Anchor Varshini: త్వరలోనే పెళ్లిపీటలెక్కనున్న యాంకర్ వర్షిణి.. వరుడు అతడే..!

తన చలాకీతనంతో.. మాటలతో బుల్లితెర ప్రేక్షకులను అలరిస్తూ మంచి పేరు సంపాదించుకుంది యాంకర్ వర్షిణి సౌందరాజన్ (Varshini Sounderajan). ప్రస్తుతం టీవీ షోలకు దూరంగా ఉన్న ఈ బ్యూటీ.. సినిమాల్లో నటించేందుకు ఆసక్తి చూపిస్తోంది. మరోవైపు ఎప్పటికప్పుడు హాట్ ఫోటోలను సోషల్ మీడియాలో షేర్ చేసుకుంటూ అభిమానులకు ట్రీట్ ఇస్తుంటుంది. తాజాగా ఈ అమ్మడు త్వరలో పెళ్లి పీటలు ఎక్కబోతున్నట్లు వార్తలు వస్తున్నాయి.

పెళ్లి చేసుకుని జీవితంలో సెటిల్ అవ్వాలని వర్షిణి నిర్ణయించుకున్నట్లు తెలుస్తోంది. అయితే వరుడు ఎవరో కాదండోయ్.. వర్షిణి బావతోనే ఫిక్స్ చేసినట్లు ప్రచారం జరుగుతోంది. ఇప్పటివరకు సినిమాల్లో ట్రై చేసిన ఈ బ్యూటీ.. పెద్దగా అవకాశాలు రాకపోవడంతో పెళ్లి వైపు అడుగులు వేయాలని నిర్ణయించుకుందట. వరుసకు కాబోయే బావ అంటే వర్షిణికి ఎంతో ఇష్టమని.. ఆమె అంటే అతని కూడా ఇష్టమట. ఈ నేపథ్యంలోనే వారిద్దరికి పెళ్లి చేయాలని నిర్ణయించినట్లు సమాచారం.

వర్షణి బావ ప్రస్తుతం సాఫ్ట్ వేర్ ఉద్యోగి కాగా.. ఒక్కడే కొడుకు అని తెలుస్తోంది. ఈ నెల చివర్లో ఎంగేజ్‌మెంట్ చేసుకుని.. వచ్చే ఏడాది మార్చిలో పెళ్లి పీటలు ఎక్కేందుకు వీళ్లద్దరు నిర్ణయించుకున్నారట. త్వరలోనే అధికారికంగా ప్రకటించే అవకాశం ఉందని ప్రచారం జరుగుతోంది.