Anchor Anasuya కి కూడా ఓ డిజార్డర్.. స్వయంగా చెప్పిన యాంకర్

జబర్దస్త్ ఫేమ్ యాంకర్ అనసూయ(Anchor Anasuya)కి కూడా ఓ డిజార్డర్ ఉందట. ఈ విషయాన్ని స్వయంగా ఇన్‌స్టాగ్రామ్ రీల్ ద్వారా అనసూయ వెల్లడించింది. గత ఏడాది నుంచి జబర్దస్త్‌కి దూరంగా ఉంటున్న అనసూయ సినిమాల్లో బిజీ అయిపోయింది. కృష్ణ వంశీ దర్శకత్వంతో ఆమె నటించిన ‘రంగమార్తాండ’ మూవీ రిలీజ్‌కి రెడీ అవుతోంది. అలానే సుకుమార్ దర్శకత్వంతో తెరకెక్కుతున్న అల్లు అర్జున్ ‘పుష్ప-2’లోనూ అనసూయ నటిస్తోంది. సోషల్ మీడియాలో యాక్టీవ్‌గా ఉండే అనసూయ నెటిజన్లు అడిగే సరదా ప్రశ్నలకి సమాధానాలు ఇస్తుంటుంది. అలానే ఎవరైనా.. అతి చేసినా.. వెంటనే కౌంటర్లు కూడా ఇచ్చేస్తుంటుంది. ఈ క్రమంలో హద్దులు దాటే నెటిజన్లపై ఆమె గతంలో సైబర్ క్రైమ్ పోలీసులకి ఫిర్యాదు చేసిన సందర్భాలు ఉన్నాయి.

జబర్దస్త్‌లో ఆమె ధరించే డ్రెస్‌లు, సోషల్ మీడియాలో పోస్ట్ చేసే గ్లామర్ ఫొటోలపై గతంలో పెద్ద ఎత్తున విమర్శలు వచ్చాయి. కానీ అనసూయ వాటిని పట్టించుకోలేదు. కొన్నింటికి మాత్రం ఘాటుగా స్పందించింది. అలానే సామాజిక విషయాలపై కూడా అప్పుడప్పుడు అనసూయ పోస్ట్‌లు పెడుతుంటుంది. అయితే.. ఈ క్రమంలో విమర్శలు ఎదుర్కొన్న సందర్భాలే చాలా కూడా ఎక్కువ.

ఇన్‌స్టాగ్రామ్‌ రీల్స్‌ని అప్పుడప్పుడు చేస్తున్న అనసూయ.. తాజాగా ఓ రీల్‌ని పోస్ట్ చేసింది. అందులో ‘నాకు ఓ డిజార్డర్ ఉంది. అది ఏంటంటే? నా గురించి నెగటివ్‌గా మాట్లాడేవారిని లెక్క చేయకపోవడమే’ అని చెప్పుకొచ్చింది. నిజమే.. అనసూయ తనపై ఎన్ని విమర్శలు వచ్చినా, ఎంత మంది ట్రోల్స్ చేసినా వెనక్కి తగ్గలేదు. తగ్గదు కూడా. వారికి తనదైన శైలిలో బదులిచ్చేస్తుంది.


Read Latest Telugu Movies News , Telugu News