నువ్వెవడ్రా నా డ్రెస్ గురించి మాట్లాడటానికి.. లైవ్‌లో ఏకేసిన అనసూయ

స్టార్ యాంకర్ అనసూయకు బోలెడంత మంది ఫ్యాన్స్ ఉన్నారు. ఆమెకు సోషల్ మీడియాలో చాలా ఫాలోయింగ్ ఉంది. ఆమెను అభిమానించేవారు ఎంత మంది ఉన్నారో.. ద్వేషించే వాళ్లు కూడా అదే స్థాయిలో ఉన్నారు. అనసూయ సోషల్ మీడియాలో ఏదైనా పోస్ట్ పెడితే చాలు ఆమె హేటర్స్ అంతా రెచ్చిపోతారు. తమ చేతికొచ్చిన కామెంట్ రాసి పారేస్తారు. అసభ్యకర కామెంట్లు పెడుతూ ఉంటారు. ఇలాంటి కామెంట్లపై అనసూయ కూడా చాలా సార్లు తన అసహనాన్ని వ్యక్తం చేశారు. తాజాగా ఇన్‌స్టాగ్రామ్ లైవ్‌లో కూడా అనసూయకు ఇలాంటి అనుభవం ఎదురైంది. కానీ, అనసూయ కామ్‌గా ఊరుకోలేదు. లైవ్‌లోనే ఆ వ్యక్తిని వాయించేశారు.

Read also: హీరోయిన్‌తో రవికృష్ణ గొడవ.. ఆ సీరియల్ ఆగిపోవడానికి కారణం ఇదే!

నేడు (మే 15న) అనసూయ పుట్టినరోజు. ఈ సందర్భంగా అభిమానులతో కాసేపు ముచ్చటించడానికి ఆమె సాయంత్రం 5 గంటల నుంచి ఇన్‌స్టాగ్రామ్ లైవ్ నిర్వహించారు. అభిమానులు చెప్పే పుట్టినరోజు శుభాకాంక్షలను స్వీకరిస్తూ వాళ్లకు థ్యాంక్స్ చెబుతూ వచ్చారు. ఈ కామెంట్ల మధ్యలో ఒక కామెంట్ అనసూయకు ఆగ్రహం తెప్పించింది.
‘‘పిల్లల తల్లివి ఆ డ్రెస్సేంటి.. ముందు బట్టలు సరిగా వేసుకో’’ అని ఒక యూజర్ కామెంట్ చేశాడు. అంతే అనసూయకు ఆగ్రహం కట్టలు తెంచుకుంది. ‘‘నువ్వెవడ్రా నాకు చెప్పడానికి. అమ్మంటే తెలుసా నీకు. తన పిల్లల బాధ్యతను చూసూకుంటూ తన గురించి కూడా ఆలోచించుకుంటుందిరా అమ్మ. వేసుకునే బట్టల వల్ల అమ్మతనం పోదు. నేను అందంగా కనిపించడానికి నాకు ఇష్టమొచ్చిన బట్టలు వేసుకుంటా. నువ్వెవరు అడగడానికి’’ అని ఏకేశారు.

See Photos: అనసూయ బర్త్‌డే ఆల్బమ్.. ఫ్యామిలీతో ఫుల్ ఖుషీ

ఇలాంటి వాళ్లు ఆన్‌లైన్‌లో కీబోర్డు మాత్రమే వాయించగలరని.. తన ముందుకు వస్తే ఒక్క మాట కూడా మాట్లాడలేరని ఎద్దేవా చేశారు అనసూయ. ముందు ఇలాంటి వాళ్ల మైండ్ సెట్ మారాలని అన్నారు. ఈ విషయంలో తన భర్త బంగారం అని కొనియాడారు. దిష్టి తీయాలంటూ మురిసిపోయారు. కాగా, ‘జబర్దస్త్’ ఆది గురించి మీ ఉద్దేశం ఏంటని ఓ నెటిజన్ అడిగిన ప్రశ్నకు.. ‘‘ఆది బుల్లితెర త్రివిక్రమ్’’ అంటూ ప్రశంసించారు. తాను మెహదీపట్నంలోని సెయింట్ ఆన్స్ కాలేజీలో డిగ్రీ చదివానని చెప్పారు.