Ennenno Janmala Bandham మే 10: అభి కాళ్ల మీద చిత్ర! ‘నా జీవితాన్ని నిలబెట్టు.. మెడలో తాళి కట్టు’ అనే పరిస్థితి!

Ennenno Janmala Bandham May 10 episode: వేదా, యష్‌ల మనసు కలిసింది. ఒకరంటే ఒకరి చచ్చేంత ఇష్టమని.. ప్రేమ అని స్పష్టమైంది. అయినా వాళ్లని విడగొట్టడానికి మాళవిక ఇంకా ప్రయత్నిస్తూనే ఉంది. ఇంతలో చిత్ర, వసంత్‌ల పెళ్లి ఏర్పాట్లు.. ఆసక్తిగా మారాయి. ఎందుకంటే అదే ముహూర్తానికి మా పెళ్లి కూడా జరుగుతుంది అని.. వేదా ఇంట్లో మాళవిక చెప్పడం.. అది కుదరదు అని వేదా వాళ్ల ఇంట్లో అంతా మాళవికకు ఎదురు తిరగడంతో మాళవిక వేదాని రిక్వస్ట్ చేస్తుంది. ‘నా తమ్ముడితో పాటు.. మా పెళ్లి జరగాలని ఆశగా ఉంది.. ప్లీజ్ వేదా ఒప్పించు’ అనడంతో.. వేదా కాస్త తగ్గి.. మిగిలిన వాళ్లందరినీ ఒప్పిస్తుంది. వెంటనే మాళవిక.. అభి దగ్గరకు వెళ్లి.. ‘అభి మన పెళ్లి అదే రోజు జరపడానికి వాళ్లు అంతా ఒప్పుకున్నారు.. 21 తారీఖు పెళ్లి.. అంటే సరిగ్గా ఆరు రోజులు ఉన్నాయి.. చాలా సంతోషంగా ఉంది అభి ఇదంతా నీ వల్లే’ అంటూ మాళవిక పొంగిపోతుంది.

‘మరి ఇంకెందుకు ఆలస్యం బంగారం.. వెళ్లి షాపింగ్ చేసుకునిరా’ అంటూ మాళవికని తన క్రెడిట్ కార్డ్ ఇచ్చి పంపిస్తాడు. మాళవిక వెళ్లిపోతుంది సంబరంగా. చిత్రా ఐ యామ్ వెయింట్.. ముహూర్తానికి ఒక గంట ముందే నేను చిత్ర మెడలో తాళి కడతాను’ అనుకుంటాడు మనసులో అభి. ఇక వేదాకి ఎలాగైనా దగ్గర అవ్వాలని యష్ ప్రయత్నిస్తూ ఉంటాడు. వాళ్ల మధ్య రొమాంటిక్ సీన్స్ నడుస్తూనే ఉంటాయి.

మరోవైపు కాసేపటికి అభి దగ్గరకు వచ్చిన కైలాష్.. ‘కంగ్రాట్స్ బ్రో.. మాళవికతో పెళ్లి అట కదా?’ అంటాడు. ‘నాకు మాళవికతో పెళ్లేంటీ.. అదే మండపంలో అదే ముహూర్తానికి నేను చిత్రని పెళ్లి చేసుకోబోతున్నాను..’ అంటాడు అభి. షాక్ అవుతాడు కైలాష్(కాంచన భర్త, యష్ బావమరిది) ‘అదెలా జరుగుతుంది బ్రో..చిత్ర ఒప్పుకోవాలి కదా?’ అంటాడు ఆ షాక్‌లోనే. ‘ఒప్పిండమే కదా నా ప్లాన్.. రెండే రెండు రోజుల్లో ఏ చిత్ర అయితే నన్ను అహించుకుని నాకు దూరంగా ఉంటుందో... తనంతట తానే నా కాళ్లు పట్టుకుని నా జీవితాన్ని నిలబెట్టు.. నా మెడలో తాళి కట్టు అని అడుక్కునే స్థాయి తీసుకొస్తాను.. చిత్ర మెడలో నేను తాళి కడతాను..’ అంటాడు అభి తన కండల్ని చూసుకుంటూ. బహుశా చిత్రని కి్డ్నాప్ చేసి.. ఆమెపై లైంగిక దాడి చేసి లొంగదీసుకుంటాడేమో అనిపిస్తుంది ఆ సీన్ చూస్తుంటే.

ఇక మాళవిక అప్పుడే షాపింగ్ చేసి కారులో ఇంటి ముందుకు వచ్చి ఆగుతుంది. బ్యాగ్స్ తీసుకుని పైకి వస్తూ ఉంటుంది. ‘ఏం ప్లానో ఏంటో చిత్రని ఎలా ఒప్పిస్తావో నాకేం అర్థం కావట్లేదు. అది సరే మాళవిక సంగతేంటీ?’ అంటాడు కైలాష్ కంగారుగా. ‘హేయ్...అది అయిపోయిన గేమ్.. దాన్ని ఇంతకాలం భరించడమే ఎక్కువ.. ఇప్పుడు అది ఏం అయితే నాకేంటీ.? ఇప్పుడు నా ఆలోచన అంతా చిత్ర మీదే.. చిత్రా.. చిత్రా చిత్రా.. చిత్రా ఐ యామ్ కమింగ్ ఫర్‌ యూ.. మన పెళ్లి ఎప్పుడు జరుగుతుందా అని వెయిటింగ్ డార్లింగ్..’ అంటూ ఉంటాడు అభి.

గుమ్మం దాకా వచ్చేసిన మాళవిక చివరి మాటలు విని.. అభీ.. అని పిలుస్తుంది. కైలాష్, అభిలు షాక్ అవుతారు. మాళవిక అభి దగ్గరకు వచ్చి.. ‘మన పెళ్లి కోసం ఇంతగా ఎదురు చూస్తున్నావా? థాంక్యూ డార్లింగ్’ అని హగ్ చేసుకుంటుంది. అభి వెంటనే ఊపిరి పీల్చుకుంటాడు. మొత్తానికీ చిత్ర జీవితం ఏం కాబోతుందోనన్న ఉత్కంఠ మొదలైపోయింది. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)

Also Read: 'రాధకు నీవేరా ప్రాణం' మే 10 ఎపిసోడ్: ఈ పిల్ల అమ్మోరు కత్తిరా బాబు.. పంతం పట్టి మరీ కార్తిక్‌ను ఒప్పించింది.. మేటర్ తెలిసి కాంచనవల్లి షాక్!