Guppedantha Manasu సెప్టెంబర్ 30 ఎపిసోడ్: ‘నా విజయాల వెనుక మా అమ్మే ఉంది’ షాకిచ్చిన రిషి

బుల్లితెర ప్రేక్షకుల్ని ఎంతగానో ఆకట్టుకుంటున్న ‘గుప్పెడంత మనసు’ సీరియల్.. నేడు(2021 సెప్టెంబర్ 30)న 255 ఎపిసోడ్‌కి ఎంటర్ అయ్యింది.

255వ ఎపిసోడ్‌ హైలైట్స్..
ఉదయాన్నే లెవగానే రిషి ధరణి దగ్గరకు వెళ్లి.. ‘కాఫీతో పాటు ఒ క్లారిటీ కావాలి’ అంటాడు. ‘ఏంటది’ అని ధరణి అనడంతో.. ‘వసుధర మొన్న ఇంటికి వచ్చినప్పుడు పెద్దమ్మ ఏదైనా అన్నారా? వసుధరని అడిగితే ఏం చెప్పలేదు. అయినా తను లైట్ తీసుకుంటుందని తెలుసు కానీ పెద్దమ్మ కోపంలో ఏదైనా అనేశారేమో అని.. నిన్ను అడుగుతున్నాను వదినా’ అంటాడు. దాంతో ధరణి మనసులో.. ‘నేను ఇప్పుడు నిజం చెప్పినా నువ్వు నమ్మవు రిషి’ అనుకుంటూ.. ‘వసుధరే లైట్ తీసుకుందిగా.. నువ్వెందుకు అంతా పట్టించుకుంటున్నావ్’అంటూ మాట దాటేస్తుంది.

ఇక కాలేజ్ మీటింగ్ సమయంలో.. గర్నమెంట్ ఆఫీసర్ దామోదర్‌ జగతిని, రిషిని పొగుడుతాడు. మరోవైపు ఆ మీటింగ్ తర్వాత రిషి, వసుధర ఇద్దరూ వాలెంటీర్స్‌తో వీడియో కాన్ఫిరెన్స్ నడుపుతారు. వాళ్లందరికీ సలహాలు సూచనలు చేసిన తర్వాత మీటింగ్ క్లోజ్ అయిన తర్వాత మిస్టర్ ఇగో, వసు మాట్లాడుకుంటూ ఉంటారు. ‘మీరు కలుగజేసుకున్న తర్వాత ఈ ప్రాజెక్ట్ ఇంత మంచి పేరు తెచ్చుకుంది’ అంటూ వసు మనస్పూర్తిగా పొగుడుతుంది. అయితే రిషి నమ్మకపోవడంతో ఒట్టుసార్ అంటుంది. వెంటనే చేతులు వెనక్కి తీసుకుని.. మొన్నటిలా గిల్లి గిల్లొట్టు.. అన్నట్లు.. ఇప్పుడు కొట్టి కొట్టొట్టు వేస్తావేమో’ అని వెనక్కి తీసుకున్నా అంటాడు. ఇక మొత్తానికి రిషి తన విజయాల గురించి మాట్లాడుతూ.. ‘నా విజయాల వెనుక ఒక స్త్రీ ఉంది’ అనేసరికి జగతి అక్కడికి వస్తుంది.

మిస్టర్ ఇగో పాజిటివ్‌గానే ‘రండి మేడమ్ కూర్చోండి.. వచ్చిన పనేంటీ’ అంటాడు. దాంతో జగతి కూర్చుని రిషి జగతి ఇంట్లో పారేసుకున్న పెన్ డ్రైవ్ అందిస్తుంది. అయితే రిషికి వసు గతంలో ‘పెన్ డ్రైవ్ కంటే మెదడులో ఉన్నదే గొప్పది’ అని చెప్పినప్పుడు రిషి వసుని హగ్ చేసుకోవడం గుర్తు చేసుకుని.. అవే డైలాగ్స్ తిరిగి జగతికి చెబుతాడు. ఇక వసు అయితే.. ‘మీ జీవితంలో విజయాల వెనుక ఉన్న స్త్రీ ఎవరోె చెబుతున్నారు కదా సార్.. చెప్పండి’ అనడంతో.. మళ్లీ చెప్పడం మొదలుపెడతాడు. అయితే జగతి మనసులో.. ‘వసు గురించి చెబుతాడు’ అని, వసు మనసులో.. ‘జగతి గురించి చెబుతాడు’ అని అనుకుంటారు. ‘నా జీవితంలో నా విజయాల వెనుక మా అమ్మే ఉంది’ అనేసరికి జగతి, వసుల ముఖాలు సంతోషంతో వెలిగిపోతాయి. ‘మా పెద్దమ్మే మా అమ్మ’ అనేసరికి ఇద్దరూ షాక్ అవుతారు. ‘తనే నాకు దైవం.. తనే నాకొక స్పూర్తి.. క్లాస్ ఫస్ట్ వస్తే మా పెద్దమ్మ నన్ను ఎత్తుకుని ముద్దాడి నన్నొక హీరోలా చూసేది..’ అంటూ మిస్టర్ ఇగో ఎప్పటిలానే పెద్దమ్మ గురించి పొగుడుతూ చెబుతుంటాడు.

కమింగ్ అప్‌లో..
‘ఏంటీ కోపమా?’ అంటాడు మిస్టర్ ఇగో వసుతో పాటు నడుస్తూ.. ‘మాకెందుకు వస్తాయి సార్ కోపాలు.. వేరేవాళ్లకి కోపం వస్తే భరించడం సహించడమే తెలుసు మాకు..’ అంటుంది వసు కోపంగా. ‘నీకెందుకు కోపం వచ్చిందో మాకు తెలుసులే..’ అంటాడు మిస్టర్ ఇగో.. ‘విశ్లేషించడం మీరెప్పుడు మొదలుపెట్టారు సార్?’ అంటుంది వసు. ‘మామూలుగా అయితే నువ్వు లొడలొడా మాట్లాడతావ్ కదా? కానీ ఈ రోజు సీన్ రివర్స్‌లో ఉందిగా..’ అంటాడు రిషి. ‘అన్నీ తెలిశాక అడగడం అవసరమా సార్?’ అంటుంది వసు. ఇక మిస్టర్ ఇగో వసు వెళ్లిపోయిన తర్వాత కూడా మనసులో ‘ఏంటీ పొగరు? ఈ రోజు తేడా ఉంది?’ అని ఆలోచిస్తూ ఉంటాడు. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది.