మారరు.. ఈ జనం మారరు.. మనకి వచ్చిన రోగానికి మందు మనచేతుల్లోనే ఉంది అని అన్నా.. పక్కోడో లేక ప్రభుత్వమో వచ్చి బాగుచేస్తారులే అన్న నిర్లక్ష్యం.. ఏమీ కాదులే అన్న పైత్యం నుంచి జనం బయటకు వస్తేనే కాని కరోనా లాంటి రోగాలు పోవు. పాపం పేదలు ఆకలితో ఉన్నారు.. మన కడుపు మనం నింపుకుంటే మనిషనే మాటకు విలువ ఏం ఉంది.. మనకు ఉన్నంతలోనే నలుగురికి సాయం చేయాలి.. ఒకరిద్దరి ఆకలి తీర్చినా చాలు అనుకుని సాయం చేయడానికి ముందుకు వచ్చేవారికి ప్రజల నుంచి కొత్త కొత్త అనుభవాలు ఎదురౌతున్నాయి. ఇలాంటి అనుభవమే చెప్పుకొచ్చారు యాంకర్ అనసూయ భరద్వాజ్.
Samayam Telugu10 Apr 2020, 2:47 pm
మారరు.. ఈ జనం మారరు.. మనకి వచ్చిన రోగానికి మందు మనచేతుల్లోనే ఉంది అని అన్నా.. పక్కోడో లేక ప్రభుత్వమో వచ్చి బాగుచేస్తారులే అన్న నిర్లక్ష్యం.. ఏమీ కాదులే అన్న పైత్యం నుంచి జనం బయటకు వస్తేనే కాని కరోనా లాంటి రోగాలు పోవు. పాపం పేదలు ఆకలితో ఉన్నారు.. మన కడుపు మనం నింపుకుంటే మనిషనే మాటకు విలువ ఏం ఉంది.. మనకు ఉన్నంతలోనే నలుగురికి సాయం చేయాలి.. ఒకరిద్దరి ఆకలి తీర్చినా చాలు అనుకుని సాయం చేయడానికి ముందుకు వచ్చేవారికి ప్రజల నుంచి కొత్త కొత్త అనుభవాలు ఎదురౌతున్నాయి. ఇలాంటి అనుభవమే చెప్పుకొచ్చారు యాంకర్ అనసూయ భరద్వాజ్.
నేను సైతం అంటున్న అనసూయ..
కరోనా కష్టంతో అల్లాడుతున్న పేదలకు సాయం చేసేందుకు నేనున్నానంటూ ముందుకు వచ్చారు యాంకర్ అనసూయ భరద్వాజ్. డొనేట్ కార్ట్. కామ్ అనే ఎన్జీవో తరుపున ప్రచారం చేస్తూ ఆ సంస్థ సేవాకార్యక్రమాల్లో భాగస్వామ్యం అవుతున్నారు. కరోనా వ్యాప్తిని అరికట్టడానికి ఓల్డేజ్ హోమ్లలో మాస్క్, హ్యాండ్ వాష్, సోప్స్ లాంటివి సప్లై చేస్తుండగా.. ఈ సంస్థకు ఆర్ధిక సాయం అందించాలని ఇన్ స్టాగ్రామ్ వేదికగా దాతల్ని కోరారు అనసూయ.
భర్తతో కలిసి సేవా కార్యక్రమాల్లో పాల్గొన్న అనసూయ..
