Karthika Deepam Serial ట్విస్ట్: డాక్టర్ బాబు రీఎంట్రీ.. గుడిలో ఒక్కటైన దీప, కార్తీక్! ఫ్లాష్ బ్యాక్ స్టోరీ

డాక్టర్ బాబు వచ్చేశాడు. కార్తీకదీపం అభిమానుల ముందుకు డాక్టర్ బాబు వచ్చేశాడు. వంటలక్క బతికి కోమా లోంచి బయటపడటంతో దూసుకుపోతున్న సీరియల్.. ఇప్పుడు డాక్టర్ బాబు రీఎంట్రీతో దుమ్ము రేపనుంది. పెద్దవాళ్లైన సౌర్య, హిమ పెళ్లి రచ్చ, మోసం, క్షమాపణలు.. అంటూ నెక్స్ట్ జనరేషన్ కథ నడుస్తున్న తరుణంలో.. వారణాసి వచ్చి.. దీప కార్తీక్ బతికే ఉన్నారు అని చెబుతాడు. దాంతో కథలో ‘ఫ్లాష్ బ్యాక్ స్టోరీ’ మొదలైన సంగతి తెలిసిందే.

వంటలక్క ప్రమాదం జరిగిన కొన్ని సంవత్సరాలకే కోమాలోంచి లేస్తుంది. పైగా సౌర్య.. సౌందర్య వాళ్లకు దూరంగా.. తల్లిదండ్రులు బతికే ఉన్నారనే ఆశతో చిక్ మంగుళూర్ వెళ్లిపోతుంది. అక్కడ చంద్రమ్మ, ఇంద్రుడు దగ్గరే పెరుగుతుంది. అక్కడే, అప్పుడే వారణాసి సౌర్య కలుసుకున్నట్లు.. దీప, కార్తీక్‌ల కోసం వెతికినట్లు చూపించారు డైరెక్టర్. ఈ క్రమంలోనే సీరియల్ మొత్తం ఫ్లాష్ బ్యాక్‌లో నడుస్తూ ఉంది. నేటి కథనంలో (కొన్నేళ్లక్రితం) దీప, సౌర్యలు హైదరాబాద్ బయలుదేరడం ఓ ట్విస్ట్ అయితే.. రేపు ప్రసారం కాబోతున్న ఎపిసోడ్‌లో డాక్టర్ బాబు రీఎంట్రీ మరో ట్విస్ట్‌గా మారింది.
Read also: ‘కార్తీకదీపం’ ఆగష్టు 17 ఎపిసోడ్: ఒకే బస్సు ఎక్కిన వంటలక్క, సౌర్య.. (ఆ రోజు ఏం జరిగిందంటే)

ప్రోమో హైలైట్స్..
దీప ఓ గుడిలో దేవుడికి దన్నం పెట్టుకుంటూ ఉంటుంది. ‘పోయాయి అనుకున్న ప్రాణాలు నిలబెట్టావ్.. ప్రమాదం జరిగిన రోజే ఎవరో ఒకర్ని పక్క ఊరు ఆసుపత్రిలో చేర్చారని చెబుతున్నారు.. ఆయనే డాక్టర్ బాబు అయ్యేలా చూడు స్వామీ.. అంటూ మొక్కి, నుదుటిన కుంకుమ పెట్టుకుంటూ ఉంటుంది. అప్పుడే ‘దీపా’ అంటూ వెనుక నుంచి డాక్టర్ బాబు పిలుపు వినిపిస్తుంది. చాలా సంబరంగా.. పట్టరాని ఆనందంతో వెనక్కి తిరిగి చూస్తుంది దీప. కార్తీక్ ఎదురుగా ఉంటాడు. దీప పరుగున వెళ్లి కార్తీక్‌ని హత్తుకుంటుంది. కార్తీక్ కూడా దీపని ప్రేమగా కౌగిలించుకుంటాడు. మొత్తానికీ కార్తీకదీపం అభిమానుల కోరిక ఫలించింది. డాక్టర్ బాబు మళ్లీ సీరియల్‌లో కనిపించడం ఆసక్తిగా మారింది.

అయితే ఇది దీప ఊహ కావచ్చు. ఎక్కడో గుడిలో ఉన్నదీప దగ్గరకు కార్తీక్ రావడం అనేది.. కాస్త అతిశయోక్తిగానే ఉంది. సీన్ అంతగా కనెక్ట్ కాలేదు. పైగా ఎమోషనల్‌గా కూడా అభిమానుల్ని మెప్పించేలా లేదు. అదే నిజమైతే మాత్రం సీన్ తేలిపోతుంది. డాక్టర్ బాబు రావడం అంటే.. ప్రత్యేకంగా ఉండాల్సింది. దానికో ట్విస్ట్ చూపించాల్సిందే. ఏం లేకుండా అలా వచ్చి దీపా అని పిలిచేసి.. కౌగిలించేసుకునే సీన్‌ని అభిమానులు పెద్దగా హర్షించకపోవచ్చు. అందుకే అది దీప ఊహ కావచ్చు. ఆ ఊహలోంచి బయటికి వచ్చిన దీప ఏడిస్తే మళ్లీ ఎమోషనల్‌గా సీన్ పండుతుందని డైరెక్టర్ ప్లాన్ చేసి ఉండొచ్చు. ఏది ఏమైనా.. డాక్టర్ బాబు కనిపించడమైతే నిజం. దీప, కార్తీక్‌లు ఒకే స్కీన్ మళ్లీ మెరవడం నిజం. అభిమానులకు ఇది పండుగే.