Ennenno Janmala Bandham జనవరి 16: మాళవిక బతుకు బస్టాండ్! గెంటేయడానికి పక్కా ప్లాన్ వేస్తున్న అభి అక్క..

Ennenno Janmala Bandham Today: ‘ఎన్నెన్నో జన్మల బంధం’ ఉత్కంఠగా మారింది. వేదా, యష్‌లను ఒక్కటి చేయడాలని.. మాలనీ, సుమిత్రా ప్లాన్ చేసి మరీ.. ఖుషీతో కలిసి.. అగ్రహారం పంపించారు. అక్కడ వేదా అమ్మమ్మ, తాతయ్యలు.. రాజా, రాణీలు కూడా.. వాళ్లని ఒక్కటి చెయ్యాలని ప్లాన్ చేసి చేసి.. విఫలమయ్యారు.

326 ఎపిసోడ్‌ హైలైట్స్..
ఒకరంటే ఒకరికి చచ్చేంత ప్రాణం అయినా.. దాన్ని తెలియపరుచుకోవడంలో వేదా, యష్‌లు విఫలమవుతూ వస్తున్నారు. అందుకే వారి మధ్య శారీరక బంధం ఏర్పడట్లేదు. రాజా, రాణీ చివరి ప్రయత్నంగా.. రాత్రి శోభనం ఏర్పాటు చేస్తే.. ఒకే మంచం మీద.. ఇద్దరూ వేరువేరుగా పడుకుంటారు. అది రాజా, రాణీలకు తెలియకూడదని.. వాళ్లు బాధపడకూడదని.. వేదా.. బొట్టు, జుట్టు చెదరగొట్టుకుని.. పువ్వులు చీర నలుపుకుని.. బయటికి వెళ్తుంది. కానీ వేదా అలా చేయడం ముందే రాణీ కిటికీలోంచి చూసేస్తుంది. తన భర్తతో.. ‘వాళ్లు కలవలేదండి’ అని చెప్పేస్తుంది.

ఇక వేదా, యష్‌లు వెళ్లిపోయే రోజు రావడంతో పూజలు వడి బియ్యం పోసే కార్యక్రమం జరుగుతూ ఉంటుంది. ఆ సమయంలోనే రాణీ వాళ్ల ఇంట్లో పని చేసే ముత్యాలు.. ‘పండండి బిడ్డ పుట్టాలి’ అని వేదాని ఆశీర్వదిస్తుంది. దాంతో రాణీ.. ‘దేవుడే ఆ మాటలు పలికించి ఉంటాడు.. ఇదిగో ఈ చిన్ని కృష్ణుడు లాంటి.. బిడ్డ నీకు పుట్టాలని మనసారా కోరుకుంటున్నాను’ అంటూ చీర కొంగులో కృష్ణుడ్ని పెడుతుంది. వేదా మురిసిపోతుంది. తర్వాత యష్ దగ్గర ఆశీర్వాదం తీసుకుంటుంది. ఇద్దరూ కలసి.. రాజా, రాణీల దగ్గర ఆశీర్వాదం తీసుకుంటారు.

సీన్ కట్ చేస్తే.. మాళవిక స్నానం చేసి వచ్చి మేకప్ వేసుకోవడానికి అద్దం దగ్గరకు వస్తుంది. అయితే అక్కడ ఒక్క కాస్మటిక్ క్రీమ్ కానీ.. లోషన్ కానీ ఉండవు. దాంతో రెచ్చిపోతుంది మాళవిక. పని మనిషిని పిలిచి.. ‘నా మేకప్ కిట్ ఎక్కడా?’ అంటే.. ‘అన్నీబ్రమరాంభికా అమ్మగారు చెత్తబుట్టలో వేయించారు’ అంటుంది పని మనిషి. దాంతో మాళవిక రెచ్చిపోతుంది. ‘అభి.. అభి’ అంటూ అరిచి పిలుస్తుంది. ‘అభి చూశావా.. నా మేకప్ కిట్ మొత్తం మీ అక్క చెత్త బుట్టలో వేయించారట..’ అంటూ కంప్లైంట్ చేస్తూ ఉంటుంది. ‘నాకే తెలుసు బంగారు.. ఆవిడ మీ వదినగారు.. నువ్వు ఆవిడ బంగారం కదా?’ అంటూ వెటకారంగా మాట్లాడతాడు అభి.

ఎందుకంటే.. అప్పటికే.. మీ అక్క అంత గొప్ప ఇంత గొప్ప.. అంటూ బ్రమరాంభికకు అభి ముందే సోప్ వేసి.. బ్రమరాంభిక నుంచి మార్కులు కొట్టేసింది మాళవిక.. మిమ్మల్ని మేడమ్ అని కాకుండా వదినా అని పిలవచ్చా అని అడిగి మరీ వదినా అని బ్రమరాంభికా దేవిని పిలుస్తోంది మాళవిక. ఇక మాళవిక తెలివి తేటలు నాకు నచ్చాయి.. అందుకే తనని బంగారం అని పిలుస్తాను అని చెప్పి ఆ రోజు నుంచి బంగారం అని పిలుస్తోంది బ్రమరాంభికా దేవి. ఇక ఇద్దరి అనురాగం చూసి అభి, కైలాష్‌లే షాక్ అవుతారు కూడా.