ఇక మరో అడుగుముందుకు వేసి.. ఆకలితో ఉన్న పేదల ఆకలి తీర్చేందుకు ముందుకు వచ్చారు. తన తోటి ఆర్టిస్ట్ జీవన్ పేదల కరోనా కష్టంతో అల్లాడుతున్న పేదల ఆకలి తీర్చేందుకు సేవాకార్యక్రమాలను చేపట్టిన విషయం తెలిసిందే. రోజుకి వేల మందికి అన్నం పెడుతూ.. వందలాది మందికి నిత్యావరసర వస్తువుల్ని సరఫరా చేస్తున్నారు. తాజాగా హైదరాబాద్లో మాదాపూర్లో తన భర్తతో కలిసి ఈ డిస్ట్రిబ్యూషన్ కార్యక్రమంలో పాల్గొన్నారు అనసూయ. తన భర్తతో కలిసి స్వయంగా ఫుడ్ తయారుచేసే చోటికి వెళ్లారు.. అలాగే ఒక ఫ్యామిలీకి వారం రోజులకు సరిపడా సరుకుల్ని పంపిణీ చేసే కార్యక్రమంలో తన భర్తతో కలిసి భాగస్వామ్యం అయ్యారు అనసూయ.
ఈ నెంబర్కి గూగుల్ పే చేయండి..
ఈ సందర్భంగా తనతో పాటు మిగిలిన వాళ్లు కూడా వీలైనంత సాయం చేయాలని అకౌంట్ నెంబర్తో పాటు ఎవర్ని సంప్రదించాలన్న వివరాలను సైతం తన సోషల్ మీడియా ఖాతాలతో షేర్ చేశారు అనసూయ. (Mr. Jeevan Kumar Google Pay NO: 9333055558) తాజాగా మరో వీడియోను షేర్ చేస్తూ.. ఫీల్డ్లోకి వెళ్లిన తరువాత ప్రజల నుంచి ఎలాంటి స్పందనలు వస్తున్నాయి.. ప్రజలు ఎలా ప్రవర్తిస్తున్నారు.. వాటిని ఎంత వరకూ సద్వినియోగం చేసుకుంటున్నారో తెలియజేస్తూ ఎమోషన్ అయ్యారు అనసూయ.
మసాలాలు, అల్లం పేస్ట్లు కావాలట.. ఏమైనా సూపర్ మార్కెట్ నడుపుతున్నామా?
‘జీవన్ అనే ఆర్టిస్ట్ ఒక టీంని ఏర్పాటు చేసుకుని ఇబ్బందుల్లో ఉన్న ఎంతో మందికి సాయం చేస్తున్నారు. అయితే నిత్యావసర సరుకులు ఇస్తుంటే.. జనం మసాలాలు, అల్లం వెల్లుల్లి పేస్ట్లు అడుగుతున్నారు.. వాళ్లు ఏం సూపర్ మార్కెట్ని రన్ చేయడం లేదు. వాళ్లు సొంత ఖర్చులతో ఆపద కాలంలో ప్రజలకు సాయం చేస్తున్నారు. వాళ్లు జేబుల్లోని డబ్బులే కాకుండా మా లాంటి వాళ్ల సాయం తీసుకుని నలుగురికి అన్నం పెడుతున్నారు. ఎవరూ ఆకలితో ఉండకూడదు.. అనేది తప్ప ఇంకేం ఆశించడం లేదు వాళ్లు. నేను కూడా రిక్వెస్ట్ చేసేది ఏంటి అంటే.. జీవన్ అనే వ్యక్తి ఓ మంచి ఉద్దేశంతో ఈ పనిచేస్తున్నాడు. అతనికి సాయం చేయండి. నేను మొన్న కిచెన్ చూడటానికి వెళ్లి అక్కడ వండిన వాటిని తింటూ అతన్ని కూడా తినడానికి రమ్మని పిలిస్తే.. ఇప్పుడు నేను తినను.. తింటే నిద్ర వచ్చేస్తుంది అని అన్నాడు.
దానం చేసిన కిట్స్ అమ్ముకుంటున్నారు.. ఇలాంటి వెధవల్నీ..
