Ennenno Janmala Bandham ఫిబ్రవరి 20: వేద పరిస్థితి విషమం.. ఎత్తుకుని యష్ పరుగులు.. అభి ప్లాన్ వినేసిన చిత్ర!

Ennenno Janmala Bandham Today: ‘ఎన్నెన్నో జన్మల బంధం’ సీరియల్ ఆసక్తికరంగా సాగుతోంది. ఇక పానకం తాగడంతో.. ఇటు విన్నీ.. అటు యష్.. ఇద్దరూ కడుపునొప్పితో బాధపడటం తెలిసిందే. వాష్ రూమ్‌కి పరుగులు తీస్తూ ఉంటారు. ఇక వేదా.. టాబ్లెట్ వేసుకోండి అంటుంది కానీ యష్ బెట్టు చేస్తాడు. సరే మీ ఇష్టం వేసుకుంటే వేసుకోండి ఇక్కడ పెట్టి వెళ్తున్నా అంటూ వేదా బయటికి వెళ్లగానే.. లటుక్కున వేసుకుంటాడు యష్. ఇక విన్నీ కూడా.. వేదాని చూసి.. ఏ సమస్య లేనట్లుగా బిల్డప్ కొట్టే ప్రయత్నం చేస్తాడు. ‘నాకు తెలుసు విన్నీ.. నీకు మా వారికి కడుపు అంతా పసక్ అని.. ఈ టాబ్లెట్ వేసుకో అంటూ అందిస్తుంది. ఇక విన్నీ దొరికిపోయానా అనుకుంటూ.. టాబ్లెట్ వేసుకుంటాడు బుద్ధిగా. ఇక కరెంట్ పోవడంతో వేదా.. విన్నీ దగ్గరే కూర్చుని కబుర్లు చెబుతూ ఉంటుంది.

యష్.. కరెంట్ మాకు మాత్రమే పోయిందా? అందరికీ పోయిందా అనుకుంటూ బయటికి వచ్చి చూస్తాడు. ఇంతలో వేదా, విన్నీల మాటలు విని షాక్ అవుతాడు. ‘వేదు నువ్వు పెళ్లి చేసుకునే టప్పుడు నేనెందుకు గుర్తు రాలేదు వేదూ.. నువ్వు నాకొక కాల్ చేసి ఉంటే.. రెక్కలు కట్టుకుని వాలిపోయేవాడ్ని తెలుసా’ అంటూ వేదా మీద విన్నీ ఇష్టాన్ని తెలుసుతున్నదంతా వినేసిన యష్.. ‘ఛా..’అనుకుంటూ లోపలికి వెళ్లిపోతాడు. ‘విన్నీ ఆపుతావా నీ ఆటపట్టింపు.. నాకు పెళ్లి అయ్యింది. భర్త పాప అంతా ఉన్నారు. నా జీవితం హౌస్ ఫుల్ అయిపోయింది.’ అంటుంది నవ్వుతూ.

ఇక సీన్ కట్ చేస్తే.. చిత్రకు అనుకోకుండా కాలిలో గాజు పెంకు గుచ్చుకుంటుంది. వసంత్ దాన్ని తీసి.. కట్టుకట్టి.. ముద్దు పెట్టి చాలా ప్రేమగా చూసుకుంటాడు. తెల్లారే.. చిత్ర ఆఫీస్‌లో ఏదో డెమో ఇస్తుంటే.. మీటింగ్ మధ్యలోకి అభిని కలవడానికి అభి అక్క బ్రమరాంభిక దేవి.. కైలాష్‌లు వస్తారు. రావడం రావడమే.. ‘తమ్ముడు నీతో ఐదునిమిషాలు పర్సనల్‌గా మాట్లాడాలి’ అంటుంది బ్రమరాంభిక. దాంతో మీటింగ్ ఈవినింగ్ ఉంటుంది.. సారీ మీరు వెళ్లండి అంటూ చిత్రతో సహా మిగిలిన ఉద్యోగుల్ని పంపించేస్తాడు అభి. అది చూసి.. చిత్రకు అనుమానం వస్తుంది. అందుకే కావాలని ఫైల్ వదిలిపెట్టి బయటికి వెళ్తుంది.

