యువ డాన్స్ మాస్టర్ టీనా సాధు ఆకస్మిక మృతి

యువ డాన్స్ మాస్టర్ టీనా సాధు ఆకస్మిక మృతి చెందారు. గోవా పర్యటనలో ఉన్న ఆమె గుండెపోటుతో మరణించినట్లు తెలుస్తోంది. చిన్న వయసులోనే టీనా మృతి చెందడంపై ఇండస్ట్రీ వర్గాలు దిగ్భ్రాంతి వ్యక్తం చేస్తున్నాయి. ఆమె మృతికి సంతాపం ప్రకటిస్తూ పలువురు టీవీ నటులు పోస్టులు పెడుతున్నారు. టీనా సాధు ఆకస్మిక మృతిపై కొంత మంది అనుమానం వ్యక్తం చేస్తున్నట్లు తెలుస్తోంది.

ఆట డాన్స్ రియాలిటీ షో ఫస్ట్ సీజన్‌లో టీనా సాధు విజేతగా నిలిచారు. ఓంకార్ నిర్వహించిన ఆ షోతో టీనా చాలా పాపులర్‌ అయ్యారు. ఆ తర్వాత సీజన్‌ 4కి జడ్జిగా కూడా వ్యవహించారు. కొంతకాలంగా ఆమె ఇండస్ట్రీకి దూరంగా ఉంటున్నట్లు తెలుస్తోంది.

టీనా సాధు మృతి చెందినట్లు ఆట సందీప్‌ తన ఇన్‌‌స్టాగ్రామ్‌ ఖాతాలో పోస్టు పెట్టారు. ‘టీనా సాధు మరణవార్త విని ఎంతో షాకయ్యాను. ఆమె మరణం నన్ను ఎంతో బాధించింది. టీనా సాధు ఎంతో మంచి వ్యక్తి. ఆట సీజన్‌ 1లో నా పార్టనర్‌ కూడా. ఆమె మరణం పట్ల ప్రగాఢ సంతాపం తెలియజేస్తున్నా. టీనా కుటుంబ సభ్యులకు నా ప్రగాఢ సానుభూతి’ అని సందీప్ పోస్ట్‌ చేశాడు.

Also Read: నా కో-పార్ట్నర్.. టీనా మరణంపై ఆట సందీప్ పోస్ట్