Ennenno Janmala Bandham మే 12: చిత్రపై అభి దారణం! ‘ఎలాగో పెళ్లి జరగబోయేది మనకే.. కొంచెం ఓపిక పట్టు’

Ennenno Janmala Bandham May 12 episode: వేదా, యష్‌ల మధ్య ప్రేమ చిగురించి చాలా కాలమే అయినా.. ఒకరికి ఒకరు చెప్పుకోవడానికి ఇంత సమయం పట్టింది. ఇక మొత్తానికీ ఒకరంటే ఒకరి ప్రాణం అన్న విషయం తెలిసినప్పటి నుంచి.. శారీరకంగా దగ్గర పడాలని తొందరపడుతున్నారు. ఇక గత ఎపిసోడ్‌లో యష్ అలాంటి విఫల ప్రయత్నమే చేశాడు. కానీ వీలు పడలేదు. మరోవైపు చిత్ర, వసంత్‌ల పెళ్లితో పాటు.. అభి, మాళవికల పెళ్లి కూడా అదే ముహూర్తానికి.. ఒకే చోట ఫిక్స్ చేయడంతో.. కథనం ఆసక్తిగా మారిపోయింది.

నిజానికి తన మీద అభికి కన్ను ఉందని.. చిత్రకు క్లారిటీ ఉంది కానీ.. దాన్ని పెద్దగా పట్టించుకోలేదు. ఇక పోతే.. అభి ప్లాన్ ఏంటో.. కైలాష్‌కి చెబుతున్నప్పుడే స్పష్టమైపోయింది. చిత్రని ఏదో చేయబోతున్నాడని. అనుకున్నదే జరిగింది. చిత్ర ఒంటరిగా ఉండటం గమనించి.. ఆ గదిలోకి వెళ్లి తలుపు పెట్టేస్తాడు అభి. పాపం చిత్ర చేతులకు కోను పెట్టుకుని.. మురిసిపోతూ ఎదురుగా ఈ రాక్షసుడ్ని చూసి భయపడుతుంది. పరుగుతీయాలని చూస్తుంది. కానీ పట్టేసుకుంటాడు.

‘ఆగు బంగారం.. పెళ్లి ఎలాగో జరుగుతుంది కదా.. చిత్రా.. కానీ పెళ్లికి ముందే శోభనం చాలా బాగుంటుంది..’ అంటాడు అభి. ‘వదులు వదులు’అంటూ చిత్ర గింజుకుంటూనే ఉంటుంది. ‘అందుకే ఇలా ప్లాన్ చేశాను..’ అంటాడు అభి. ‘బావా బావా’ అంటూ అరుస్తూ ఉంటుంది చిత్ర. ‘కాస్త ఓపికపట్టమంటే అరుస్తావేంటీ? ఏదో పరాయి వాడ్ని అయినట్లు అలా టెన్షన్ పడుతావేంటీ? ఇంకా నాలుగు రోజులే ఉంది. ఎలాగో జరిగేది మన పెళ్లే.. ఇప్పుడే ఓ మాట అనేసుకుంటే పెళ్లి ప్రశాంతంగా ఇష్టంగా చేసుకోవచ్చు.. ఓవర్ యాక్షన్ చేయకు’ అంటాడు అభి.

ఇక ఎపిసోడ్ చివరిలో ఆ గదిలోంచి చిత్ర పరుగున బయటికి వస్తుంటే.. వెనుకే అభి బయటికి వస్తాడు. అయితే ఆ గుమ్మానికి ఎదురుగానే యష్, వేదాలు ఆగి.. వాళ్లిద్దరినీ చూస్తారు. మరి చిత్రని అభి ఏదైనా చేశాడా? లేక ముందే తప్పించుకుని బయటికి వచ్చిందా? అనేది రేపటి ఎపిసోడ్‌లో చూడాల్సిందే. మొత్తానికి అభి నిజస్వరూపం మాళవికకు తెలిసే వరకూ అభి ఆగడాలు అలా కొనసాగుతూనే ఉంటాయి. మరి చిత్రను ఎవరు పెళ్లి చేసుకోబుతున్నారు అనేది ఉత్కంఠగా మారిపోయింది. అభి ఆశపడినట్లే.. చిత్ర.. ‘నా జీవితాన్ని నాశనం చేయొద్దు.. నా మెడలో తాళి కట్టు అంటుందా లేదా?’ అని చూడాల్సిందే. ఇక నేటి కథనంలో వేదా, యష్‌ల రొమాన్స్, ఖుషీ అల్లరి కూడా ఆకట్టుకున్నాయి. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)