Bigg Boss: నోరు జారిన యాంకర్.. బిగ్‌ బాస్‌లోకి చలాకి చంటి ఎంట్రీ కన్ఫార్మ్

బిగ్ బాస్ సీజన్-6కు చలాకి చంటి (Chalaki Chanti) ఎంట్రీ కన్ఫార్మ్ అయింది. ఇప్పటికే చంటి బిగ్‌ బాస్ హౌస్‌లోకి వెళతాడని చాలా వార్తలు వచ్చిన సంగతి తెలిసిందే. ఇటీవల చంటి కూడా హింట్ ఇచ్చినా.. కచ్చితంగా వెళుతున్నట్లు చెప్పలేదు. తాజాగా ఓ ఇంటర్వ్యూలో పాల్గొన్న చంటి.. యాంకర్ రోషన్‌తో జబర్దస్త్ షో గురించి మాట్లాడారు. ఈ క్రమంలో యాంకర్ మాట్లాడుతూ.. చంటి చాలా తెలివైన వ్యక్తి అని.. ఇదే తెలివిని బిగ్‌ బాస్ హౌస్‌లో కూడా ఉపయోగించాలని అన్నాడు. దీంతో చంటి బిగ్ బాస్ హౌస్‌లో ఎంట్రీ ఇస్తు్న్నట్లు రోషన్ నోరు జారి కన్ఫార్మ్ చేశాడు.

ఇటీవల బిగ్ బాస్‌లోకి వెళ్లే విషయంపై చంటి స్పందిస్తూ.. షో నిర్వాహకులు తనను సంప్రదించారని చెప్పాడు. రెండు విషయాలపై క్లారిటీ రావాల్సి ఉందన్నాడు. వాటికి వారు అంగీకరిస్తే.. హౌస్‌లో వెళ్లే ఛాన్స్ ఉందంటూ హింట్ ఇచ్చాడు. హైపెయిడ్ రెమ్యూనరేషన్ లిస్టులో చలాకి చంటి పేరు ఉన్నట్లు వార్తలు వస్తు్న్నాయి. కాగా.. చంటిని ఇంటర్వ్యూ చేసిన రోషన్ కూడా బిగ్ బాస్ హౌస్‌లో ఎంట్రీ ఇస్తున్నట్లు తెలుస్తోంది.

అట్ట ఎర్రిమొహం వేసుకుని చూస్తావేంట్రా అంటూ 'బిగ్ బాస్ సీజన్ 6' ప్రారంభ తేదీపై ఇటీవలె క్లారిటీ ఇచ్చారు హోస్ట్ నాగార్జున. 'ఇక్కడ ఈ ఆట ఆగింది అంటే.. అక్కడ అసలైన ఆట మొదలైనట్టే.. లైఫ్‌లో ఏ మూమెంట్ అయినా బిగ్ బాస్ తరువాతే.. బిగ్ బాస్ సీజన్ 6 ఎంటర్‌టైన్‌మెంట్‌కు అడ్డా ఫిక్స్' అంటూ ప్రోమోలో నాగార్జున చెప్పారు. సెప్టెంబర్ 4 (ఆదివారం) నుంచి బిగ్ బాస్ సీజన్ 6 మొదలు కాబోతున్నట్లు ప్రోమో వదిలిన సంగతి తెలిసిందే.