Anchor Sreemukhi: ఖరీదైన ఫోర్డ్ కారు గిఫ్ట్‌గా ఇచ్చిన యాంకర్ శ్రీముఖి.. ఆ కంపెనీ కారు కొని ఇరుక్కుపోయావంటున్న నెటిజన్లు

సోషల్ మీడియాలో యాక్టివ్‌గా ఉండే శ్రీముఖి.. తన తమ్ముడు సుష్రుత్‌‌కి అదిరిపోయే గిఫ్ట్ ఇచ్చింది. ఖరీదైన ఫోర్డ్ కారుని గిఫ్ట్‌గా ఇచ్చి ఆ ఫొటోలను ఇన్ స్టాగ్రామ్‌లో షేర్ చేసింది. దీంతో ఈ అక్క తమ్ముళ్లు ఇద్దరికీ కంగ్రాట్స్ చెప్తున్నారు శ్రీముఖి ఫ్యాన్స్. దీంతో ఈ కొత్త కారు ఫొటోలు సోషల్ మీడియాలో వైరల్ అవుతున్నాయి.

ఇదిలా ఉంటే.. శ్రీముఖి కొన్న కొత్త కారుపై ఆసక్తికరమైన చర్చ నడుస్తోంది. ఫోర్డ్ సంస్థ తన వ్యాపార కార్యక్రమాలను ఇండియాలో నిలిపివేస్తున్నట్టు ప్రకటన చేయడంతో.. ఆ కంపెనీ కారు ఎందుకు కొన్నావంటూ నెటిజన్లు కామెంట్లు చేస్తున్నారు. అయితే సర్వీస్ సెంటర్లు పదేళ్ల వరకూ ఉంటాయని నెటిజన్లు స్పందనలు తెలియజేస్తున్నారు. శ్రీముఖికి ఈ విషయం తెలిసే కారుని కొనుగోలు చేసిందా? లేదంటే తమ్ముడు మనసు పడ్డాడు కదా అని ఎరక్కపోయి ఇరుక్కుపోయిందా? అనే కామెంట్లూ వినిపిస్తున్నాయి. ఇకపోతే శ్రీముఖి 2019 మార్చిలో ఖరీదైన బెంజ్ కారుని కొనుగోలు చేసిన విషయం తెలిసిందే.

కాగా.. శ్రీముఖితో పాటు సుష్రుత్‌ కూడా బుల్లితెర ప్రేక్షకులకు పరిచయమే. శ్రీముఖి బిగ్ బాస్ హౌస్‌లో ఉన్నప్పుడు గెస్ట్‌గా బిగ్ బాస్ హౌస్‌కి వెళ్లాడు సుష్రుత్‌. ఇక తన అక్కపై అసభ్యకరమైన పోస్ట్‌లు పెడుతున్నారని గతంలో సైబర్ క్రైమ్‌కి కంప్లైట్ చేసి వార్తల్లో నిలిచాడు సుష్రుత్‌. ఇక సోషల్ మీడియాలో ఈ అక్కా తమ్ముళ్ల హంగామా అందరికీ తెలిసిందే.

మరోవైపు శ్రీముఖి యాంకర్ గానే కాకుండా గ్లామర్ నటిగాను వెండితెరపై సత్తా చూపిస్తోంది. ఇటీవల క్రేజీ అంకుల్స్ అనే చిత్రంలో మెరిసిన శ్రీముఖి.. మరో రెండు మూడు ప్రాజెక్ట్స్‌ని లైన్‌లో పెట్టింది రాములమ్మ.