Anchor Anasuya: ఇండస్ట్రీలో దేవదాసిలా పనిచేయాలి.. గిల్లితే గిల్లించుకోవాలి.. ఇది తప్పు: అనసూయ ఓపెన్ కామెంట్స్

యాంకర్ అనసూయ ప్రస్తుతం వరుస సినిమాలో బిజీగా మారింది. రంగస్థలం, పుష్ప వంటి బ్లాక్ బస్టర్ హిట్ సినిమాలతో నటిగా నిరూపించుకున్నారు అనసూయ. రంగమార్తాండ, పుష్ప 2, అరి సినిమాలు విడుదలకు రెడీగా ఉండగా.. సింబ, మైఖేల్ సినిమాలు షూటింగ్ దశలో ఉంది. ఇక తమిళ్‌లో డైరెక్టర్ ప్రభుదేవ డైరెక్షన్ రెండు సినిమాలకు సైన్ చేసింది అనసూయ. వీటితో పాటు మరో అరడజకు పైగా సినిమాలు అనసూయ లిస్ట్‌లో ఉన్నాయి.

అటు సినిమాలు.. ఇటు టీవీ షోస్‌తో బిజీగా మారిన అనసూయ.. ఫ్యామిలీ లైఫ్‌ని మిస్ కాకుండా అన్నింటినీ బ్యాలెన్స్ చేస్తూ వస్తోంది. ముక్కుసూటిగా ఉన్నది ఉన్నట్టు మాట్లాడే అనసూయ.. తరచూ వివాదాల్లో ఉంటుంటారు. ముఖ్యంగా సోషల్ మీడియాలో కీబోర్డ్ వారియర్స్‌తో ఫైట్ చేస్తూనే ఉంటారు అనసూయ.


తాజా ఇంటర్వ్యూలో అనసూయ తన పర్సనల్ విషయాలను షేర్ చేసుకుంటూ.. ఇండస్ట్రీలో హీరోయిన్స్‌కి ఇచ్చే ఇంపార్టెన్స్‌‌పై కుండబద్దలు కొట్టినట్టు మాట్లాడారు. అనసూయ మాట్లాడుతూ..‘ఆడవాళ్లంటే.. ముఖ్యంగా హీరోయిన్స్ అంటే కెమెరా ముందు కాపాడండి అని అనాలి.. లేదంటే సిగ్గుపడి నవ్వాలి. జస్ట్ అంతే. అంత వరకే మా డ్యూటీ. అసలు మాట్లాడకూడదు. గిల్లితే గిల్లించుకోవాలని పోకిరి సినిమాలో డైలాగ్ ఉంది కదా.. హీరోయిన్స్ పరిస్థితి అంతే. ఆడవాళ్లు అంటే ఇలాగే ఉండాలి. ముఖ్యంగా సినిమా ఇండస్ట్రీలో. మన హక్కుల కోసం మనం మాట్లాడితే మనపై ఇంట్రస్ట్ పోతుంది. మేం ఇక్కడ దేవదాసీల్లాగ పనిచేయాలి. అది చాలా రాంగ్.

మీలాగే మేం కూడా మా పని మేం చేస్తున్నాం.. మా జీతాలు మేం తీసుకుంటున్నాం. కానీ మా రంగులు ప్రపంచంలో ఏమౌతుందో అని ఫోకస్ ఎక్కువ. అది మీ బుర్ర తక్కువ తనం. థియేటర్‌కి వచ్చే వాడికి నా సినిమా చూసే అర్హత ఉందా లేదా? అని మేం కూడా మొదలుపెడితే ఎవడొస్తాడు థియేటర్‌కి.

మీకు ఎంటర్టైన్మెంట్ కావాలంటే.. సరదా అంటే థియేటర్‌కి వచ్చి మూవీ చూడాలి. మాకు అదే వర్క్.. మరి మాకేం ఇంటర్టైన్మెంట్ ఏముంటుంది? నేను ఈ రోజు ఇలా ఉన్నానంటే నా ఫ్యామిలీ సపోర్ట్ వల్లే.

నేను మాట్లాడకుండా ఉన్నాసరే నా వైపు వేలెత్తి చూపించిన వాళ్లు ఉన్నారు.. మాట్లాడితే తప్పు.. మాట్లాడకుండా ఉంటే తప్పు. ప్రతిసారి మాట్లాడటం అవసరమా? అనుకుంటున్నారు. కొన్నాళ్ల పాటు నాకు నేను నచ్చజెప్పుకుంటున్నాను’ అని చెప్పుకొచ్చారు అనసూయ. అయితే అనసూయ మాట్లాడిన మాటల్లో నిజం లేకపోలేదు.. సినిమా విజయంలో హీరో పాత్ర ఎంత ఉంటుందో.. హీరోయిన్ కూడా అంతే ముఖ్యం. కానీ హీరోయిన్‌ని గ్లామర్ డాల్‌గా చూపిస్తున్నారు తప్పితే తగిన గౌరవం దక్కడం లేదనే చెప్పాలి.

Read Also: ఇళ్లల్లో అంట్లు తోముకుంటా కానీ.. నా క్యారెక్టర్‌‌ని హర్ట్ చేస్తే ఒక్కక్షణం ఉండను.. నేను బ్రాహ్మిణ్: అనసూయ