Brahmamudi Kanakam: 'నా చివరి క్షణంలో నీ ఒడిలో ఉండాలి'.. బ్రహ్మముడి కనకం ఎమోషనల్!

స్టార్ మాలో వస్తున్న 'ఆదివారం విత్ స్టార్ మా పరివారం' షో బాగా క్లిక్ అవుతోంది. తమ అభిమాన సీరియల్ నటీనటులు ఈ షోలో చేసే సందడి, ఆడే ఆటలు చూసి ఆడియన్స్ తెగ ఇష్టపడుతున్నారు. అందులోనూ ఈ షోకి బుల్లితెర రాములమ్మ శ్రీముఖి యాంకర్ కావడం కూడా ప్లస్ అయింది. తన ఎనర్జీకి తోడు ఫైమా, ఎక్స్‌ప్రెస్ హరి, ముక్కు అవినాశ్ కామెడీ కూడా తోడయి షోను ఓ రేంజ్‌లో పేలుతుంది. ఇక తాజా ఎపిసోడ్‌లో 'మొగుడ్స్ Vs పెళ్లామ్స్' అనే థీమ్‌ పెట్టి కొంతమంది సీరియల్ నటీనటుల్ని పిలిపించారు. బ్రహ్మముడి కనకం (నీప శివ) కూడా ఈ ఎపిసోడ్‌లో మెరిసింది. ఇందుకు సంబంధించిన ప్రోమో అదిరిపోయింది.

సందడే సందడి

ప్రోమో స్టార్టింగ్‌లో భర్తల గ్యాంగ్ దిగింది. అంబటి అర్జున్, ప్రియతమ్ చరణ్, చింటు (శ్రీనివాస్ దేవగుడి), నగేశ్ (ప్రీతి నిగమ్ భర్త ), శివ కుమార్ (కనకం భర్త).. ఎక్స్‌ప్రెస్ హరితో తమ భర్తల బాధలు చెప్పుకొని తెగ నవ్వించారు. ముఖ్యంగా అర్జున్ కామెడీ టైమింగ్ అయితే వేరే లెవల్‌లో ఉంది. ఆ తర్వాత వెంటే వాళ్ల భార్యలు ఎంట్రీ ఇచ్చారు. ప్రీతి నిగమ్, నీప (కనకం), మానస, సురేఖ, శాంతి.. వచ్చిన తర్వాత వాళ్ల భర్తలతో ఓ ఆట ఆడుకున్నారు. ఇక తర్వాత మొగుడ్స్ Vs పెళ్లామ్స్ అంటూ భర్తలు-భార్యలకు కొన్ని గేమ్స్ పెట్టారు. ఇవి కూడా చాలా హిలేరియస్‌గా ఉన్నాయి.

కనకం ఎమోషనల్

ఇక ఆ తర్వాత "నీప గారు మీది లవ్ మ్యారేజా" అని శ్రీముఖి అడిగితే "లేదండి అరేంజ్‌డ్ మ్యారేజే" అని కనకం బదులిచ్చింది. మీ భర్త పేరు ఏంటి అని అడిగితే కనకం చెప్పకుండా తెగ సిగ్గుపడింది. ఎవరైనా మీ భర్త పేరు అడిగితే ఏం చెప్తారు అని శ్రీముఖి అడిగితే కనకం స్పెల్లింగ్ చెప్పింది. దీంతో శ్రీముఖి సహా అక్కడున్న వాళ్లంతా తెగ నవ్వుకున్నారు.

ఇక ఆ తర్వాత తన భర్త ఎదురుగా కూర్చొని కనకం చాలా ఎమోషనల్ అయింది. "లైఫ్ లాంగ్ ఇలానే హ్యాపీగా ఉండాలని.. నా తుదిశ్వాసలో నీ ఒడిలో ఉండాలని నా కోరిక.. నువ్వంటే చాలా ప్రేమ.. ఇది నా కోరిక" అని కనకం చెప్పగానే ఆమె భర్త గట్టిగా హగ్ చేసుకున్నారు. కనకం కూడా తన భర్త బుగ్గపై చాలా ప్రేమగా ముద్దు పెట్టారు. ఇలానే మిగిలిన వాళ్లు కూడా తమ పార్టనర్ గురించి చాలా ఎమోషనల్‌గా మాట్లాడారు. ఈ ప్రోమోపై మీరూ ఓ లుక్కేయండి.

• Read latest TV News and Movie Updates