Ennenno Janmala Bandham ఆగష్టు 8 ఎపిసోడ్: అభి ఉచ్చలో మళ్లీ యష్! మాలిని దగ్గర ఇరుక్కున్న వేద

Ennenno Janmala Bandham today: గత ఎపిసోడ్‌లో దొంగ రావడం.. కామెడీగా సాగడం తెలిసిందే. నేటి కథనంలో అభి తనదైన శైలిలో పాముని కదుపుతున్నాడు. మరోవైపు వేద, యష్‌ల మధ్య అనురాగం బలపడుతుంది. ఈ క్రమంలోనే నేటి కథనం ఉత్కంఠగా మారింది.

617వ ఎపిసోడ్‌ హైలైట్స్.. Ennenno Janmala Bandham August 8 episode
దొంగని నువ్వు దొంగ ఎందుకు అయ్యావ్ అంటే.. కామెడీ కామెడీగా బోలెడన్ని సంగతులు చెబుతాడు దొంగ. ఇక టాటా బైబై చెప్పే క్రమంలో.. ‘అవును ఇంట్లో మీరు ఇద్దరు మాత్రమే ఉన్నారు.. మిగిలిన వాళ్లు ఎక్కడా?’ అంటాడు దొంగ. దాంతో యష్.. ‘వాళ్లంతా బయటికి వెళ్లారు’ అంటాడు యష్. ‘అవునా.. వాళ్లు వెళ్లారా మీరు పంపించారా? నాకెందుకో డౌటే సార్.. మీరిద్దరూ కావాలనే ఏకాంతం కోరుకుని వాళ్లని పంపించి ఉంటారు.. సార్ ఇంత పెద్ద ఇంట్లో కరెంట్ కూడా లేదు.. మీరు మేడమ్ గారు మాత్రమే.. అబ్బో సూపరు.. ఆల్ ది బెస్ట్ సార్ ఆల్ ది బెస్ట్’ అంటూ కిటికీ దూకి వెళ్లిపోతాడు దొంగ. దాంతో యష్, వేద.. ఇద్దరూ కాస్త ఇబ్బందిగా చూసుకుంటారు.

ఇక వేద చీర మార్చుకుని.. రూమ్‌లో కర్టెన్ సరి చేసే పనిలో పడుతుంది. అది ఎంత లాగినా రావట్లేదు అని గట్టిగా లాగుతుంది. అది చూసిన యష్.. వేదా మీదకు కర్టెన్ స్టాండ్ ఊడి పడిపోవడం చూసి కాపాడటానికి వస్తాడు. అప్పటికే అది మీద పడటంతో.. ఇద్దరూ అందులో ఇరుక్కుపోతారు. మళ్లీ ఎప్పటిలానే నీ వల్లే అంటే నీ వల్లే అంటూ టామ్ అండ్ జర్రీల్లా తిట్టుకుంటారు. గిచ్చుకుంటారు కూడా. ఇంతలో మాలినీ, రత్నం వాళ్లు ఇంటికి వస్తారు. అలాగే కుషీ, వసంత్ కూడా వస్తారు. వసంత్ వెళ్లి.. వేద, యష్‌లకు సాయం చేయడంతో ఆ కరెక్ట్ నుంచి బయటపడతారు.

అయితే రత్నానికి ఓ అనుమానం వస్తుంది. యష్.. వేదాకి దగ్గర కావాలనే.. ఇదంతా వసంత్‌తో కలిసి ప్లాన్ చేసి ఉంటాడు.. అనుకుంటాడు. అదే మాటను తన భార్య మాలినీతో కూడా అంటాడు. సీన్ కట్ చేస్తే.. జైల్లో కైలాష్‌కి పోలీసు భోజనం తెచ్చి పెడితే.. ‘ఈ రోజు శనివారం.. చికెన్ బిర్యానీనే తింటాను.. కాసేపట్లో వస్తుంది’ అంటాడు పొగరుగా. వాడు చెప్పినట్లే కంచు(కాంచన- యష్ వాళ్ల అక్క) చికెన్ బిర్యానీ తెస్తుంది. మిమ్మల్ని ఎలాగైాన విడిపించుకుంటాను అంటుంది. అలాగే చికెన్ బిర్యానీ తెచ్చాను మీరు తినకపోతే నా మీద ఒట్టే అంటుంది. దాంతో కైలాష్ నవ్వుకుంటాడు. చక్కగా చికెన్ బిర్యానీ తింటాడు.

