Janaki Kalaganaledu: సీరియల్ హీరో అమర్ దీప్ చనిపోయాడంటూ ఆ ఛానల్ కక్కుర్తి.. తాటతీసిన అషురెడ్డి

ఇంతకంటే దారుణం.. నీఛం మరోటి ఉండదు.. వ్యూస్ కోసం కక్కుర్తి పడ్డ మిధున్ టాకీస్ అనే యూట్యూబ్ ఛానల్.. ‘జానకి కలగనలేదు’ సీరియల్ హీరో అమర్ దీప్ చౌదరిని చంపేశారు. దారుణంగా కన్నుమూసిన సీరియల్ నటుడు అంటూ అమర్ దీప్ ఫొటోతో ఐసీయూలో ఉన్న ఫేక్ ఫొటోని మిక్స్ చేసి తంబ్ నెయిల్ పెట్టి వీడియోను అప్ లోడ్ చేసి దారుణానికి ఒడికట్టారు.

అయితే ఈ వీడియో బాగా వైరల్ కావడంతో చాలామందిని షాక్‌కి గురిచేసింది. అయితే ఇలాంటి ఫేక్ న్యూస్‌తో వ్యూస్ సంపాదిస్తున్న మిధున్ టాకీస్ (Midhun Talkies) యూట్యూబ్ ఛానల్‌పై చర్యలు తీసుకోవాలని పలువురు సెలబ్రిటీలు స్పందిస్తుండగా.. బిగ్ బాస్ ఫేస్ అషురెడ్డి.. ఇన్ స్టాగ్రామ్ వేదికగా స్పందిస్తూ.. ఆ యూట్యూబ్ ఛానల్‌పై ఫైర్ అయ్యింది. తన మిత్రులు, ఫాలోవర్స్ ఈ ఛానల్‌ని రిపోర్ట్ చేయాలని కోరుతూ స్క్రీన్ షాట్స్‌ని తన ఇన్ స్టాగ్రామ్ స్టోరీలో షేర్ చేసింది.

కాగా ‘జానకి కలగనలేదు’ సీరియల్‌తో పాపులర్ అయిన అమర్ దీప్ చౌదరి.. ఇందులో రామ చంద్ర పాత్రతో ఆకట్టుకుంటున్నాడు. అంతకు ముందు ఉయ్యాలా జంపాలా, సిరి సిరి మువ్వలు వంటి సీరియల్స్‌తో పాటు పలు వెబ్ సిరీస్‌లలో కూడా నటించాడు. కృష్ణార్జున యుద్ధం, శైలజారెడ్డి అల్లుడు వంటి సినిమాల్లో కూడా కనిపించాడు అమర్ దీప్ చౌదరి.