తిండి తిప్పలు మారి మరీ పేదల ఆకలి తీర్చాలని అనుకునే వాళ్లు కొంతమందే ఉంటారు. వాళ్లలో ఇతనూ ఒక్కడు. వాళ్లను డిమాండ్ చేసి టైం పాస్ చేయొద్దు. వాళ్లు కొన్ని నిత్యావసర వస్తువులతో పాటు పరిశుభ్రంగా ఉండేందుకు కిట్స్ కూడా అందిస్తున్నారు. దారుణం ఏంటంటే కొంతమంది ఆ కిట్స్ కూడా అమ్ముకుంటున్నారట. మనం ఎంత పెద్ద ఇబ్బందుల్లో ఉన్నాం.. ఇలాంటి టైంలో కూడా మనం మనుషులుగా ఉండకపోతే ఎలా.. నాకు ఏం అర్థం కావడం లేదు ఏం అనాలో.. ప్లీజ్ దయచేసి ఇలా చేసేవాళ్లకు బుద్ధి చెప్పండి. ఇలాంటి వాళ్లను ఎంకరేజ్ చేయొద్దు. కిట్లను అమ్ముకునే వెధవలకంటే.. వాటిని సరిగ్గా ఉపయోగించుకునే వాళ్లకు ఇస్తే మనం ఏ ఉద్దేశం అయితే మంచి పనిచేస్తున్నామో అది పరిపూర్ణం అవుతుంది.
అనసూయ చేస్తోన్న మంచి పనికి నెటిజన్ల మద్దతు..
దయచేసి మీ అందరికీ రిక్వెస్ట్ చేస్తున్నా.. మీరు మీ ఫ్యామిలీని జాగ్రత్తగా కాపాడుకుంటూ.. పేదలకు కూడా మీకు తోచిన సాయం చేయండి. చాలా మంది రిస్క్ చేసి బయటకు వస్తున్నారు పేదల ఆకలి తీర్చాలనే ఉద్దేశంతో అలాంటి వాళ్లకు అండగా ఉండండి. ఈ విపత్కర పరిస్థితుల నుండి త్వరగా బయటపడాలని కోరుకుంటున్నా’ అంటూ ఎమోషనల్గా మాట్లాడారు యాంకర్ అనసూయ. కాగా అనసూయ చేస్తున్న మంచి పని పట్ల నెటిజన్లు ప్రశంసలు కురిపిస్తున్నారు. ఫీల్డ్లోకి వెళ్తున్నారు జాగ్రత్త మేడమ్ అంటూ సలహాలు ఇస్తున్నారు. జబర్దస్త్ కార్యక్రమంతోనే కాదు.. ఆపద కాలంలో ఇలాంటి జబర్దస్త్ కార్యక్రమానికి మద్దతు తెలిపి జబర్దస్త్ యాంకర్ అనిపించుకున్నారు అంటూ అనసూయ చేస్తున్న మంచి పనికి మద్దతు ప్రకటిస్తున్నారు. Read also: శ్రీలక్ష్మీ కనకాల: ఒక మనిషి బతికి ఉండగానే.. హర్షవర్థన్ కంటతడి
అనసూయ ఇన్ స్టాగ్రామ్ వీడియో
View this post on Instagram #WeAreInThisTogether #LetsSailThroughWithHopeAndBelief #StayHomeSaveLives A post shared by Anasuya Bharadwaj (@itsme_anasuya) on Apr 7, 2020 at 2:24am PDT
లాక్ డౌన్ ఇబ్బందులపై అనసూయ
View this post on Instagram Hello everyone. We are distributing maggie, rice, daal and other essentials to everybody who are helpless and needy. Also pedigree and parle G biscuits to the stray dogs. We welcome ur contribution. Please help while u r at home too . Any form of donation is accepted. Raw materials , cooked food or funds. If anyone is aware of localities where people need any form of help, cooked food or raw materials please let us know. We can send the required essentials or we ourselves are ready to come down and help Acc details: Account details: A jeevan Kumar 058801509234 Icic bank IFSC:icic0000588 Chandanagar branch Google pay: 9333055558 A post shared by Anasuya Bharadwaj (@itsme_anasuya) on Apr 2, 2020 at 5:53am PDT
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.