Karthika Deepam ఆగస్ట్ 6 ఎపిసోడ్: కీలక మలుపు, భాగ్యం కిడ్నాప్.. ‘ఇదైనా నమ్మండి డాక్టర్ బాబు’

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 ఆగస్ట్ 6)న 1111 ఎపిసోడ్‌కి ఎంటర్ అయ్యింది.

1111వ ఎపిసోడ్‌ హైలైట్స్..
భాగ్యం చెప్పిన మాటల్ని పట్టుకుని మోనిత మొదట నమ్మినా.. తర్వాత భాగ్యం అబద్దం చెబుతుందని గుర్తుపట్టిన సంగతి తెలిసిందే. అయితే భాగ్యాన్ని నమ్మించి.. తన రూమ్‌లోకి తీసుకుని వెళ్లిన మోనిత.. ఓ కర్రతో భాగ్యం తలపై కొట్టి.. భాగ్యం కుర్చున్న కుర్చీకే భాగ్యాన్ని తాళ్లతో కట్టేస్తుంది. ‘నన్నే బురడి కొట్టేస్తావా భాగ్యం.. కార్తీక్‌ని నేను పెళ్లి చేసుకుని తీరతాను’ అంటూ విర్రవీగి నవ్వుతుంది. ఇక సీన్ కట్ చేస్తే దీప కార్తీక్‌తో..‘డాక్టర్ బాబు.. మీరు తెలుసుకోవాల్సిన నిజాలు చాలా ఉన్నాయి. అందుకే మీరు ఓ చోటకి వెళ్లాలి.. అడ్రస్ చెప్పా కదా.. అక్కడకి వెళ్లండి అంతా మీకే తెలుస్తుంది’ అనడంతో.. కార్తీక్ అంజీని కిడ్నాప్ చేసిన చోటికి వెళ్తాడు.

Latest Telugu TV Serials | తెలుగు టీవీ సీరియల్స్

అక్కడ కార్తీక్ తలుపు కొట్టే సరికే మోనిత మనిషి ద్రాక్షారామంతో గొడవ జరిగి బాటిల్‌తో తల పగలగొడతాడు. ఇక కార్తీక్ తలుపు కొట్టడంతో అంజీ రక్తపు చేతులతో సీసా పెంకుతో తలుపు తీసి.. ‘డాక్టర్ బాబు.. దీపమ్మ పంపించిందా’ అంటాడు. మోనిత కిడ్నాప్ చేస్తున్న నైట్ దీపని అంజీ చూస్తాడు. నువ్వు కంగారుపడొద్దు అని దీప అంజీకి సైగ కూడా చేస్తుంది. ఆ సీన్ గుర్తు చేసుకుని.. డాక్టర్ బాబు.. అసలు ఏం జరిగిందంటే.. మోనిత నన్ను కిడ్నాప్ చేసి ఇక్కడ పడేసింది’ అని చెప్పే ప్రయత్నం చేస్తుంది కానీ.. కార్తీక్ నమ్మడు. ఈ రౌడీని దీప నమ్ముతుందా? అనుకుంటూ ‘నీ మాటలు నేను నమ్మను’ అంటూ ముందుకు కదులుతాడు.

‘డాక్టర్ బాబు.. నన్ను నమ్మకపోయినా ఫర్వాలేదు.. కానీ.. మోనితని మాత్రం నమ్మొద్దు.. తను మీకు తెలియకుండా చాలా కుట్రలు పన్నింది..’ అనడంతో.. కార్తీక్ వింటాడు కానీ.. సాక్ష్యం లేని మాటలుగా కొట్టి పారేస్తాడు. ఇక సీన్ కట్ చేస్తే మురళీ కృష్ణ భాగ్యంకి కాల్ చేసినా లిఫ్ట్ చెయ్యకపోవడంతో దీప దగ్గరకు వచ్చి, కంగారు విషయం చెబుతాడు. దీప కూడా అదే విషయం గురించి భయపడుతుంది. ఇక ఆనందరావు 25 తారీఖు మోనితతో పెళ్లి గురించి టెన్షన్ పడుతుంటే.. ఆదిత్య, శ్రావ్య కూల్ చేస్తారు. ఈ క్రమంలో దీపతో పిల్లలు.. ‘అమ్మా నువ్వు 25 తారీఖు బయటికి వెళ్దాం అన్నావ్ కదా మరిచిపోయావా’ అంటూ గుర్తు చేసే పనిలో పడతారు. మరిన్ని వివరాలు తరువాయి భాగంలో చూద్దాం! ‘కార్తీకదీపం’ karthika deepam కొనసాగుతోంది.