Premi Viswanath: కన్నుమూసిన దీప, ముగిసిన పాత్ర.. ఊహించని ట్విస్ట్‌తో ఫ్యాన్స్‌లో ఆందోళన

karthika deepam అభిమానులకు చేదు వార్త! దీప(ప్రేమీ విశ్వనాథ్) పాత్ర ముగిసిందా? ఇక సీరియల్‌లో వంటలక్క కనిపించదా? అంటే అందుకు నేటి ఎపిసోడే సాక్ష్యం. దీప ఏ తప్పు చెయ్యలేదని, ఆ కవలిద్దరూ తన కన్నబిడ్డలేనన్న నిజం కార్తీక్‌కి తెలిసిపోవడం, దీప చావుబతుల మధ్య సౌందర్య చేతుల్లో ప్రాణాలు వదిలేయడం.. ఇవి నేడు కథలో చూపించిన ట్విస్ట్‌లు. పైగా ఎప్పటికప్పుడు లొకేషన్ అప్ డేట్స్ ఇస్తూ తన అఫీషియల్ యూట్యూబ్ ఛానల్ ద్వారా అభిమానులకు చేరువలో ఉండే ప్రేమీ విశ్వనాథ్ కూడా.. పదిరోజుల క్రితమే కేరళా వెళ్లిపోవడం, ఇప్పటి వరకూ సీరియల్‌కి సంబంధించి ఎలాంటి అప్ డేట్స్ ఇవ్వకపోవడంతో.. దీప నిజంగానే సీరియల్‌లో చనిపోతుందా? వంటలక్క పాత్ర ముగిసిపోతుందా? అనే అనుమానాలు బలపడుతున్నాయి.
Karthika Deepam మే 21 ఎపిసోడ్: ‘ దీపా.. నిన్ను అనుమానించి ఘోరమైన పాపం చేశాను’ ప్రశ్చాత్తాపంతో కుమిలిపోతున్న కార్తీక్
ఈ అనుమానాలను బలపరిచే మరో ఆధారం.. కార్తీక్‌కి నిజం తెలియడమే. దీప పవిత్రత గురించి దీపే తెలియపరచాలని తాపత్రయపడినన్నాళ్లు.. కార్తీక్ తెలుసుకోలేదు సరికదా.. చీదరించుకున్నాడు. దీప చచ్చిపోతుందని తెలిసినప్పటికీ జాలితో మాత్రమే చేరదీశాడు. దీప ఏ తప్పు చేసి ఉండదని నమ్మి, ప్రేమగా ఆధరించలేదు. ఇదంతా చూస్తూ నరకయాతన అనుభవిస్తున్న దీప.. చివరికి ‘నా భర్త దృష్టిలో పతితనే.. పవిత్రత రుజువు చేసుకోకుండానే మరణిస్తానా?’ అంటూ కుమిలిపోతున్న తరుణంలో.. ఓ డాక్టర్ ద్వారా కార్తీక్‌కి నిజం తెలియడమే అసలైన ట్విస్ట్. ఉన్నట్టుండి డైరెక్టర్ ఈ ట్విస్ట్ రివీల్ చేయడం చూస్తుంటే.. దీప పాత్ర ముగిసినట్లేనా అనిపిస్తుంది. నిజానికి సీరియల్ మొత్తం రామాయణం పాయింట్ ఆఫ్ వ్యూ‌లో కవలలు, భార్యపై అనుమానం అనే కథనంతో నడిపిస్తున్నారు కాబట్టి.. దీప చావు తప్పదని ఇప్పటికే చాలా మంది అభిమానులు ఊహిస్తున్నారు. దీప చనిపోతుందా అంటూ ఇప్పటికే ఎన్నో వార్తకథనాలు వచ్చాయి.

నేటి ట్విస్ట్‌లో దీప సౌందర్య ముందు చనిపోయినట్లు చూపించారు. పడిపోతున్న సమయంలో కూడా దీప.. ‘అత్తయ్యా నేను చనిపోతే ఆయన మోనితని పెళ్లి చేసుకుంటారా?’ అని భయంతో, బాధతో అల్లాడిపోతూ అడుగుతుంది. చివరికి కన్నుమూసినట్లే.. కళ్లు తేలేసి పడిపోతుంది. ఇక నిజం తెలుసుకున్న కార్తీక్.. నడిరోడ్డు మీద కుప్పకూలిపోయి.. కుమిలి కుమిలి ఏడుస్తుంటాడు. ‘దీపా చాలా పెద్ద పాపం చేశాను.. నిన్నే కాదు.. మన బిడ్డల్ని కూడా పరాయి వాళ్లలా చూశానే.. ఈ తప్పుకు శిక్షేముంటుంది’ అంటూ గుండెలు అవిసేలా ఏడుస్తుంటాడు. కార్తీక్ ఇంటికి తిరిగి వచ్చేసరికి దీప నిజంగానే చనిపోయి ఉంటుందా? అనేది తేలియాల్సి ఉంది.
Karthika Deepam మే 22 ఎపిసోడ్: ‘మమ్మీ నేను తప్పు చేశా.. నువ్వెంత చెప్పినా వినకుండా దీపకు నరకం చూపించా’
అయితే దీప(ప్రేమీ) కూడా లేటెస్ట్ అప్ డేట్స్ ఇవ్వకపోవడంతో.. పాత్ర ముగిసిందా లేక.. షెడ్యూల్ పేకప్‌(కొన్ని ఎపిసోడ్స్ పాటు వరుసగా షూటింగ్ చేసుకుని.. పది, పదిహేను రోజులు విశ్రాంతి తీసుకోవడం) కారణంగా కేరళకు వెళ్లిందా? తేలాల్సి ఉంది. ఇదిలా ఉంటే.. టాప్ రేటింగ్‌తో దూసుకుపోతున్న నంబర్ 1 సీరియల్ కార్తీకదీపంకి.. అప్పుడే ముగింపు వేస్తారనుకుంటే.. పొరపాటే. ఎందుకంటే ఈ సీరియల్ మరో మూడేళ్లు అంటే.. మరో 1000 ఎపిసోడ్స్ ఉంటుందని ఈ సీరియల్ ప్రొడ్యూసర్ తేల్చి చెప్పారు. కానీ సీరియల్‌లో దీప క్యారెక్టర్‌ని క్లోజ్ చేసి కార్తీకదీపాన్ని విరజిల్లేట్టు చేయడం అంటే.. చిన్న విషయం కాదు. చూడాలి మరి ఏం అవుతుందో ఈ కార్తీకదీపం. karthika deepam vantalakka(ప్రేమీ విశ్వనాథ్ కేరళ వెళ్లే ముందు షేర్ చేసిన వీడియో)