Ennenno Janmala Bandham మే 11: శృంగార వీరుడిలా యష్.. చిత్రకు అభి బెదిరింపులు

Ennenno Janmala Bandham May 11 episode: ఓ వైపు వేదా బావగారు దగ్గరకు వెళ్లిన యష్.. వివరం చెప్పకుండా.. ‘నా ఫ్రెండ్ తన భార్యకి మధ్య సమస్య ఇది మీరు పరిష్కారం ఏమైనా చెబుతారా?’ అంటాడు. ‘ఓ తప్పకుండా’ అంటాడు వేదా వాళ్ల బావగారు. నిజానికి అది యష్, వేదాల సమస్యే అని అతడికి అర్థమైపోతుంది చివరికి. ‘నా ఫ్రెండ్.. వాడి భార్య.. ఇద్దరికి ఒకరంటే ఒకరికి చాలా అభిమానం. అయినా పూర్తిగా కలిసిపోలేకపోతున్నారు. వాళ్లు ఇంకా ఒక్కటి కాలేకపోతున్నారు. అలా ఒక్కటి కావాలంటే ఏం చెయ్యాలి బ్రదర్?’ అంటూ ప్రశ్నవేస్తాడు యష్.

ఇలాంటి విషయాల్లో ఆడవాళ్లు కాస్త ఇబ్బంది పడతారు కాబట్టి.. మీరే.. ఐ మీన్ మీ ఫ్రెండ్ ఓ పని చెయ్యాలి.. అంటూ చెవిలో కండోమ్ గురించి చెప్పి.. ‘వాటిని ఆమె చూసేలా ఆమెకు కనిపించేలా.. ఆమెకు భర్త ఉద్దేశం తెలిసే పెట్టాలి.. ఆతర్వాత ఓ టచ్ ఇస్తే.. చాలు.. ఆ తర్వాత ఆటోమెటిక్‌గా జరిగిపోతుంది’ అంటూ తనువులు ఏకం కావడానికి.. కొన్ని చిట్కాలు చెబుతాడు. ఇక దాంతో యష్ గదిలోకి వచ్చి.. వేదాని రెడీ అవ్వమని స్నానం చేసి రమ్మని బలవంతంగా పంపిస్తాడు. తను కూడా స్నానం చేసి పంచె కట్టుకుని వస్తాడు. అప్పటికే కబోర్డ్‌లో కండోమ్ పేకెట్స్ వేదా చూసేలా పెడతాడు. వేదా కూడా చూస్తుంది. కానీ చూడనట్లుగా ఉంటుంది.

ఇక వేదా, యష్‌లు మంచం మీద కూర్చుంటారు. ఎలాగైనా వేదని తన దారిలోకి తెచ్చుకోవాలనే ఉద్దేశంతో యష్ చాలా ప్రయత్నాలు చేస్తాడు. కానీ వేదా మాత్రం అర్థం కానట్లుగానే వింటుంది. దాంతో యష్‌కి అనుమానం వస్తుంది. అదేంటి వేదా వాటిని(కండోమ్స్‌ని) చూడలేదా? అనుకుంటూ ఆ కబోర్డ్‌లో తను కూడా చేయి పెట్టి వెతుకుతాడు. ఆ పేకట్ అక్కడే కనిపిస్తుంది. అంటే వేదా చూడలేదా? ఛా అనుకుంటాడు. ఇక వేదకి అర్థం అయ్యేలా చెప్పలేక.. ‘సరే వేదా.. నువ్వు వెళ్లి లైట్ ఆఫ్ చేసి రా.. పడుకుందాం’ అనేసి.. వేదని విసుగ్గా తోసుకుని.. చేతికి పెట్టుకున్న వాచ్చీ తీసి పారేసి.. ‘ఈ మాత్రం దానికి ఈ పంచె, చొక్కా.. ఇంత కథ ఛా..’ అనుకుంటూ తిట్టుకుంటూ పడుకుంటాడు. వేదా నవ్వుకుంటుంది.

యష్ పూర్తిగా నిద్రలోకి జారుకున్నాక.. భర్త నుదుటిన ముద్దు పెట్టుకుని.. ‘మనం ఇంకా దగ్గర కావాలనే ఆలోచిస్తున్నారా.. అది త్వరలోనే జరుగుతుంది’ అనుకుంటుంది ప్రేమగా. ఇక పెళ్లి ఏర్పాట్లు ఓ పక్కనే జరుగుతూ ఉంటాయి. చిత్ర ఆఫీస్‌లో పెళ్లి ఫిక్స్ అయ్యింది అంటూ స్వీట్స్ పంచుతూ.. అభి కూడా ఇవ్వడానికి క్యాబిన్‌కి వస్తుంది. ‘చిత్రా జరిగేది ఒకే పెళ్లి.. అది మన పెళ్లి... మాళవికకు కాదు కదా ఎవరికి ఏం చెప్పినా ఎవ్వరూ నమ్మరు.. చూస్తూ ఉండు.. నీ మెడలో తాళి నేనే కడతాను’ అంటూ క్లారిటీ ఇస్తాడు. బిత్తరపోతుంది చిత్ర. ‘అర్థమైంది కదా.. వసంత్‌తో పిచ్చి వేషాలు వేయకుండా జాగ్రత్తగా ఉండు’ అని బెదిరిస్తాడు.

రోజులు గడిచి పెళ్లి రోజు దగ్గరకు రావడంతో.. పెళ్లికి సంబంధించి.. సంగీత్, మెహిందీ ఫంక్షన్స్ కోసం ఇటు నుంచి చిత్ర, వసంత్ వాళ్లు.. అటు నుంచి మాళవిక, అభిలతో పాటు పెళ్లి పెద్దలు.. వేదా, యష్, ఖుషీలు అంతా ఒక చోటకు చేరుకుంటారు. ఆ సమయంలో కూడా అభి మాటలు.. చిత్రను భయపెడుతూనే ఉంటాయి. చూడాలి మరి అభి ఏం చేస్తాడో? Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)