ఇంతలో అభీ.. అంటూ ఎంట్రీ ఇస్తుంది బ్రమరాంభికా దేవి. ‘అక్కా’ అంటూ భయపడిపోతూ చూస్తుంటాడు అభి.
‘అభి.. ఎవర్రా ఈ మాళవిక..’ అని గ్యాప్ ఇచ్చి.. ‘మన అతిథి.. అతిథిని ఎలా చూసుకోవాలి? కానీ ఎలా చూసుకుంటున్నావ్’ అంటూ కోపంగా అంటుంది బ్రమరాంభికా దేవి. ఆ మాటలకు.. మాళివక ముఖంలో నవ్వు మొదలవుతుంది. ‘తను వాడే తక్కువ రకం మేకప్ కిట్‌ని పడేయించాను..’ అని చెబుతూనే.. ‘మాళవికా.. ఈ ఒక్క రోజు వెయిట్ చెయ్.. రేపు అమెరికా నుంచి ఖరీదైన మేకప్ కిట్ తెప్పిస్తున్నాను’ అంటుంది. ఆ మాటలకు మాళవిక.. ‘సారీ మేడమ్.. మిమ్మల్ని తప్పుగా అర్థం చేసుకున్నాను’ అంటుంది. ‘అయ్యో మేడమ్ కాదు.. వదినా అని పిలువు బంగారం’ అంటుంది నవ్వుతూ బ్రమరాంభికా దేవి. ఆ ప్రేమానురాగాలు చూసి బుర్ర గోక్కుంటూ పక్కకి వెళ్లిపోతాడు అభి.

ఇక వెంటనే.. మాళవికతో బ్రమరాంభిక దేవి.. ‘అవును అడగటం మరిచిపోయాను.. మీ ఫ్యామిలీ ఏంటీ? మీ ఫ్యామిలీ బ్యాగ్రౌండ్ ఏంటీ? ఎక్కడి నుంచి వచ్చావ్? ఎలా వచ్చావ్.. మా అభి ఎలా పరిచయం? ఎన్నాళ్ల నుంచి ఇక్కడుంటున్నావ్? ఎన్నాళ్లు ఇక్కడుంటావ్? ఏం చెప్పలేదే? హా.. ఏంలేదు నీ గురించి పూర్తిగా నాకు తెలిస్తే కదా నేను నీకు సపోర్ట్ చేయడానికి..’ అంటుంది బ్రమరాంభికా దేవి. దాంతో మాళివిక నవ్వుతూ.. ‘నా గురించి నేను చెప్పుకోవడం కంటే.. అభి చెబితే బాగుంటుంది. ఎందుకంటే నా గురించి పూర్తి డిటైల్స్ అభికి తెలుసు.. మీరు నన్ను అడగటం కన్నా అభిని అడిగితే బాగుంటుంది’ అంటూ క్లారిటీ ఇచ్చి వెళ్లిపోతుంది మాళవిక.

దాంతో బ్రమరాంభికా దేవి తనలో తానే తెగ రగిలిపోతుంది. ‘లాభం లేదు. ఇది నేను అనుకున్నంత తెలివైనది కాదు.. అందుకు మించి.. ఇక నిన్ను ఇన్ డైరెక్ట్‌గా కాదు డైరెక్ట్‌గా అటాక్ ఇవ్వాల్సిందే.. ఇస్తాను’ అనుకుంటుంది బ్రమరాంభిక దేవి. మొత్తానికి పక్కా ప్లాన్ చేసినట్లే కనిపిస్తోంది. నిజానికి ఆమె రావడానికి అభినే కారణం అనేది కైలాష్ అభిప్రాయం. ‘మాళవికని తనంత తాను పొమ్మని చెప్పలేక.. బ్రమరాంభికతో చెప్పించడానికి అభినే తన అక్కని రప్పించాడని.. కైలాష్ నమ్మకం. అదే విషయం గతంలో మాళివికతో కూడా చర్చించాడు. మొత్తానికీ బ్రమరాంభిక మాటలు వింటుంటే.. మాళవిక గతి అదోగతి కానున్నట్లే ఉంది.

ఇక వేదా, యష్‌లు అమ్మమ్మగారి ఇంటి నుంచి.. కారులో బయలుదేరతారు. బయలుదేరే ముందు వేదా చాలా ఏడుస్తుంది. తాతయ్యా అమ్మమ్మా అంటూ రాజా, రాణీలను పట్టుకుని ఏడ్చేస్తుంది. దాంతో ‘మేము త్వరలోనే అక్కడికి వస్తాం తల్లీ.. బాధపడొద్దు’అంటూ ఓదారుస్తారు. కమింగ్అప్‌లో.. వేదా, యష్‌లు ఇంటికి రావడం.. ఖుషీతో ప్రేమగా హగ్ చేసుకోవడంతో కథనం ఆసక్తిగా మారింది. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)