పవన్ ముందే నేనే పవన్ అని చెప్పా.. పార్టీ ప్రచారానికి నన్ను అడగలేదు: ధనరాజ్

సరిగ్గా ఏడాది క్రితం అనుకుంటా.. ‘బంగాళాఖాతంలో అల్పపీడనం ఏర్పడింది. 23న తుఫానుగా మారి, శ్రీకాకుళం, తూర్పు, పశ్చిమగోదావరి మీదుగా కుప్పంలో తీరం దాటనుంది. గంటకు 120-145 కి.మీ. వేగంతో బలమైన గాలులు వీస్తాయి. ఆ గాల్లో ఎవడైనా ఎగిరిపోతే మాకు ఏ సంబంధం లేదు. ప్రమాద హెచ్చరిక ముందుగానే జారీ చేశాం. తుఫానుకి "జనసేన శతఘ్ని" అని నామకరణం చేశారు’.. ఎన్నికల ఫలితాల సందర్భంగా కమెడియన్ ధనరాజ్ పవన్ కళ్యాణ్‌-జనసేనను ఉద్దేశించిన చేసిన ట్వీట్‌పై విపరీతమైన ట్రోలింగ్స్ నడిచాయి. అయితే అది పవన్ కళ్యాణ్ మీద అభిమానమో.. ఇష్టమో.. ప్రేమో.. అంతకుమించి ఏదైనా కావచ్చేమో కాని.. ధనరాజ్.. ‘గంటకు 120-145 కి.మీ. వేగంతో బలమైన గాలులు ఏమయ్యాయో అందరికీ తెలిసిందే. తాజాగా మరోసారి పవన్ కళ్యాణ్‌పై ఉన్న భక్తిని చాటుకుంటూ.. తనకు వకీల్ సాబ్‌లో ఛాన్స్ ఇస్తే ఇరగదీస్తా అంటున్నాడు.

సరిగ్గా ఏడాది క్రితం అనుకుంటా.. ‘బంగాళాఖాతంలో అల్పపీడనం ఏర్పడింది. 23న తుఫానుగా మారి, శ్రీకాకుళం, తూర్పు, పశ్చిమగోదావరి మీదుగా కుప్పంలో తీరం దాటనుంది. గంటకు 120-145 కి.మీ. వేగంతో బలమైన గాలులు వీస్తాయి. ఆ గాల్లో ఎవడైనా ఎగిరిపోతే మాకు ఏ సంబంధం లేదు. ప్రమాద హెచ్చరిక ముందుగానే జారీ చేశాం. తుఫానుకి "జనసేన శతఘ్ని" అని నామకరణం చేశారు’.. ఎన్నికల ఫలితాల సందర్భంగా కమెడియన్ ధనరాజ్ పవన్ కళ్యాణ్‌-జనసేనను ఉద్దేశించిన చేసిన ట్వీట్‌పై విపరీతమైన ట్రోలింగ్స్ నడిచాయి. అయితే అది పవన్ కళ్యాణ్ మీద అభిమానమో.. ఇష్టమో.. ప్రేమో.. అంతకుమించి ఏదైనా కావచ్చేమో కాని.. ధనరాజ్.. ‘గంటకు 120-145 కి.మీ. వేగంతో బలమైన గాలులు ఏమయ్యాయో అందరికీ తెలిసిందే. తాజాగా మరోసారి పవన్ కళ్యాణ్‌పై ఉన్న భక్తిని చాటుకుంటూ.. తనకు వకీల్ సాబ్‌లో ఛాన్స్ ఇస్తే ఇరగదీస్తా అంటున్నాడు.

Samayam Telugu

పవన్ కళ్యాణ్ దేవుడు..

నేను పవన్ కళ్యాణ్‌తో నాలుగు సినిమాలు చేశా.. ఆయన గురించి చెప్పమంటే ఏం చెప్తాం.. ఆయన ఓ దేవుడు. ఆయనతో పనిచేయడం గొప్ప అనుభూతి. గబ్బర్ సింగ్‌లో నాకుమంచి సీన్ పడింది. నాకోసం వాళ్ల తమ్మడ్ని కొడతాడు. ఆయనతో ఫొటో దిగాలి అనుకున్నా.. ఫొటో అడగ్గానే ఓకే అన్నారు. ఆ తరువాత అత్తారింటికి దారేది సినిమాలో సమంతను కిడ్నాప్ చేసే సీన్‌ పడింది. ఆ తరువాత అలీ గారితో చెప్పి ఫొటోదిగాను. ఆ తరువాత గంగతో రాంబాబు, గోపాలా గోపాలా సినిమాల్లో చేశా. అయితే పవన్ కళ్యాణ్ కాంబినేషన్‌లో సినిమా అంటే క్యారెక్టర్ కోసం ఆలోచించే వాడిని కాదు.. ఏదైనా ఓకే అనుకునేవాడిని.