మొత్తానికీ అభి తన లాయర్‌తో మాట్లాడతాడు. ‘ఆ కైలాష్ ఎలాగైానా బయటికి రావాలి. వాడ్ని అరెస్ట్ చేసిన రీజన్ ఏదైనా.. వాడ్ని అరెస్ట్ చేయించిన వాళ్లు వాడ్ని విడిపించే ప్రసక్తే లేదు కాబట్టి.. మనమే చట్టంలోని లొసుగు తీసి.. విడిపించాలి’ అని చెబుతాడు. ఇంతలో మాలవిక(యష్ మాజీ భార్య) వస్తుంది. ‘ఇదంతా ఎందుకు అభి.. ఆ కైలాష్ మనకు అంతగా ఉపయోగపడతాడని నేను అనుకోవట్లేదు.. వాడికి నువ్వు ఎందుకు ప్రాధాన్యత ఇస్తున్నావ్’ అంటుంది మాలవిక. ‘అదే బంగారం నా తెలివి.. ఆ యష్ గాడు.. వాడి పెళ్లాన్ని కైలాష్ గాడు కెలికినా నరికేయకుండా జైల్లో వేయడనికి కారణం అక్క మొగుడు కావడమే.. అది మనకు చాలా చక్కగా ఉపయోగపడే పాయింట్.. నువ్వు చూస్తూ ఉండు.. కథ ఎలా మన చేతుల్లోకి వస్తుందో’ అంటూ రగిలిపోతాడు.

యష్.. కర్టెన్‌లో చుట్టుకుని పడిపోయినప్పుడు తన మోచేతికి దెబ్బ తగిలి కొద్దిగా రక్తం వస్తుంది. అది చూసిన వేద.. జాలిగా యష్‌కి మందు రాసి.. కట్టుకట్టే ప్రయత్నంలో పడుతుంది. ఆ సమయంలో కాస్త రొమాన్స్ పండుద్ది. తీరా మాలినీ(యష్ తల్లి) వచ్చి.. ‘దెబ్బ నువ్వే తగిలిస్తావ్.. మందు నువ్వే రాస్తావా? ఇధి ఎలా ఉందో తెలుసా.. గిల్లి జోలపాడినట్లు ఉంది’ అంటూ యష్ చేతికి ఉన్న రక్తాన్ని చూసి.. వేదని తిడుతుంది. దొరికిందే ఛాన్స్ అని.. ‘అమ్మా చాలా నొప్పిగా.. నొప్పి లేకుండా కట్టు కట్టమని చెప్పు అమ్మా’ అంటూ డ్రామా స్టార్ట్ చేస్తాడు యష్. అప్పటి దాకా .. నాకు ఏ కట్టు అవసరం లేదు వేద.. నాకు బాగానే ఉంది అంటూ.. కట్టు కట్టించుకోవడానికి ఇష్టపడిన యష్.. కావాలనే మాలిని దగ్గర వేదని ఇరికించి తిట్టిండానికి అలా మాట్లాడతాడు. దాంతో పాపం వేద.. గుర్రుగా చూస్తూ.. కట్టుకడుతుంది.

కమింగ్ అప్‌లో.. కంచు ఏడుస్తూ ఇంటికి వస్తుంది. ఎక్కడికి వెళ్లావ్ అంటే.. నా భర్తని చూడాలనిపించింది. వెళ్లొచ్చాను అంటుంది ఏడుస్తూ. దాంతో ఆ సమాధానం విన్న యష్.. రగిలిపోతాడు. అవసరమా? వాడి గురించి తెలిసి కూడా మారవా? అంటూ కంచుకి క్లాస్ పీకే పనిలో పడతాడు. అయితే కంచు మాత్రం కుమిలికుమిలి ఏడుస్తుంది. ఇది కచ్చితంగా అభి, మాలవికలకు కలిసి వచ్చేలానే కనిపిస్తోంది. మరోసారి యష్ వాళ్ల ఉచ్చులో చిక్కుకునే ప్రమాదం లేకపోలేదు. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది.
Read also: ‘ఎన్నెన్నో జన్మల బంధం’ ఆగష్టు 9 ఎపిసోడ్: యష్ ఇంట మరో తుఫాన్.. ఆ శుభవార్తను మోసుకొచ్చిన మాలవిక