Jabardasth: మేం లవర్స్ కాదు.. ట్రాక్‌లు వేసి నా కొంపముంచారు, వర్ష నా నంబరు బ్లాక్‌లో పెట్టింది: జబర్దస్త్ ఇమ్మానుయేల్

జబర్దస్త్ (Jabardasth) షోలో లవ్ ట్రాక్‌ల గురించి ప్రత్యేకంగా చెప్పక్కర్లేదు. ముఖ్యంగా రష్మీ-సుధీర్ (Rashmi Sudheer) జంట బుల్లితెరపై ఆడియన్స్‌కు బాగా కనెక్ట్ అయింది. వీరిద్దరిది నిజమైన ప్రేమ కాదని తెలిసినప్పటికీ.. ఇద్దరిని ఒకే ఫ్రేమ్‌లో చూస్తే అభిమానులకు పండగలా ఉంటుంది. రష్మీ, సుధీర్ పెళ్లి చేసుకోవాలని ఎంతోమంది కామెంట్స్ రూపంలో కూడా పెడుతుంటారు. ఈ ఇద్దరి తరువాత బాగా ఫేమస్ అయిన జంట ఇమ్మానుయేల్-వర్ష (Emmanuel Varsha). అవకాశం దొరికినపుడల్లా వీరిద్దరి లవ్ ట్రాక్‌ను మల్లెమాల నిర్వాహకులు ప్రోమోలో చూపిస్తూ.. హైప్ పెంచేస్తుంటారు. ఇటీవల రిలీజ్ చేసిన ఓ ప్రోమోలో ఇమ్మానుయేల్ కాదంటే.. తన ఊపిరి ఉండదంటూ జబర్దస్త్ వర్ష చెప్పిన మాటలు వైరల్ అయిన సంగతి తెలిసిందే.

తాజాగా ఇందుకు సంబంధించిన ఫుల్ స్కిట్‌ నెట్టింట బాగా ఆకట్టుకుంటోంది. యముడి వేషంలో గెటప్ శ్రీను అదరగొట్టేశాడు. కైకాల సత్యనారాయణ వాయిస్ ఇమిటేట్ చేస్తూ.. అందరినీ తెగ నవ్వించాడు. జబర్దస్త్ షోలో ప్రేమ జంటలు చనిపోయి నరకానికి వస్తే.. ఎలా ఉంటుందనే కాన్సెప్ట్‌తో స్కిట్ చేశారు. ముందుగా రాకింగ్ రాకేష్-సుజాత జంటతో పంచ్ డైలాగ్స్‌తో నవ్వులు పూయించారు. ఆ తరువాత ప్రవీణ్-ఫైమా జోడి ఎలా చనిపోయిందో వివరిస్తూ కామెడీని జనరేట్ చేశారు.

స్కిట్‌లో హైలెట్‌లో ఇమ్మానుయేల్-వర్ష జంట పంచ్‌లు బాగా పేలాయి. ముఖ్యంగా ఇమ్మానుయేల్ డైలాగ్స్‌తో రెచ్చిపోయాడు. వర్షను వాడుకుని మంచి పోజిషన్‌కు వచ్చావయ్యా.. అని గెటప్ శ్రీను అనగా.. ఊరికోండి సార్ అంటూ ఇమ్మానుయేల్ అన్నాడు. ''దాన్ని నేను వాడుకోవడం ఏంటి.. నా ఫేమ్‌ను వాడుకునే దానికి ఫేమ్ వచ్చింది. ఎవరండీ లవర్స్.. మేం లవర్స్ కాదు. ఆ ఆడియో వాళ్ల ఓ ట్రాక్ వేస్తారు. చిన్నగా దగ్గరకు వెళతాం. ఇలాగే ట్రాక్‌లు వేసి నా కొంపంతా ముంచారు.

ఇక్కడ స్కిట్ అవ్వగానే ఇంటికి వెళ్లి నా నంబరు బ్లాక్‌లో పెడుతుంది. ఏ ఈవెంట్‌కు వెళ్లినా 'అన్నా.. వదిన ఎక్కడా..' అని అడుగుతున్నారు. వర్ష ఎక్కడంటుందో నాకేం తెలుసు..'' అంటూ ఇమ్మానుయేల్ అందరినీ తెగ నవ్వించాడు. ఇలాగే ట్రాక్‌లు వేసి ఒకరిని పంపించారంటూ సుడిగాలి సుధీర్‌ను ఉద్దేశించి అన్నాడు. ఇప్పుడు తనను కూడా పంపించాలని ప్లాన్ వేస్తున్నారన్నాడు. ఇలా ఆద్యంతం ఈ స్కిట్ నవ్వులు పూయిస్తూ.. బుల్లితెర ఆడియన్స్‌కు నవ్వులు తెప్పిస్తోంది. ఈ స్కిట్‌లో ప్రేమ జంటలు చెప్పిన డైలాగ్స్ కూడా బాగా ఆకట్టుకుంటున్నాయి. నిజంగా ఒకరిపై ఒకరికి ప్రేమ ఉన్నట్లు స్క్రీన్‌పై నటించారు.