మగధీర మూవీ ఆఫర్ వచ్చినా.. కన్నీళ్లు పెట్టుకున్న నటి అర్చన

క్యారెక్టర్ ఆర్టిస్ట్‌గా, హీరోయిన్‌గా టాలీవుడ్‌తో పాటు తమిళం, కన్నడ చిత్రాల్లో అలరించారు నటి అర్చన. అందం.. అభినయం అన్నీ ఉన్నా ఆమెకు కలిసిరాలేదు. బిగ్‌బాస్ సీజన్ వన్‌లోనూ ఈ బ్యూటీ మెరిసింది. 'నేను', 'నువ్వొస్తానంటే నేనొద్దంటాన', 'శ్రీరామదాసు' తదితర సినిమాలకు అర్చనకు పేరు తీసుకువచ్చాయి. ఆ తర్వాత హెల్త్ కేర్ వైస్ ప్రెసిడెంట్‌ జగదీష్ భక్తవత్సలంను పెళ్లి చేసుకుని సినిమాలకు గ్యాప్ ఇచ్చింది. తాజాగా ఆలీతో సరదాగా షోకు భర్తతో కలిసి గెస్ట్‌గా వచ్చింది. ఈ సందర్భంగా ఎన్నో ఆసక్తికరమైన విషయాలను పంచుకుంది.'శ్రీరామదాసు సినిమా చేస్తున్న సమయానికి నాకు వయసు కూడా లేదు. ఆ క్రెడిట్ మొత్తం నా క్లాసికల్ డ్యాన్స్‌కే వెళుతుంది. రాఘవేంద్ర రావు సార్ గారితో వర్క్ చేయడం చాలా అదృష్టం. మళ్లీ ఎప్పుడు చేస్తానో.. రాఘవేంద్ర సార్ చెప్పండి..' అంటూ అర్చన నవ్వుతూ చెప్పుకొచ్చింది.

పెళ్లికి ముందు ఫ్రెండ్‌తో పార్టీకి వెళ్లి.. అక్కడి నుంచి డైరెక్ట్‌గా హాస్పిటల్‌కు వెళ్లిన విషయం ప్రస్తావించగా అర్చన భర్త జగదీష్ స్పందిస్తూ.. 'నేను ఉన్నాను కదా.. ఎంజాయ్ చేయు అని చెప్పా. నాకు తెలియదు తన క్యాపాసిటీ. ఫుల్‌ అయిపోయింది..' అంటూ గుర్తుచేశారు.

బాలయ్య బాబుకు కొరియోగ్రాఫింగ్ నేర్పించిన విషయంపై అర్చన స్పందిస్తూ.. 'బృందావనంలో గోపికలతో డ్యాన్స్ చేసే చిన్న బిట్ ఉంటుంది. అది నేను చెప్తే బాలకృష్ణ గారు చేశారు. ఆ తర్వాత ఆయన సూపర్బ్.. బాగా చేశావ్.. అని మెచ్చుకున్నారు. యమదొంగలో ఓ సాంగ్ చేశా.

తరువాత రాజమౌళి డైరెక్షన్‌లోనే మగధీర సినిమాలో ఓ రోల్ కోసం ఆఫర్ వచ్చినా చేయలేదు. బ్రెయిన్ చిన్నది. లౌక్యం తక్కువ అప్పుడు. ఇప్పుడు మెచ్చురిటీ పెరిగింది. మగధీరలో ఆ క్యారెక్టర్ చేసిఉంటే రాజమౌళి గారు కచ్చితంగా అవకాశం ఇచ్చేవారు..' అంటూ అర్చన చెప్పుకొచ్చారు. పెద్ద సినిమాల్లో అవకాశం వచ్చి లాస్ట్ మూమెంట్‌లో డ్రాప్ అయినవి ఉన్నాయా అని అడగ్గా.. వాటిని గుర్తు చేసుకుంటూ అర్చన కన్నీళ్లు పెట్టుకున్నట్లు ప్రోమోలో చూపించారు.

ఈ ప్రోమో కోసం ఇక్కడ క్లిక్ చేయండి