Vadinamma ఆగష్టు 16 ఎపిసోడ్: దమయంతి కొత్త స్కెచ్.. సీతకు షాకిచ్చిన భరత్

బుల్లితెర ప్రేక్షకుల్ని ఎంతగానో ఆకట్టుకుంటున్న ‘వదినమ్మ’ సీరియల్.. 620 ఎపిసోడ్‌కి నేడు(2021 ఆగష్టు 16)న ఎంటర్ అయ్యింది. అయితే నేటి ఎపిసోడ్ చాలా ఆసక్తిగా మారింది.

620 ఎపిసోడ్‌ హైలైట్స్..
భరత్ చెప్పిన మాట ప్రకారం సిరి, సీత, భాస్కర్, లక్ష్మణ్.. పార్వతమ్మ ఇంటికి వెళ్లి ‘పాప కోసం వెళ్తే.. పార్వత్తమ్మ పాపని ఎత్తుకుని వచ్చి.. కరాఖండీగా ఇవ్వను అని చెప్పి.. ఆ తర్వాత ఐస్ క్రీమ్ గొడవ తెలిసిందే. అయితే పాపని ఎత్తుకుని ఎగరేస్తూ సీత గుండెలు ఆగిపోయేలా చేస్తుంది పార్వతమ్మ మనవాలి మీద ప్రేమతో. అయితే.. సిరి.. సీతకు నచ్చజెప్పి.. ‘అక్కా నువ్వు వెళ్లు పాపతో నేను ఉంటానులే’ అంటుంది. దాంతో సీతని లక్ష్మణ్ బలవంతంగా తీసుకుని వెళ్తాడు. ఇక సీత ఇంటికి వెళ్లిన తర్వాత కూడా కుదురుగా ఉండదు. బాధపడుతూనే ఉంటుంది. రాజేశ్వరి కూడా పాప వస్తే అన్నం తింటాను అని భీష్మించుకుని కూర్చుంటుంది.

ఇక కాసేపటికి భరత్ వస్తాడు. భరత్‌తో జరిగిందంతా చెప్పడంతో ఆవేశంగా.. ‘పార్వత్తని అడిగేస్తా కడిగేస్తా అని వెళ్తాడు. అయితే సిరి పార్వతమ్మ ఇంటి దగ్గరే ఉండిపోవడంతో.. పార్వతమ్మ పాపని సిరి చేతిలో పెట్టి.. ‘ఇయ్యనని ఇస్తున్నా అని చూస్తున్నావా బిడ్డా.. నిన్ను అల్లుడ్ని రప్పించడానికే ఇలా చేశాను’ అంటూ ప్రేమగా మాట్లాడుతుంది. ఇక పార్వతి భర్త కూడా.. ‘అమ్మా రఘురాం మారాడేమో అనిపిస్తోంది. పాపకి ఎందుకు ఇన్సూరెన్స్ తీసుకోలేదు.. కారణం అడిగితే ఎందుకు చెప్పడం లేదు’ అంటూ సిరి మనసులో అనుమానం కలిగిస్తాడు. దాంతో సిరి కూడా.. ‘ఆ విషయంలో భరత్ బావ కూడా చాలా బాధపడ్డాడు..’ అని చెప్పడంతో పార్వతమ్మ సంబరంగా.. శభాష్ అల్లుడు.. అంటూ ఉండగా భరత్ వస్తాడు. దాంతో భరత్‌ని అల్లుడు నీ బాధ కరెక్టే అల్లుడు.. నాది అదే బాధ. రాండి తీరిగ్గా భోజనం చేసి మాట్లాడుకుందాం.. అని నచ్చజెప్పి.. లోపలికి తీసుకునిపోతుంది. సీత భరత్ కోసం ఎదురు చూసి చూసి విసిగిపోతుంది.

అరే భరత్ రావట్లేదు అంటూ కాల్ చేస్తుంది. భరత్ ఫోన్ సిరి తీసుకుని.. తింటున్నాడు వాళ్ల అత్త ప్రేమగా వడ్డిస్తోంది.. అంటూ నవ్వుతూ మాట్లాడుతుంది. దాంతో పాప.. అంటూ మళ్లీ లక్ష్మణ్‌ని తీసుకుని ఆ రాత్రి సమయంలో పార్వతమ్మ ఇంటికి వెళ్తుంది. ఇక నానీ శిల్పకు కాల్ చేసినప్పుడు ఇంట్లో సమస్య వివరిస్తాడు. అది కాస్తా శిల్ప తల్లితో పంచుకుంటుంది. దాంతో దయమంతి.. ‘అంటే.. ఆ పాపని ఎత్తుకుని వెళ్లిన వాళ్లు సీత కుటుంబానికి శత్రువులు. .అంటే మనకు మిత్రులు... వాళ్లతో స్నేహం చెయ్యాలి’ అనుకుంటూ స్కెచ్ వేస్తుంది. మరిన్ని వివరాలు తరువాయి భాగంలో చూద్దాం! ‘వదినమ్మ’ కొనసాగుతోంది.