‘నీ మీద ఎలాంటి కేసు పెట్టను.. నీతో నాకు ఎలాంటి సంబంధం లేదు.. నీ ఆస్తిలో నాకు ఎలాంటి వాటా అడగను అని.. మాళవిక తనకు తానుగా.. రాసి ఇచ్చే లీగల్ డాక్యుమెంట్.. దీని మీద మాళవికతో ఒక్క సంతకం తీసుకుంటే చాలు’ అని బ్రమరాంభిక సరిగ్గా చెప్పేటైమ్‌కి చిత్ర లోపలికి వస్తుంది. వచ్చి.. ఫైల్ మరిచిపోయాను.. సారీ సార్ అని తీసుకుని వెళ్తుంది. మొత్తానికి చిత్రకి.. ‘డాక్యుమెంట్.. దీని మీద మాళవికతో ఒక్క సంతకం తీసుకుంటే చాలు’ అనే మాటలు మాత్రమే వినిపిస్తాయి. ‘అంటే వీళ్లు మాళవికకు ఏదో అపాయం తలపెట్టాలని చూస్తున్నారు’ అని అర్థం చేసుకుంటుంది.

చిత్ర వెళ్లక.. ‘మాళవికతో సంతకం పెట్టించాలి అంతే కదా.. నేను చూసుకుంటాను’ అనేసి అభి తన అక్కతో చెబుతాడు. మరి మాళవిక చదవకుండా గుడ్డిగా సంతకం పెట్టేస్తే మాత్రం ఇక కథ అడ్డం తిరిగినట్లే. మరోవైపు.. యష్ దగ్గరకు పక్కింటి రాజేశ్వరి గారు వచ్చి.. ‘మా అమ్మాయి కవితకి మీ విన్నీకి పెళ్లి చెయ్యాలని ఉంది.. మీరేమంటారు?’ అంటుంది. దానికి దొరికిందిలే ఛాన్స్ అనుకుంటూ యష్.. పెళ్లి చూపులు ఏర్పాటు చేసేస్తాడు. దాంతో విన్నీ ఇబ్బంది పడతాడు. అది చూసి.. దాన్ని చెడగొట్టడానికి వేదా.. ‘మీ అమ్మాయి పొడవు కాదు కదా.. మా విన్నీ పొడవు.. ఇద్దరికీ అంత సెట్ కాదేమో’ అంటూ మాట్లాడుతుంది. కమింగ్ అప్‌లో.. రాజేశ్వరి కాస్త వేదా మాటలకు హర్ట్ అయ్యి.. ‘నీకు మీ వారు తెచ్చిన సంబంధం నచ్చినట్లు లేదులే’ అనేసి వెళ్లిపోతుంది. ఇక వాళ్లు వెళ్లాక.. యష్.. వేదా మీద అరుస్తాడు. ‘నీకు విన్నీ పెళ్లి కావడం ఇష్టం లేదా?’ అది ఇది అంటూ తిట్టేస్తాడు.

ఎప్పుడూ నా మీద కోపమేనా మీకు.. నన్ను మీరు ఎంత బాధపెడుతున్నారో తెలుస్తుందా? అంటూ అంటూ.. కళ్లు తిరిగిపడబోతుంది. యష్ పట్టుకుంటాడు. వేదా.. వేదా అంటున్నా వేదాలో చలనం ఉండదు. ఎత్తుకుని ఆసుపత్రికి తీసుకుని వెళ్తాడు. అప్పటికే వేదా ముక్కలోంచి రక్తం వస్తుంది. లోపలికి తీసుకుని వెళ్లిన డాక్టర్లు ఆక్సిజన్ పెట్టి.. ట్రీట్మెంట్ అందిస్తుంటారు. చూడబోతే వేదాకి ఏదో భయంకరమైన జబ్బు రాబోతున్నట్లే ఉంది. చూడాలి మరి ఏం జరుగుతుందో. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)