేసుకున్నారు?’ అంటుంది వెటకారంగా.. దాంతో మహేశ్వరి బాధగా నిలబడిపోయి.. ఏం చెయ్యాలో తెలియక.. కంగారుగా గౌతమ్ దగ్గరకు వెళ్లి.. ‘చెప్పండి.. మన ప్రేమని గుర్తు చేసుకుని చెప్పండి.. మన ప్రేమకి గుర్తుగా ఉన్న మన బాబుని చూసి చెప్పండి నేనే మీ భార్యని అని.’ అంటుంది కళ్లనిండా నీళ్లతో.. ‘ఎవరమ్మా నువ్వు?’ అంటాడు గౌతమ్ ముఖం తిప్పేసుకుంటూ.. ఆ మాటతో మహేశ్వరి మైండ్ బ్లాక్ అవుతుంది. ‘గౌతమ్ బాబు ఇలా మాట మార్చాడేంటీ?’ అనుకుంటారు విమలా దేవి, వీరేంద్రలు. ‘ఏంటండీ అలా అంటున్నారు? నేనండీ మీ మహిని..’ అంటుంది మహేశ్వరి బాధగా.. ‘మీరేదో బ్రమపడుతున్నారు.. నేను మిమ్మల్ని ఎప్పుడూ చూడలేదు...’ అంటాడు గౌతమ్ ఇబ్బంది పడుతూ.. ‘ఏమైందండీ మీకు ఎందుకు ఇలా మాట్లాడుతున్నారు?’ అంటూ బాధగా చూస్తుంది మహేశ్వరి. photo courtesy star maa and hotstar
కమింగ్ అప్లో... మహేశ్వరి మెడ పట్టుకుని రాణీ కర్కసంగా లాక్కుని వచ్చి కోట ముందు గుమ్మం దగ్గర తోసేస్తుంది. మహేశ్వరి ఏడుస్తున్నా ఎవ్వరూ ఆపే ప్రయత్నం చెయ్యరు. రాజమాత ఏం పట్టనట్లుగా చూస్తుంటే.. గౌతమ్ ఏం చెయ్యలేని పరిస్థితుల్లో ఉండిపోతాడు. మహేశ్వరి కింద పడి ఏడుస్తుంటే.. ‘సెక్యూరిటీ దీన్ని తీసుకెళ్లి బయట పాడెయ్యండి..’ అంటూ రాణీ ఆర్డర్ వేస్తుంది. దాంతో ఇద్దరూ సెక్యూరిటీ మహేశ్వరి చెరోవైపు పట్టుకుంటారు. మరిన్ని వివరాలు తరువాయి భాగంలో చూద్దాం! ఆమెకథ కొనసాగుతోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.