పవన్ కళ్యాణ్ ముందు నేను పవన్ కళ్యాణ్ అని చెప్పే డైలాగ్..

గోపాలా గోపాలా సినిమాలో నేను ఉన్నా అన్నారు కాని.. నాకు క్యారెక్టర్ ఏంటన్నది తెలియదు. కాని ఆ టైంలో పవన్ కళ్యాణ్‌ గారు నాతో మాట్లాడుతూ.. నీది చెన్నైనా? అని అడిగారు. లేదు సార్.. హైదరాబాద్ అని చెప్పా. అలా ఆయన మాట్లాడుతుండగా.. గోపాలా గోపాలా సీన్ నాకు చెప్పారు. పవన్ కళ్యాణ్ ముందు నేను పవన్ కళ్యాణ్ అని చెప్పే డైలాగ్ నాకు ఇచ్చారు. ఇంత అదృష్టం ఎవరికి ఉంటుంది. ఇప్పుడు ఆయన వకీల్ సాబ్ కోసం వెయిట్ చేస్తున్నా.. ఈ సినిమాలో ఛాన్స్ వస్తే.. డప్పు కొట్టి అందరికీ చెప్పేస్తా. ఇప్పటికీ ఆయన సినిమా వస్తే.. నేను సుధీర్, వేణు అందరూ థియేటర్స్‌కి ముసుగులు కట్టుకుని మరీ వెళ్లి రచ్చ రచ్చ చేస్తుంటాం. ఇప్పుడు వకీల్ సాబ్ కోసం ఎదురుచూస్తున్నా.

ఎన్నికల ప్రచారానికి నన్ను సంప్రదించలేదు..

ఆయన తరపున ఎన్నికల్లో జబర్దస్త్ వాళ్లు చాలా మంది ప్రచారం చేశారు. కాని నేను అందుబాటులో లేను. వాళ్లు నన్ను అప్రోజ్ అయ్యి ఉంటే తప్పకుండా ప్రచారం చేసేవాడిని. ఎవరూ వచ్చి నన్ను అడగలేదు. అయినా అప్పుడు నేను వెబ్ సిరీస్ షూటింగ్ కోసం ముంబై వెళ్లా. నాగబాబు గారికి కూడా ప్రచారం చేయలేకపోయా. కాని అప్పట్లో నేను పెట్టిన ట్వీట్ సంచలనం అయ్యింది. సునామి వచ్చేస్తోందని ట్వీట్ చేశా. గంటకు 120-145 కి.మీ. వేగంతో బలమైన గాలులు వీస్తాయి. తుఫానుకి "జనసేన శతఘ్ని" అని నామకరణం చేశాను. అది నాకు ఎవరో పంపించారు దాన్ని నేను ట్వీట్ చేశా.. అది పెద్ద రచ్చ అయ్యింది.. వాళ్ల కోసం నేను నా అభిమానాన్ని వదులుకోను.

హీరో అవుదాం అనుకున్నది చిరుని చూసే..

నేను చిరంజీవిని చూసి హీరో అవుదాం అని ఇంట్లో నుంచి పారిపోయి వచ్చా.. యముడికి మొగుడు సినిమా చూసి నేను హీరో అవ్వాలని అనుకున్నా.. అప్పుడే ఇంట్లోనుంచి బయటకు వచ్చేశా. ఇక పవన్ కళ్యాణ్ స్టామినా, క్రేజ్ గురించి చెప్పాల్సిన పనిలేదు. నాగబాబు గారు అంటారా?? ఆయన మాకు లైఫ్ ఇచ్చారు. ఆయన్ని మరిచిపోలేం’ అంటూ మెగా బ్రదర్స్‌పై పొగడ్తల వర్షం కురిపించారు ధనరాజ్.. మహేష్ బాబు, ఎన్టీఆర్‌లతో సినిమా అవకాశాలు రాలేదు. కాని ఎన్టీఆర్‌తో బిగ్ బాస్ చేశా.. నేను హౌస్‌లో ఉండగా.. నాకు అబ్బాయి పుట్టాడనే ఆయనే చెప్పారు. డాన్స్, యాక్టింగ్‌లతో పాటు చాలా రకాల ఎమోషన్స్ ఆయనలో ఉన్నాయి అంటూ చెప్పుకొచ్చారు ధనరాజ్.