Karthika Deepam Serial ట్విస్ట్: దీపను వ్యతిరేకించిన కార్తీక్.. నిజం చెప్పి షాకిచ్చిన పిల్లలు..

‘కార్తీకదీపం’ సీరియల్.. నేడు(2021 సెప్టెంబర్ 21)న 1150 ఎపిసోడ్‌కి ఎంటర్ అయ్యింది. నేటి కథనంలో ఆదిత్య ఇచ్చిన ఐడియా కథను కీలక మలుపు తిప్పింది. కుటుంబం మొత్తం మోనిత వచ్చేలోపు అమెరికాకి వెళ్లిపోతే అనే ఆలోచన కథను ఆసక్తిగా మార్చింది. ఆ హైలైట్స్ కోసం ఈ కింద లింక్ క్లిక్ చేయండి.
‘కార్తీకదీపం’ సెప్టెంబర్ 21 ఎపిసోడ్ : మోనిత తిరిగొచ్చేలోపే అంతా అమెరికాకి.. షాకింగ్ నిర్ణయం

ప్రోమో హైలైట్స్..
సౌందర్య అటు హిమను, ఇటు సౌర్యను వేసుకుని కబుర్లు చెబుతూ కూర్చుంటుంది. ‘నాన్నమ్మా మీరు చెప్పినవి అబద్దాలు అని తెలిసి కూడా నమ్మాం..’ అంటుంది సౌర్య. దాంతో సౌందర్య మింగుడుపనట్లుగా చూస్తుంది. ఇంతలో హిమ.. ‘లేదు లేదు నమ్మినట్లు నటించాం.’ అంటుంది. దాంతో సౌర్య ఎమోషనల్‌గా చూస్తూ.. ‘నాన్నమ్మా.. మనమందరం ఎప్పటికీ ఒకే ఇంట్లో కలిసి ఉంటామా?’ అంటుంది. సౌందర్య ఏం సమాధానం చెప్పాలో తెలియనట్లుగా చూస్తుంది.

ఇక సీన్ కట్ చేస్తే.. దీప మంచంపైన కూర్చుంటే.. కార్తీక్ దీప కాళ్ల దగ్గర మంచానికి జారబడి కూర్చుంటాడు. దీప కార్తీక్ భుజంపై చేయి వేసి.. ‘మన బంధాలు పదిలంగా కాపాడుకోవాలంటే.. ఇప్పుడే పిల్లలకు నిజం చెప్పేస్తే?’ అంటుంది ప్రేమగా. ‘ఆపు దీపా..’ అంటాడు కార్తీక్ కోపంగా. దీప షాక్ అవుతుంది. ‘ఈ మురికి విషయాన్ని చంటిపిళ్లలకు ఏమని చెబుతావ్.. నువ్వేం చెబుతావ్.. వాళ్లేం అని అర్థం చేసుకుంటారు.. ఆ మోనిత బిడ్డని కని ఇక్కడికి వచ్చేలోగానే మనందరం అమెరికా వెళ్లిపోదాం..’ అంటూ తన నిర్ణయాన్ని చెబుతాడు. ‘డాక్టర్ బాబు..’ అంటూ దీప నచ్చజెప్పే ప్రయత్నం చేస్తున్నా వినకుండా.. ‘దీపా ప్లీజ్..’ అంటూ అక్కడ నుంచి పైకి లేస్తాడు. మరి దీప కార్తీక్‌కి ఏమని నచ్చజెప్పగలదు? కార్తీక్ వింటాడా? లేక కుటుంబంతో కలిసి అమెరికా వెళ్లిపోతాడా? అనేది ఆసక్తిగా మారింది. చూద్దాం ఏం జరగనుందో.