యాప్నగరం

Karthika Deepam Serial ట్విస్ట్: డాక్టర్ బాబుకి సలహా ఇచ్చిన మోనిత.. ‘ఈ టెన్షన్ అంతా దేనికి కార్తీక్? దీపేమీ చిన్న పిల్ల కాదు..’

దీప మొండి పట్టుకు అటు కార్తీక్, ఇటు సౌందర్య బిత్తరపోతున్నారు. నేడు దీపకు ఆనందరావు సపోర్ట్‌గా నిలబడ్డాడు. అయితే కార్తీక్ మాత్రం చాలా ఇరిటేట్ అయ్యాడు. ఈ క్రమంలో రేపటి ప్రోమో కథను ఉత్కంఠగా మార్చింది.

Authored byశేఖర్ కుసుమ | Samayam Telugu 4 May 2021, 11:38 am
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 మే 4)న 1030 ఎపిసోడ్‌కి ఎంటర్ అయ్యింది. అయితే రేపటి ప్రోమోలో అదిరిపోయే ట్విస్ట్ ఉంది.
Samayam Telugu ‘కార్తీకదీపం’ ట్విస్ట్(photo courtesy by star మా and disney+ hotstar)
karthika deepam telugu serial promo

Karthika Deepam మే 4 ఎపిసోడ్: దీపకు వ్యతిరేకంగా మారిన సౌందర్య! చెప్పలేనంత ఆనందంలో మోనిత
ప్రోమో హైలైట్స్..
దీప బాధగా ఒంటరిగా నిలబడి ఆలోచిస్తూ ఉంటే.. సౌందర్య అక్కడికి వస్తుంది. ‘పదేళ్లుగా నిన్ను వాడు అపార్థం చేసుకుంటూ వచ్చాడు. ఇప్పుడు నువ్వు వాడ్ని అపార్థం చేసుకుంటూ వస్తున్నావ్..’ అంటుంది సౌందర్య. ‘నేను.. డాక్టర్ బాబుని.. అపార్థం చేసుకుంటూ వస్తున్నానా?’ అంటుంది దీప అయోమయంగా ముఖం పెట్టి. ‘మరి లేకపోతే ఏంటే? వాడు నిన్ను రెస్ట్ తీసుకోమని చెప్పడం కూడా తప్పేనా.?’ అంటుంది సౌందర్య. ‘రెస్ట్ కాదు.. గెస్ట్ అనండి..’ అంటుంది దీప. ‘చాలు ఆపు దీపా.. వినలేకపోతున్నానే..’ అంటుంది సౌందర్య.

‘పదేళ్ల నుంచి నన్ను ఆయన ఏదొటి అంటూ ఉంటే వింటూనే ఉన్నారుగా? ఇప్పుడు నేను అంటుంటే వినలేకపోతున్నారా? అంతేలే ఎంతైనా మీ కొడుకు కదా..?’ అని దీప సౌందర్యతో అనడంతో సౌందర్య జాలిగా బాధగా చూస్తూ షాక్‌లో ఉండిపోతుంది. ఇక సీన్ కట్ చేస్తే కార్తీక్ మోనిత దగ్గరకు వెళ్లి దీప ప్రవర్తిస్తున్న మొండిపట్టు గురించి చెప్పినట్లు ఉన్నాడు. మోనిత కూల్‌గా ‘ఈ టెన్షన్ అంతా దేనికి కార్తీక్? దీపేమీ చిన్న పిల్ల కాదు.. ఇద్దరు పిల్లలకు తల్లి.. నీ ఆరోగ్యం ఇంత దారుణంగా పాడైంది.. ఇంకా నిర్లక్ష్యం చేస్తే నీ ప్రాణాలకే ప్రమాదం అని దీపతోనే చెప్పేసెయ్..’ అంటూ సలహా ఇస్తుంది. కార్తీక్ మోనిత మాట విని.. దీపకు నిజం చెప్పేస్తాడా? సౌందర్య ఆపుతుందా? అనేది తెలియలంటే వేచి చూడాల్సిందే.
రచయిత గురించి
శేఖర్ కుసుమ
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్‌టైన్మెంట్ రంగాలకు సంబంధించి వార్తలు రాశారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.